ਸਾਈਕਲਿੰਗ ਫੈਡਰੇਸ਼ਨ ਆਫ ਇੰਡੀਆ ਨੇ ਪੰਜਾਬ ਸਾਈਕਲਿੰਗ ਲਈ ਐਡਹਾਕ ਕਮੇਟੀ ਬਣਾਈ <br/>

ਜਲੰਧਰ, 28 ਦਸੰਬਰ (ਡਾ. ਜਤਿੰਦਰ ਸਾਬੀ)-ਪੰਜਾਬ 'ਚ ਸਾਈਕਲਿੰਗ ਦੀਆਂ ਗਤੀਵਿਧੀਆਂ ਨੂੰ ਸੁਚਾਰੂ ਰੂਪ ਨਾਲ ਯਕੀਨੀ ਬਣਾਉਣ ਲਈ ਤੇ ਸਾਈਕਲਿਸਟ ਅਥਲੀਟਾਂ ਦੀ ਬੇਹਤਰੀ ਲਈ ਸਾਈਕਲਿੰਗ ਫੈਡਰੇਸ਼ਨ ਆਫ ਇੰਡੀਆ ਨੇ ਪੰਜਾਬ ਲਈ ਇਕ ਐਡਹਾਕ ਕਮੇਟੀ ਬਣਾਈ ਹੈ | ਇਹ ਫੈਸਲਾ ਫੈਡਰੇਸ਼ਨ ਨੇ ਸੀ.ਐਫ.ਆਈ. ਦੀ 25 ਦਸੰਬਰ ਨੂੰ ਹੋਈ ਜ਼ੂਮ ਮੀਟਿੰਗ 'ਚ ਲਿਆ ਤੇ ਕਿਹਾ ਕਿ ਇਸ ਨਾਲ ਪੰਜਾਬ ਦੇ ਸਾਈਕਲਿਸਟ ਅਥਲੀਟਾਂ ਨੂੰ ਪੇਸ਼ ਆ ਰਹੀਆਂ ਸਮੱਸਿਆਵਾਂ ਦਾ ਹੱਲ ਇਹ ਐਡਹਾਕ ਕਮੇਟੀ ਕਰੇਗੀ | ਇਸ ਪੰਜ ਮੈਂਬਰੀ ਕਮੇਟੀ 'ਚ ਸ਼ੈਲੇਂਦਰ ਪਾਠਕ ਨੂੰ ਚੇਅਰਮੈਨ ਤੇ ਇਸਦੇ ਨਾਲ ਅਜੀਤ ਸਿੰਘ, ਵਿਜੇ ਨਾਰਾਇਣ ਸਿੰਘ, ਨੀਰਜ ਤੰਵਰ ਤੇ ਮਨੀਸ਼ ਸਾਹਨੀ ਨੂੰ ਮੈਂਬਰ ਵਜੋਂ ਥਾਂ ਦਿੱਤੀ ਗਈ ਹੈ | ਪੰਜਾਬ ਦੀ ਨਵੀਂ ਬਣੀ ਇਸ ਐਡਹਾਕ ਕਮੇਟੀ ਨੇ ਖਿਡਾਰੀਆਂ ਦੀਆਂ ਸਮੱਸਿਆਵਾਂ ਹੱਲ ਕਰਨ ਤੇ ਚੋਣ ਟ੍ਰਾਇਲਾਂ ਤੇ ਟੂਰਨਾਮੈਂਟ ਸਬੰਧੀ ਵਧੇਰੇ ਜਾਣਕਾਰੀ ਲਈ ਮੁਨੀਸ਼ ਸਾਹਨੀ ਨਾਲ ਉਨ੍ਹਾਂ ਦੇ ਨਿੱਜੀ ਮੋਬਾਇਲ ਤੇ ਸੰਪਰਕ ਕਰਨ ਲਈ ਯਕੀਨੀ ਬਣਾਇਆ ਹੈ ਤੇ ਖਿਡਾਰੀ ਉਨ੍ਹਾਂ ਨਾਲ ਆਪਣੀ ਸਮੱਸਿਆ ਸਬੰਧੀ ਸੰਪਰਕ ਕਰ ਸਕਦੇ ਹਨ ਤੇ ਉਨ੍ਹਾਂ ਨੂੰ ਹਰ ਮੁਸ਼ਕਿਲ ਤੇ ਸਮੱਸਿਆ ਪਹਿਲ ਦੇ ਆਧਾਰ 'ਤੇ ਹੱਲ ਹੋਵੇਗੀ |