ਰਾੜਾ ਸਾਹਿਬ, 24 ਦਸੰਬਰ (ਪ੍ਰੀਤਮ ਸਿੰਘ ਮੁਕੰਦਪੁਰੀ, ਸੁਖਵੀਰ ਸਿੰਘ ਚਣਕੋਈਆਂ)-ਪਿੰਡ ਭੀਖੀ ਖੱਟੜਾ ਵਿਖੇ ਹਰ ਸਾਲ ਸੰਗਤਾਂ ਵਲੋਂ ਸ਼ਹੀਦ ਸਿੰਘਾਂ, ਬਾਬਾ ਬੰਦਾ ਸਿੰਘ ਬਹਾਦਰ, ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਸਾਹਿਬਜ਼ਾਦਿਆਂ ਅਤੇ ਬਾਬਾ ਮੋਤੀ ਰਾਮ ਮਹਿਰਾ ਜੀ ਦੀ ਯਾਦ ਵਿਚ ਸਮਾਗਮ ਕਰਵਾਏ ਜਾਂਦੇ ਹਨ ¢ ਇਸ ਵਾਰ 27 ਵੇਂ ਸ਼ਹੀਦੀ ਸਮਾਗਮ ਤਹਿਤ ਸ਼੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 350ਵੇਂ ਸ਼ਹੀਦੀ ਪੁਰਬ ਨੂੰ ਸਮਰਪਿਤ ਗੁਰਮਤਿ ਸਮਾਗਮ 19 ਦਸੰਬਰ ਤੋਂ 21 ਦਸੰਬਰ ਤੱਕ ਕਰਵਾਇਆ ਗਿਆ ¢ ਸਮਾਗਮ ਦੇ ਪਹਿਲੇ ਦਿਨ ਰਾਤ ਦੇ ਦੀਵਾਨਾਂ ਵਿਚ ਬਾਬਾ ਹਰਵਿੰਦਰ ਸਿੰਘ ਸ਼ੰਕਰ ਵਾਲੇ, ਦੂਜੇ ਦਿਨ ਬਾਬਾ ਦਰਸਨ ਸਿੰਘ ਬਾਠਾਂ (ਬਾਲੀਆਂ ) ਵਾਲੇ ਅਤੇ ਭੋਗ ਵਾਲੇ ਦਿਨ ਬਾਬਾ ਸਤਨਾਮ ਸਿੰਘ ਸਿੱਧਸਰ ਭੀਖੀ ਵਾਲਿਆਂ ਦੇ ਜਥੇ ਨੇ ਸੰਗਤਾਂ ਨੂੰ ਕਥਾ ਕੀਰਤਨ ਦੁਬਾਰਾ ਸਿੱਖ ਇਤਿਹਾਸ ਤੋਂ ਜਾਣੂ ਕਰਵਾਇਆ ¢ ਤਿੰਨੋ ਦਿਨ ਗੁਰੂ ਦੇ ਲੰਗਰ ਅਟੁੱਟ ਵਰਤਾਏ ਗਏ ਅਤੇ ਆਖ਼ਰੀ ਦਿਨ ਰਾੜਾ ਸਾਹਿਬ ਤੋਂ ਮਲੌਦ ਜਾਣ ਵਾਲੇ ਰੋਡ ਉੱਤੇ ਬਰੈੱਡ ਪਕੌੜਿਆਂ, ਬਿਸਕੁਟ ਅਤੇ ਦੁੱਧ ਦੇ ਲੰਗਰ ਲਗਾਏ ਗਏ ¢ ਇਸ ਮੌਕੇ 'ਤੇ ਮੁਖ ਸੇਵਾਦਾਰ ਸੁਰਮੁੱਖ ਸਿੰਘ ਘੋਲਾ, ਰਾਮ ਸਿੰਘ ਭੀਖੀ, ਰਣਜੀਤ ਸਿੰਘ ਹੈਪੀ, ਹਰਦੇਵ ਸਿੰਘ ਭੀਖੀ, ਟੇਕ ਸਿੰਘ ਭੀਖੀ, ਸਰਬਜੀਤ ਸਿੰਘ ਭੀਖੀ, ਮੇਜਰ ਸਿੰਘ ਭੀਖੀ, ਰਾਮ ਸਿੰਘ ਕਿਲ੍ਹਾ ਹਾਂਸ, ਡਾ. ਰਮਨ ਖਾਨ, ਰਵਿੰਦਰ ਸਿੰਘ ਸਾਬਕਾ ਸਰਪੰਚ, ਕੰਵਲਜੀਤ ਸਿੰਘ, ਸੁਰਿੰਦਰ ਸਿੰਘ ਸ਼ਿੰਦੀ, ਰਾਜਵੀਰ ਸਿੰਘ, ਨਿਰਮਲ ਸਿੰਘ ਪੰਚ, ਗੁਰਸੇਵਕ ਸਿੰਘ, ਸੁਖਵੀਰ ਸਿੰਘ ਅਤੇ ਜਤਿੰਦਰ ਆਦਿ ਹਾਜ਼ਰ ਸਨ¢
