ਖੰਨਾ, 5 ਦਸੰਬਰ (ਹਰਜਿੰਦਰ ਸਿੰਘ ਲਾਲ)-ਅੱਜ ਸਰਕਾਰੀ ਪ੍ਰਾਇਮਰੀ ਸਕੂਲ ਖੰਨਾ-8 ਵਿਖੇ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦਾ ਵਰਲਡ ਡਿਸੇਬਿਲਿਟੀ ਦਿਵਸ ਮਨਾਇਆ ਗਿਆ | ਜਿਸ ਵਿੱਚ ਸਮਾਜ ਤੇ ਆਮ ਬੱਚਿਆਂ ਨੂੰ ਦਿਵਿਆਂਗਜਨਾਂ ਦੀਆਂ ਲੋੜਾਂ ਤੇ ਸਮਾਜ ਵਿੱਚ ਅਹਿਮੀਅਤ ਬਾਰੇ ਸਕੂਲ ਵਿੱਚ ਵਿਸ਼ੇਸ਼ ਸਮਾਗਮ ਕੀਤਾ ਗਿਆ | ਸਕੂਲ ਦੇ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਨੇ ਸਮਾਗਮ ਵਿੱਚ ਭਾਗ ਲੈਂਦਿਆਂ ਡਾਂਸ, ਪ੍ਰਾਰਥਨਾ ਅਤੇ ਆਪਣੇ ਮਨ ਪਸੰਦ ਗੀਤ ਭੰਗੜਾ ਤੇ ਪੰਜਾਬੀ ਡਾਂਸ ਗਤੀਵਿਧੀਆਂ ਵਿੱਚ ਹਿੱਸਾ ਲਿਆ | ਸਮਾਜ ਨੂੰ ਜਾਗਰੂਕ ਕਰਨ ਲਈ ਵਰਲਡ ਡਿਸਬਿਲਿਟੀ ਆਈ. ਈ. ਡੀ. ਸ਼ਾਖਾ ਅਧੀਨ ਸਕੂਲ ਦੇ ਬੱਚਿਆਂ ਵੱਲੋਂ ਦਿਵਿਆਂਗਜਨਾਂ ਲਈ ਸਮਾਜਿਕ ਚੇਤਨਾ ਰੈਲੀ ਕੱਢੀ | ਸਕੂਲ ਮੁਖੀ ਸਤਵੀਰ ਸਿੰਘ ਰੌਣੀ, ਰਿਸੋਰਸ ਅਧਿਆਪਕ ਅਤੇ ਸਮੂਹ ਸਟਾਫ਼ ਵੱਲੋਂ ਰੈਲੀ ਕੱਢ ਕੇ ਸਮਾਜ ਨੂੰ ਜਾਗਰੂਕ ਕੀਤਾ | ਇਸ ਮੌਕੇ 'ਤੇ ਨਵਦੀਪ ਸਿੰਘ, ਸੁਖਜੀਤ ਸਿੰਘ, ਰਾਜੀਵ ਕੁਮਾਰ, ਪਰੋਮਿਲਾ, ਮੀਨੂੰ, ਕਿਰਨਜੀਤ ਕੌਰ, ਸੁਧਾ ਮਹਿਤਾ, ਨੀਲੂ ਮਦਾਨ, ਅਮਨਦੀਪ ਕੌਰ, ਮੋਨਾ ਸ਼ਰਮਾ, ਲੀਨਾ ਕਸ਼ਯਪ, ਬਲਵੀਰ ਕੌਰ, ਨਰਿੰਦਰ ਕੌਰ, ਹਰਵਿੰਦਰ ਕੌਰ, ਕਿਰਨ ਬਾਲਾ, ਮੰਨੂ ਸ਼ਰਮਾ, ਰਾਜਵਿੰਦਰ ਕੌਰ, ਸਰਬਜੀਤ ਕੌਰ, ਕਮਲਜੀਤ ਕੌਰ, ਨੀਲਮ ਸਪਨਾ ਤੇ ਰਛਪਾਲ ਕੌਰ ਤੇ ਅੰਜਨਾ ਸ਼ਰਮਾ ਨੇ ਸਰਕਾਰ ਵਿਰੁੱਧ ਨਾਅਰੇ ਲਗਾ ਕੇ ਰੋਸ ਪ੍ਰਗਟ ਕੀਤਾ |
