ਬਠਿੰਡਾ, 22 ਦਸੰਬਰ (ਅਵਤਾਰ ਸਿੰਘ ਕੈਂਥ)-ਸਹਾਰਾ ਜਨ ਸੇਵਾ ਜੋ ਕਿ ਮਨੁੱਖਤਾ ਦੀ ਸੇਵਾ ਲਈ ਸਮਰਪਿਤ ਹੈ ਅਤੇ ਅਵਾਰਾ ਪਸ਼ੂਆਂ ਦੀ ਰਾਖੀ ਲਈ ਹਰ ਸੰਭਵ ਕੋਸ਼ਿਸ਼ ਕਰਦੀ ਰਹਿੰਦੀ ਹੈ | ਸਹਾਰਾ ਟੀਮ ਦੇ ਬਾਨੀ ਵਿਜੇ ਗੋਇਲ ਨੇ ਦੱਸਿਆ ਕਿ ਬੀਤੇ ਦਿਨ ਸਹਾਰਾ ਟੀਮ ਮੈਂਬਰਾਂ ਹਰਬੰਸ ਸਿੰਘ, ਸੰਦੀਪ ਗਿੱਲ, ਜੱਗਾ, ਟੇਕ ਚੰਦ, ਗੁੱਲੀ, ਠਾਕੁਰ ਅਤੇ ਮਨੀ ਵਰਮਾ ਨੇ ਸਥਾਨਕ ਸੰਤਪੁਰਾ ਰੋਡ 'ਤੇ ਖੜ੍ਹੇ ਅਵਾਰਾ ਪਸ਼ੂਆਂ ਨੂੰ ਧੁੰਦ ਆਦਿ ਤੋਂ ਬਚਾਉਣ ਲਈ, ਉਨ੍ਹਾਂ ਦੇ ਗਲਿਆਂ 'ਚ ਰਿਫ਼ਲੈਕਟਰ ਬੈਲਟਾਂ ਬੰਨ੍ਹੀਆਂ ਤਾਂ ਕਿ ਰਾਤ ਦੇ ਸਮੇਂ ਦੁਰਘਟਨਾ ਨਾ ਹੋਵੇ | ਕਿਉਂਕਿ ਰਿਫ਼ਲੈਕਟਰ ਦੀ ਚਮਕ ਦੂਰੋਂ ਹੀ ਦਿਖਾਈ ਦਿੰਦੀ ਹੈ | ਉਨ੍ਹਾਂ ਦੱਸਿਆ ਕਿ ਅੱਜ 20 ਜਾਨਵਰਾਂ ਦੇ ਰਿਫਲੈਕਟਰ ਬੈਲਟਾਂ ਬੰਨ੍ਹੀਆਂ ਗਈਆਂ | ਇਹ ਮੁਹਿੰਮ ਭਵਿੱਖ ਵਿਚ ਵੀ ਜਾਰੀ ਰਹੇਗੀ |
