ਖੰਨਾ, 4 ਨਵੰਬਰ (ਹਰਜਿੰਦਰ ਸਿੰਘ ਲਾਲ)-ਅੱਜ ਗ੍ਰੀਨ ਗਰੋਵ ਪਬਲਿਕ ਸਕੂਲ ਵਿਚ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ 556ਵਾਂ ਪ੍ਰਕਾਸ਼ ਪੁਰਬ ਸ਼ਰਧਾ ਨਾਲ ਮਨਾਇਆ ਗਿਆ | ਇਸ ਪਵਿੱਤਰ ਮੌਕੇ ਤੇ ਸਮਾਰੋਹ ਦੀ ਪ੍ਰਧਾਨਗੀ ਸਤਿੰਦਰਜੀਤ ਜੌਲੀ (ਚੇਅਰਪਰਸਨ) ਨੇ ਕੀਤੀ, ਜਿਸ ਵਿੱਚ ਪ੍ਰਧਾਨ ਜੇ. ਪੀ. ਐਸ. ਜੌਲੀ ਮੁੱਖ ਮਹਿਮਾਨ ਅਤੇ ਉਪ ਪ੍ਰਧਾਨ ਨਵਰਾ ਜੌਲੀ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਲ ਹੋਏ | ਸ਼ੁਰੂਆਤ ਸਕੂਲ ਕੋਇਰ ਵੱਲੋਂ ਰੂਹਾਨੀ ਪੰਜਾਬੀ ਸ਼ਬਦ ਗਾਇਨ - ਸਬਤੇ ਵਡਾ ਸਤਿਗੁਰੂ ਨਾਨਕ ਸੱਚੇ ਸਾਹਿਬਾ ਪੇਸ਼ ਕਰਨ ਨਾਲ ਹੋਈ | ਜਿਸ ਨਾਲ ਮਾਹੌਲ ਸ਼ਾਂਤੀ ਅਤੇ ਸ਼ਰਧਾ ਨਾਲ ਭਰ ਗਿਆ | ਕੋਮਲ ਨਾਗਰਾ ਅਤੇ ਜੈਸਮਾਨ ਨੇ ਇੱਕ ਪੰਜਾਬੀ ਭਾਸ਼ਣ ਪੇਸ਼ ਕੀਤਾ | ਜਿਸ ਵਿੱਚ ਸਮਾਨਤਾ, ਸੱਚਾਈ ਅਤੇ ਸ਼ਰਧਾ ਦੇ ਉਨ੍ਹਾਂ ਦੇ ਸੰਦੇਸ਼ ਤੇ ਜ਼ੋਰ ਦਿੱਤਾ ਗਿਆ | ਇਸ ਮੌਕੇ ਅੰਮਿ੍ਤ ਵਰਸ਼ਾ ਨੇ ਇੱਕ ਭਾਵੁਕ ਪਾਠ ਕੀਤਾ | ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਜੇ. ਪੀ. ਐਸ. ਜੌਲੀ ਨੇ ਗੁਰਪੁਰਬ ਦੇ ਸ਼ੁਭ ਮੌਕੇ ਸ਼ੁੱਭਕਾਮਨਾਵਾਂ ਦਿੱਤੀਆਂ | ਉਨ੍ਹਾਂ ਵਿਦਿਆਰਥੀਆਂ ਦੀ ਉਨ੍ਹਾਂ ਦੀ ਭਾਗੀਦਾਰੀ ਲਈ ਸ਼ਲਾਘਾ ਕੀਤੀ |
