ਸਿਡਨੀ, 1 ਸਤੰਬਰ (ਹਰਕੀਰਤ ਸਿੰਘ ਸੰਧਰ)-ਪੰਜਾਬ ਦੇ ਕਈ ਪਿੰਡਾਂ ਵਿਚ ਆਏ ਭਿਆਨਕ ਹੜ੍ਹਾਂ ਨੇ ਲੋਕਾਂ ਦੀ ਰੋਜ਼ਮਰਾ ਦੀ ਜ਼ਿੰਦਗੀ ਪੂਰੀ ਤਰ੍ਹਾਂ ਠੱਪ ਕਰ ਦਿੱਤੀ ਹੈ ¢ ਆਸਟ੍ਰੇਲੀਆ ਤੋਂ ਵਿਨਿੰਗ ਸਮਾਈਲ ਡੈਂਟਲ ਵਲੋਂ ਪੰਜ ਮੈਂਬਰੀ ਡਾਕਟਰੀ ਟੀਮ ਜਿਸ ਵਿਚ ਤਿੰਨ ਡਾਕਟਰ ਅਤੇ ਦੋ ਪੈਰਾਮੈਡਿਕ ਸ਼ਾਮਿਲ ਹਨ, ਪ੍ਰਭਾਵਿਤ ਇਲਾਕਿਆਂ ਵਿਚ ਘਰ-ਘਰ ਜਾ ਕੇ ਲੋਕਾਂ ਨੂੰ ਸਿਹਤ ਸੇਵਾਵਾਂ ਮੁਹੱਈਆ ਕਰਵਾ ਰਹੀ ਹੈ ¢ ਸਨਿਚਰਵਾਰ ਨੂੰ ਇਹ ਟੀਮ ਹੁਸ਼ਿਆਰਪੁਰ ਦੇ ਮੰਡ ਖੇਤਰ 'ਚ ਪਹੁੰਚੀ, ਜਿਥੇ ਲੋੜਵੰਦਾਂ ਨੂੰ ਦਵਾਈਆਂ ਵੰਡੀਆਂ ¢ ਟੀਮ ਨੇ ਬੱਚਿਆਂ ਨੂੰ ਡੀ.ਪੀ.ਟੀ. ਟੀਕੇ ਲਗਾਏ ਅਤੇ ਮਲੇਰੀਆ ਰੋਕੂ ਦਵਾਈਆਂ ਵੀ ਦਿੱਤੀਆਂ ¢ ਹਾਲਾਂਕਿ ਡੀ.ਪੀ.ਟੀ. ਦਵਾਈ ਦੀ ਕਮੀ ਕਾਰਨ ਕਈ ਬੱਚਿਆਂ ਨੂੰ ਟੀਕਾਕਰਣ ਤੋਂ ਵਾਂਝਾ ਰਹਿਣਾ ਪਿਆ | ਹੜ੍ਹ ਦੇ ਪਾਣੀ ਕਾਰਨ ਪਿੰਡਾਂ ਵਿਚ ਚਮੜੀ ਦੇ ਰੋਗ ਤੇ ਹੋਰ ਬਿਮਾਰੀਆਂ ਤੇਜ਼ੀ ਨਾਲ ਫੈਲ ਰਹੀਆਂ ਹਨ ¢ ਲੋਕ ਛੱਤਾਂ 'ਤੇ ਦਿਨ-ਰਾਤ ਬਿਤਾ ਰਹੇ ਹਨ ¢ ਡਾਕਟਰਾਂ ਲਈ 12-13 ਫੁੱਟ ਡੂੰਘੇ ਪਾਣੀ ਵਿਚ ਪਹੁੰਚਣਾ ਵੱਡੀ ਚੁਣੌਤੀ ਬਣਿਆ ਹੋਇਆ ਹੈ ¢ ਡਾਕਟਰ ਰਮਨ ਅÏਲਖ ਨੇ ਦੱਸਿਆ ਕੇ ਇਹ ਸਾਰਾ ਡਾਕਟਰੀ ਇਲਾਜ ਸਾਰਿਆਂ ਲਈ ਪੂਰੀ ਤਰ੍ਹਾਂ ਮੁਫਤ ਹੈ |
