21-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 19-12-2025

70 ਸਾਲ ਤੋਂ ਵੱਧ ਉਮਰ ਵਾਲੇ ਪੈਨਸ਼ਨਰ ਕੀਤੇ ਸਨਮਾਨਿਤ

Ad Position 21
No active advertisement
ਅਜੀਤ ਡੈਸਕ 19-12-2025
ਪਾਇਲ, 18 ਦਸੰਬਰ (ਰਜਿੰਦਰ ਸਿੰਘ/ਨਿਜ਼ਾਮਪੁਰ)-ਪੰਜਾਬ ਸਰਕਾਰ ਪੈਨਸ਼ਨਰ ਯੂਨੀਅਨ ਤਹਿਸੀਲ ਪਾਇਲ ਵਲੋਂ ਸੋਨੀਆਂ ਦੀ ਧਰਮਸ਼ਾਲਾ ਪਾਇਲ ਵਿਖੇ ਪੈਨਸ਼ਨਰ ਦਿਵਸ ਸੇਵਾ ਮੁਕਤ ਪਿ੍ੰਸੀਪਲ ਮੇਜਰ ਸਿੰਘ ਮਕਸੂਦੜਾ ਦੀ ਦੇਖ ਰੇਖ ਹੇਠ ਮਨਾਇਆ ਗਿਆ | 70 ਸਾਲ ਤੋਂ ਵੱਧ ਉਮਰ ਦੇ ਜਥੇਬੰਦੀ ਦੇ ਮੈਂਬਰ ਪੈਨਸ਼ਨਰਾਂ ਨੂੰ ਸ਼ਾਲ ਅਤੇ ਲੋਈਆਂ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਸਮਾਗਮ ਵਿੱਚ ਸੇਵਾ ਮੁਕਤ ਕੁਲਵਿੰਦਰ ਸਿੰਘ ਘੁੰਮਣ (ਸਰੰਗੀ ਮਾਸਟਰ) ਨੇ ਆਪਣੇ ਸਾਥੀਆ ਨਾਲ ਢੱਡ ਅਤੇ ਸਰੰਗੀ ਨਾਲ ਆਪਣੇ ਫੰਨ ਦਾ ਮੁਜ਼ਾਹਰਾ ਕੀਤਾ | ਯਾਦ ਰਹੇ ਕਿ ਰੁਪਿੰਦਰ ਕੌਰ ਅਤੇ ਮਨਪ੍ਰੀਤ ਕੌਰ ਮਾਸਟਰ ਦੁਆਰਾ ਸਿੱਖਿਅਤ ਹੋ ਕੇ ਅੱਜ ਕੱਲ੍ਹ ਢਾਡੀ ਜਥਾ ਖੰਨੇ ਵਾਲੀਆਂ ਬੀਬੀਆਂ ਦੇ ਤੌਰ 'ਤੇ ਆਪਣੀਆਂ ਸੇਵਾਵਾਂ ਨਿਭਾ ਰਹੀਆਂ ਹਨ | ਸੇਵਾ ਮੁਕਤ ਪਿ੍ੰਸੀਪਲ ਮੇਜਰ ਨੇ ਆਪਣੇ ਭਾਸ਼ਣ ਵਿੱਚ ਕਿਹਾ ਕਿ 17 ਦਸੰਬਰ ਦਾ ਦਿਨ ਪੈਨਸ਼ਨਰਾਂ ਲਈ ਵਿਸ਼ੇਸ਼ ਮਹੱਤਤਾ ਰੱਖਦਾ ਹੈ | ਕਿਉਂਕਿ 17 ਦਸੰਬਰ 1982 ਨੂੰ ਭਾਰਤੀ ਸੁਪਰੀਮ ਕੋਰਟ ਨੇ ਡੀ. ਐਸ. ਨਕਾਰਾ ਪੈਨਸ਼ਨਰ ਵੱਲੋਂ ਪੈਨਸ਼ਨ ਲਈ ਕੀਤੇ ਕੇਸ ਦਾ ਨਿਪਟਾਰਾ ਕਰਦੇ ਹੋਏ ਕਿਹਾ ਕਿ ਪੈਨਸ਼ਨਰ ਮੁਲਾਜ਼ਮਾਂ ਦਾ ਹੱਕ ਹੈ ਖ਼ੈਰਾਤ ਨਹੀਂ | ਜਿਸ ਤੋਂ ਬਾਅਦ ਸਰਕਾਰੀ ਮੁਲਾਜ਼ਮਾਂ ਨੂੰ ਪੈਨਸ਼ਨ ਮਿਲਣੀ ਸ਼ੁਰੂ ਹੋਈ | ਸਮਾਗਮ ਵਿਚ ਵਿਸ਼ੇਸ਼ ਤੌਰ 'ਤੇ ਸੁਪਰੀਮ ਕੋਰਟ ਦੇ ਲੇਟ ਚੀਫ਼ ਜਸਟਿਸ ਵਾਈ.