ਸ਼ਹਿਣਾ, 6 ਦਸੰਬਰ (ਸੁਰੇਸ਼ ਗੋਗੀ)-ਮੰਦਰ ਬੀਬੜੀਆਂ ਮਾਈਆਂ ਤੇ ਪਿਛਲੇ 6 ਮਹੀਨੇ ਤੋਂ ਮੰਦਰ ਦੇ ਨਵੀਨੀਕਰਨ ਦੀ ਜੋ ਕਾਰ ਸੇਵਾ ਲਗਾਤਾਰ ਜਾਰੀ ਹੈ | ਉਸ ਲਈ ਦਿੱਲੀ ਦੀ ਸੰਗਤ ਲਈ ਦਾਨ ਕੀਤਾ ਗਿਆ ਹੈ | ਮੰਦਰ ਬੀਬੜੀਆ ਮਾਈਆ ਪ੍ਰਬੰਧਕ ਕਮੇਟੀ ਦੇ ਮੁੱਖ ਆਗੂ ਗੁਰਵਿੰਦਰ ਸਿੰਘ ਨਾਮਧਾਰੀ ਨੇ ਦੱਸਿਆ ਕਿ ਜੋ ਬੀਬੜੀਆ ਮਾਈਆ ਦੇ ਮੰਦਰ 'ਤੇ ਫ਼ਰਸ਼ ਲਾਇਆ ਗਿਆ ਹੈ ਅਤੇ ਮੰਦਰ ਨੂੰ ਨਵੀਂ ਦਿੱਖ ਦਿੱਤੀ ਗਈ ਹੈ ਅਤੇ ਡਾਊਨ ਸੀਲਿੰਗ ਕਰਵਾਈ ਗਈ ਹੈ ਅਤੇ ਇੰਟਰਲੌਕ ਦੇ ਫ਼ਰਸ਼ ਲਾਏ ਜਾ ਰਹੇ ਹਨ | ਉਨ੍ਹਾਂ ਦੱਸਿਆ ਕਿ ਹੁਣ ਮੰਦਰ ਦੀ ਚਾਰਦੀਵਾਰੀ ਲਈ ਸਟੀਲੀ ਗਰਿੱਲ ਲਾਈ ਜਾਵੇਗੀ, ਖੁੱਲ੍ਹਾ ਵਰਾਂਡਾ, ਲੇਡੀਜ਼ ਬਾਥਰੂਮ, ਵਿਸਰਾਮ ਘਰ, ਪਾਰਕ, ਬਾਹਰ ਚਾਰਦੀਵਾਰੀ ਕਰਵਾਈ ਜਾ ਰਹੀ ਹੈ ਅਤੇ ਅੱਜ ਚੱਲ ਰਹੀ ਕਾਰ ਸੇਵਾ ਲਈ ਦਿੱਲੀ ਤੋਂ ਵਿਪਨ ਕੁਮਾਰ ਗੋਇਲ ਦਿੱਲੀ 5100 ਰੁਪਏ, ਨਿਤਿਨ ਗੋਇਲ 2100 ਰੁਪਏ, ਜਤਿੰਦਰ ਗੋਇਲ 2100 ਰੁਪਏ, ਜਗਦੀਸ਼ ਗੋਇਲ 5100 ਰੁਪਏ ਦਾਨ ਕੀਤੇ | ਇਸ ਮੌਕੇ ਸਤਿਨਾਮ ਸਿੰਘ ਸੱਤੀ, ਅਸ਼ੋਕ ਕੁਮਾਰ ਸੋਕੀ ਗੋਇਲ, ਬਹਾਦਰ ਸਿੰਘ ਸੇਵਾਦਾਰ, ਪੱਪੂ ਸਿੰਘ ਸੇਵਾਦਾਰ, ਲਛਮੀ ਦੇਵੀ ਹਾਜ਼ਰ ਸਨ |
