ਖੰਨਾ, 20 ਦਸੰਬਰ (ਹਰਜਿੰਦਰ ਸਿੰਘ ਲਾਲ)-ਗ੍ਰੀਨ ਗਰੋਵ ਪਬਲਿਕ ਸਕੂਲ ਨੇ ਕਿ੍ਸਮਸ ਨੂੰ ਸਮਰਪਿਤ ਇੱਕ ਸ਼ਾਨਦਾਰ ਜਸ਼ਨ ਸੰਗੀਤਕ ਓਪੇਰਾ 'ਏ ਨਾਈਟ ਇਨ ਬੈਥਲਹੈਮ' ਕਰਵਾਇਆ | ਇਸ ਸਮਾਗਮ ਦੇ ਮੇਜ਼ਬਾਨ ਛੇਵੀਂ ਜਮਾਤ ਦੀ ਹਰਸਿਮਰਨ ਕੌਰ, ਸੱਤਵੀਂ ਜਮਾਤ ਦੀ ਪ੍ਰਨੀਤ ਕੌਰ, ਸੱਤਵੀਂ ਜਮਾਤ ਦੇ ਹਰਸਾਹਿਬ ਸਿੰਘ ਅਤੇ ਨੌਵੀਂ ਜਮਾਤ ਦੇ ਹਰਜੋਤ ਸਿੰਘ ਨੇ ਸਕੂਲ ਦੇ ਪ੍ਰਧਾਨ ਜੇ. ਪੀ. ਐਸ. ਜੌਲੀ, ਚੇਅਰਪਰਸਨ ਸਤਿੰਦਰਜੀਤ ਜੌਲੀ, ਉਪ-ਪ੍ਰਧਾਨ ਨਵਰਾ ਜੌਲੀ ਅਤੇ ਪਿ੍ੰਸੀਪਲ ਸੂਜ਼ੀ ਜਾਰਜ ਦਾ ਸਵਾਗਤ ਕੀਤਾ | ਇਸ ਮੌਕੇ ਸਟੇਜ ਜਿੰਗਲ ਬੈੱਲਾਂ ਦੀਆਂ ਧੁਨਾਂ 'ਤੇ ਕਿੰਡਰਗਾਰਟਨ ਦੇ ਛੋਟੇ ਬੱਚਿਆਂ ਦੁਆਰਾ ਮਨਮੋਹਕ ਅਦਾਕਾਰੀ ਨਾਲ ਮਾਹੌਲ ਨੂੰ ਰੰਗੀਨ ਬਣਾਇਆ | ਸਮਾਗਮ ਵਿਚ ਗ੍ਰੀਨ ਗਰੋਵ ਦੇ ਪ੍ਰਤਿਭਾਸ਼ਾਲੀ ਵਿਦਿਆਰਥੀਆਂ ਦਵਨ ਕੌਰ, ਜਪਵੀਰ ਸਿੰਘ, ਮਨਰੀਤ ਕੌਰ ਅਤੇ ਹਰਸਿਮਰਤ ਸਿੰਘ ਦੁਆਰਾ ਸ਼ਾਨਦਾਰ ਭਾਸ਼ਣਾਂ ਦਿੱਤੇ ਗਏ | ਇਹ ਭਾਸ਼ਣ ਕਿ੍ਸਮਸ ਦੇ ਅਸਲ ਅਰਥਾਂ 'ਤੇ ਵਿਚਾਰ ਅਤੇ ਸਾਡੀ ਜ਼ਿੰਦਗੀ ਵਿੱਚ ਇਸਦੀ ਮਹੱਤਤਾ ਬਾਰੇ ਸਨ | ਏ ਨਾਈਟ ਇਨ ਬੈਥਲਹੈਮ - ਇੱਕ ਓਪੇਰਾ ਸਾਰਿਆਂ ਦੀਆਂ ਅੱਖਾਂ ਦਾ ਕੇਂਦਰ ਸੀ | ਮਿਊਜ਼ੀਕਲ ਓਪੇਰਾ ਵਿਚ ਨੌਵੀਂ ਜਮਾਤ ਦੇ ਨਵਰਾਜ ਸਿੰਘ ਨੇ ਜੋਸਫ਼ ਦੇ ਰੂਪ ਵਿੱਚ ਅਤੇ ਸੱਤਵੀਂ ਜਮਾਤ ਦੀ ਤਰਨਪ੍ਰੀਤ ਕੌਰ ਨੇ ਮਦਰ ਮੈਰੀ ਦੇ ਰੂਪ ਵਿੱਚ ਆਪਣੇ ਬੇਮਿਸਾਲ ਥੀਏਟਰ ਹੁਨਰ ਅਤੇ ਭਾਸ਼ਣ ਨਾਲ ਸਾਰਿਆਂ ਦੇ ਦਿਲ ਚੁਰਾ ਲਏ |