ਵੀ ਚੰਦਰਚੂੜ ਨੂੰ ਵੀ ਉਚੇਚੇ ਤੌਰ 'ਤੇ ਯਾਦ ਕੀਤਾ ਗਿਆ | ਜਿਨ੍ਹਾਂ ਇਹ ਲੈਂਡਮਾਰਕ ਜੱਜਮੈਂਟ ਦਿੱਤੀ | ਸਮਾਗਮ ਵਿੱਚ ਵੱਖ-ਵੱਖ ਬੁਲਾਰਿਆਂ ਨੇ ਭਗਵੰਤ ਮਾਨ ਸਰਕਾਰ ਵਲੋਂ ਪੈਨਸ਼ਨਰਾਂ ਨੂੰ ਮੀਟਿੰਗ ਦਾ ਸਮਾਂ ਦੇ ਕੇ ਅੱਗੇ-ਅੱਗੇ ਪਾਉਣ ਨੂੰ ਜੋਰ ਦਾ ਸ਼ਬਦਾਂ ਵਿੱਚ ਨਿੰਦਿਆ ਗਿਆ | ਤਾੜਨਾ ਕੀਤੀ ਕਿ ਆਉਣ ਵਾਲੀਆਂ ਚੋਣਾਂ ਵਿੱਚ ਸਮੇਂ ਦੀ ਸਰਕਾਰ ਨੂੰ ਸਬਕ ਸਿਖਾਇਆ ਜਾਵੇਗਾ | ਸਮਾਗਮ ਨੂੰ ਪਰਮਜੀਤ ਸਿੰਘ ਸਿਹੌੜਾ, ਪਵਨ ਕੁਮਾਰ ਕੌਸ਼ਲ (ਹੈੱਡਮਾਸਟਰ) ਰਣਜੀਤ ਸਿੰਘ ਮਕਸੂਦੜਾ, ਸੱਜਣ ਸਿੰਘ ਜੰਡਾਲੀ, ਮਹਿੰਦਰ ਸਿੰਘ ਘਲੋਟੀ ਨੇ ਸੰਬੋਧਨ ਕੀਤਾ | ਹੋਰਨਾ ਤੋਂ ਇਲਾਵਾ ਸ਼ਕਤੀ ਲਾਲ ਖੰਨਾ, ਨਾਜਰ ਸਿੰਘ ਖੰਨਾ, ਰਾਮ ਸਿੰਘ ਜਰਗ, ਇੰਦਰ ਦਾਸ ਭਰਥਲਾ, ਜਸਪਾਲ ਸਿੰਘ ਭਰਥਲਾ ਹੋਰ ਭਾਰੀ ਗਿਣਤੀ ਵਿੱਚ ਪੈਨਸ਼ਨਰ ਮੌਜੂਦ ਸਨ |
ਸਮਾਗਮ ਵਿੱਚ 70 ਸਾਲ ਦੀ ਉਮਰ ਪੂਰੀ ਕਰਨ ਵਾਲੇ ਮਹਿੰਦਰ ਸਿੰਘ ਧਮੋਟ, ਹਰੀ ਰਾਮ ਪਾਇਲ, ਹਰਜੀਤ ਸਿੰਘ ਘਲੋਟੀ ਪਿੰ੍ਰਸੀਪਲ ਮੇਜਰ ਸਿੰਘ, ਭਿੰਦਰ ਸਿੰਘ ਘਲੋਟੀ, ਇੰਦਰਦਾਸ ਭਰਥਲਾ, ਜਗਪਾਲ ਸਿੰਘ ਭਰਥਲਾ, ਕੁਲਵਿੰਦਰ ਸਿੰਘ ਘੁੰਮਣ ਪਾਇਲ, ਭਿੰਦਰ ਸਿੰਘ ਘੁੱਕ ਘਲੋਟੀ, ਚਰਨਜੀਤ ਕੌਰ ਪਾਇਲ ਅਤੇ 80 ਸਾਲ ਦੀ ਸੇਵਾ ਪੂਰੀ ਕਰਨ ਵਾਲੇ, ਪ੍ਰਕਾਸ਼ ਕੋਰ ਘੁਡਾਣੀ, ਕੇਵਲ ਸਿੰਘ ਜਰਗੜੀ, ਜਗਦੇਵ ਸਿੰਘ ਘੁਡਾਣੀ ਖੁਰਦ, ਪ੍ਰੇਮ ਸਿੰਘ ਪਾਇਲ ਜੈ ਸਿੰਘ ਕੱਦੋਂ, ਅਮਰਜੀਤ ਸਿੰਘ ਭੀਖੀ, ਨੂੰ ਸ਼ਾਲ/ਲੋਈਆਂ ਦੇ ਕੇ ਸਨਮਾਨਿਤ ਕੀਤਾ ਗਿਆ |
Ad Position 22
No active advertisement
ਪਿਛਲੀ ਖ਼ਬਰ ਬੀਜਾ ਜ਼ੋਨ ਤੋਂ ਆਪ ਦੇ ਉਮੀਦਵਾਰ ਅਵਤਾਰ ਸਿੰਘ ਦਹੇੜੂ ਜਿੱਤ ਇਲਾਕੇ ਲਈ ਹੋਵੇਗੀ ਕਾਰਗਰ ਸਾਬਿਤ- ਕਾਕਾ ਗਰੇਵਾਲ ਬੀਜਾ, ਕਾ... ਅਗਲੀ ਖ਼ਬਰ ਸੰਮਤੀ ਚੋਣਾਂ ਨੇ ਸ਼੍ਰੋਮਣੀ ਅਕਾਲੀ ਦਲ ਲਈ 2027 ਦਾ ਰਾਹ ਪੱਧਰਾ ਕੀਤਾ- ਮਦਨੀਪੁਰ
Ad Position 24