ਲੁਧਿਆਣਾ, 26 ਦਸੰਬਰ (ਜਸਵਿੰਦਰ ਸਿੰਘ)-ਆਰੀਆ ਕਾਲਜ ਗਰਲਜ਼ ਸੈਕਸ਼ਨ ਦੇ ਕਾਮਰਸ ਵਿਭਾਗ ਨੇ ਵਿਦਿਆਰਥੀਆਂ ਨੂੰ ਡਿਜੀਟਲ ਯੁੱਗ ਲਈ ਜ਼ਰੂਰੀ ਹੁਨਰਾਂ ਨਾਲ ਲੈਸ ਕਰਨ ਦੇ ਉਦੇਸ਼ ਨਾਲ ਡਿਜੀਟਲ ਮਾਰਕੀਟਿੰਗ 'ਤੇ ਦਸ ਦਿਨਾਂ ਵੈਲਿਊ ਐਡਿਡ ਵਰਕਸ਼ਾਪ ਦਾ ਪ੍ਰਬੰਧ ਕੀਤਾ | ਵਰਕਸ਼ਾਪ ਦਾ ਉਦਘਾਟਨ ਇੰਚਾਰਜ ਡਾ. ਮਮਤਾ ਕੋਹਲੀ ਨੇ ਕੀਤਾ | ਵਰਕਸ਼ਾਪ ਵਿੱਚ ਸੋਸ਼ਲ ਮੀਡੀਆ ਮਾਰਕੀਟਿੰਗ, ਸਰਚ ਇੰਜਨ ਔਪਟੀਮਾਈਜੇਸ਼ਨ ਸਮੱਗਰੀ ਸਿਰਜਣਾ, ਔਨਲਾਈਨ ਬ੍ਰਾਂਡਿੰਗ ਅਤੇ ਡਿਜੀਟਲ ਇਸ਼ਤਿਹਾਰਬਾਜ਼ੀ ਵਰਗੇ ਮਹੱਤਵਪੂਰਨ ਖੇਤਰਾਂ ਨੂੰ ਸ਼ਾਮਲ ਕੀਤਾ ਗਿਆ | ਵਿਹਾਰਕ ਸਿੱਖਿਆ ਨੂੰ ਵਧਾਉਣ ਲਈ, ਪੋਸਟਰ ਮੇਕਿੰਗ ਮੁਕਾਬਲਾ ਅਤੇ ਡਿਜੀਟਲ ਇਸ਼ਤਿਹਾਰ ਅਤੇ ਡਿਜੀਟਲ ਪੈਂਫਲੇਟ ਮੇਕਿੰਗ ਮੁਕਾਬਲਾ ਵੀ ਕਰਵਾਇਆ ਗਿਆ | ਸਕੱਤਰ ਡਾ. ਐਸ. ਐਮ. ਸ਼ਰਮਾ ਅਤੇ ਪਿ੍ੰਸੀਪਲ ਡਾ. ਸੂਕਸ਼ਮ ਆਹਲੂਵਾਲੀਆ ਨੇ ਉਦਯੋਗ-ਸੰਬੰਧਿਤ ਡਿਜੀਟਲ ਯੋਗਤਾਵਾਂ ਨਾਲ ਨੌਜਵਾਨ ਲੜਕੀਆਂ ਨੂੰ ਸਸ਼ਕਤ ਬਣਾਉਣ ਵਿਚ ਵਿਭਾਗ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ | ਪ੍ਰੋਗਰਾਮ ਦਾ ਤਾਲਮੇਲ ਸਰਿਤਾ, ਦਿਵਿਆ, ਪਿ੍ਯੰਕਾ, ਸੁਸ਼ਰੀ ਆਸਥਾ ਅਤੇ ਸ਼ਵੇਤਾ ਦੁਆਰਾ ਕੀਤਾ ਗਿਆ |
