ਸਮਿ੍ਤੀ ਮੰਧਾਨਾ ਤੇ ਪਲਾਸ਼ ਦਾ ਵਿਆਹ ਟਲਿਆ, ਪਿਤਾ ਦੀ ਵਿਗੜੀ ਸਿਹਤ

ਸਾਂਗਲੀ, 23 ਨਵੰਬਰ (ਪੀ.ਟੀ.ਆਈ.)-ਸਟਾਰ ਭਾਰਤੀ ਮਹਿਲਾ ਕਿ੍ਕਟਰ ਸਮਿ੍ਤੀ ਮੰਧਾਨਾ ਅਤੇ ਸੰਗੀਤਕਾਰ ਪਲਾਸ਼ ਮੁੰਚਲ ਦਾ ਵਿਆਹ ਅਣਮਿੱਥੇ ਸਮੇਂ ਲਈ ਮੁਲਤਵੀ ਕਰ ਦਿੱਤਾ ਗਿਆ ਹੈ ਕਿਉਂਕਿ ਉਸਦੇ ਪਿਤਾ ਸ਼੍ਰੀਨਿਵਾਸ ਐਤਵਾਰ ਨੂੰ ਇੱਥੇ ਹੋਣ ਵਾਲੇ ਸਮਾਰੋਹ ਤੋਂ ਪਹਿਲਾਂ ਬਿਮਾਰ ਹੋ ਗਏ ਸਨ | ਮੰਧਾਨਾ ਆਪਣੇ ਪਿਤਾ ਨਾਲ ਭਾਵਨਾਤਮਕ ਤੌਰ 'ਤੇ ਜੁੜੀ ਹੋਈ ਹੈ, ਜੋ ਉਸਦੀ ਕਿ੍ਕਟ ਯਾਤਰਾ ਵਿਚ ਨਿਰੰਤਰ ਸਹਾਇਤਾ ਦਾ ਸਰੋਤ ਰਹੇ ਹਨ | ਮੰਧਾਨਾ ਦੇ ਮੈਨੇਜਰ ਤੁਹਿਨ ਮਿਸ਼ਰਾ ਨੇ ਕਿਹਾ ਕਿ ਵਿਸ਼ਵ ਕੱਪ ਜੇਤੂ ਕਿ੍ਕਟਰ ਦੇ ਪਿਤਾ ਨੂੰ ਐਤਵਾਰ ਸਵੇਰੇ ਸਿਹਤ ਸੰਬੰਧੀ ਪੇਚੀਦਗੀਆਂ ਦਾ ਸਾਹਮਣਾ ਕਰਨਾ ਪਿਆ | ਸਮਿ੍ਤੀ ਦੇ ਪਿਤਾ, ਸ਼੍ਰੀ ਸ਼੍ਰੀਨਿਵਾਸ ਮੰਧਾਨਾ ਅੱਜ ਸਵੇਰੇ ਨਾਸ਼ਤਾ ਕਰ ਰਹੇ ਸਨ ਅਤੇ ਉਨ੍ਹਾਂ ਦੀ ਸਿਹਤ ਵਿਗੜਨ ਲੱਗੀ | ਅਸੀਂ ਇਹ ਸੋਚ ਕੇ ਇੰਤਜ਼ਾਰ ਕੀਤਾ ਕਿ ਉਹ ਜਲਦੀ ਠੀਕ ਹੋ ਜਾਣਗੇ, ਪਰ ਇਸ ਵਿਚ ਕੋਈ ਸੁਧਾਰ ਨਹੀਂ ਹੋਇਆ | ਇਸ ਲਈ ਅਸੀਂ ਕੋਈ ਜ਼ੋਖਮ ਨਾ ਲੈਣ ਬਾਰੇ ਸੋਚਿਆ ਅਤੇ ਐਂਬੂਲੈਂਸ ਬੁਲਾਈ, ਅਤੇ ਉਨ੍ਹਾਂ ਨੂੰ ਹਸਪਤਾਲ ਲਿਜਾਇਆ ਗਿਆ | ਉਹ ਨਿਗਰਾਨੀ ਹੇਠ ਹੈ | ਮਿਸ਼ਰਾ ਨੇ ਕਿਹਾ ਕਿ ਆਪਣੇ ਪਿਤਾ ਦੀ ਸਿਹਤ ਸਥਿਤੀ ਨੂੰ ਦੇਖਦੇ ਹੋਏ, ਮੰਧਾਨਾ ਨੇ ਆਪਣੇ ਵਿਆਹ ਨੂੰ ਉਨ੍ਹਾਂ ਦੇ ਠੀਕ ਹੋਣ ਤੱਕ ਮੁਲਤਵੀ ਕਰਨ ਦਾ ਫੈਸਲਾ ਕੀਤਾ |