ਭਾਰਤੀ ਮਹਿਲਾ ਗੇਂਦਬਾਜ਼ ਰੈਡੀ ਮੈਚ ਦੌਰਾਨ ਜ਼ਖ਼ਮੀ <br/>

ਬੈਂਗਲੁਰੂ, 25 ਸਤੰਬਰ (ਪੀ.ਟੀ.ਆਈ.)-ਮਹਿਲਾ ਵਿਸ਼ਵ ਕੱਪ ਤੋਂ ਪਹਿਲਾਂ ਭਾਰਤ ਨੂੰ ਵੱਡਾ ਝਟਕਾ ਲੱਗਾ ਜਦੋਂ ਤੇਜ਼ ਗੇਂਦਬਾਜ਼ ਅਰੁੰਧਤੀ ਰੈਡੀ ਵੀਰਵਾਰ ਨੂੰ ਇੰਗਲੈਂਡ ਵਿਰੁੱਧ ਅਭਿਆਸ ਮੈਚ ਦÏਰਾਨ ਜ਼ਖਮੀ ਹੋ ਗਈ | ਇੰਗਲੈਂਡ ਦੀ ਓਪਨਰ ਐਮੀ ਜੋਨਸ ਨੂੰ ਆਊਟ ਕਰਨ ਵਾਲੀ ਤੇਜ਼ ਗੇਂਦਬਾਜ਼ ਨੇ 13ਵੇਂ ਓਵਰ 'ਚ ਹੀਥਰ ਨਾਈਟ ਦੇ ਗੇਂਦ 'ਤੇ ਰਿਟਰਨ ਕੈਚ ਲੈਣ ਦੀ ਕੋਸ਼ਿਸ਼ ਕੀਤੀ, ਪਰ ਗੇਂਦ ਉਸ ਦੇ ਖੱਬੇ ਪੈਰ 'ਤੇ ਅਜੀਬ ਢੰਗ ਨਾਲ ਲੱਗੀ, ਜਿਸ ਕਾਰਨ ਉਹ ਜ਼ਮੀਨ 'ਤੇ ਡਿੱਗ ਪਈ | ਡਾਕਟਰ ਤੁਰੰਤ ਰੈੱਡੀ ਦਾ ਇਲਾਜ ਕਰਨ ਲਈ ਮੈਦਾਨ 'ਤੇ ਪਹੁੰਚੇ ਤੇ ਸ਼ੁਰੂ ਵਿੱਚ ਉਸ ਨੂੰ ਮੈਦਾਨ ਤੋਂ ਬਾਹਰ ਜਾਣ 'ਚ ਮਦਦ ਕਰਨ ਦੀ ਕੋਸ਼ਿਸ਼ ਕੀਤੀ | ਹਾਲਾਂਕਿ, ਫਿਰ ਵ੍ਹੀਲਚੇਅਰ ਮੰਗਵਾਈ ਗਈ | ਇੰਟਰਨੈਸ਼ਨਲ ਕ੍ਰਿਕੇਟ ਕੌਂਸਲ (ਆਈ.ਸੀ.ਸੀ.) ਨੇ ਕਿਹਾ ਕਿ ਰੈਡੀ ਦੇ ਵਿਸ਼ਵ ਕੱਪ 'ਚ ਭਾਗ ਲੈਣ 'ਤੇ 'ਸਪਸ਼ਟਤਾ ਦਾ ਉਡੀਕ' ਹੈ | ਭਾਰਤੀ ਟੀਮ ਨੂੰ ਉਮੀਦ ਹੈ ਕਿ ਰੈਡੀ ਦੀ ਸੱਟ ਗੰਭੀਰ ਨਹੀਂ ਹੋਵੇਗੀ, ਟੀਮ ਦੇ ਤੇਜ਼ ਗੇਂਦਬਾਜ਼ ਵਿਭਾਗ ਦਾ ਇਕ ਅਹਿਮ ਹਿੱਸਾ ਹੈ | ਭਾਰਤ ਆਪਣੇ ਅਭਿਆਨ ਦੀ ਸ਼ੁਰੂਆਤ 30 ਸਤੰਬਰ ਨੂੰ ਗੁਹਾਟੀ 'ਚ ਟੂਰਨਾਮੈਂਟ ਦੇ ਪਹਿਲੇ ਦਿਨ ਸਹਿ ਮੇਜਬਾਨ ਸ਼੍ਰੀਲੰਕਾ ਨਾਲ ਮੁਕਾਬਲਾ ਕਰੇਗਾ |