ਸਾਬਕਾ ਕਬੱਡੀ ਖਿਡਾਰੀ ਮੰਗੀ ਸੁਰਖਪੁਰੀਆ ਦਾ ਸਾਊਥਾਲ ਵਿਖੇ ਸਨਮਾਨ
ਅਜੀਤ ਡੈਸਕ
06-09-2025
ਲੰਡਨ, 5 ਸਤੰਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-ਸਾਬਕਾ ਕਬੱਡੀ ਖਿਡਾਰੀ ਮੰਗੀ ਸੁਰਖਪੁਰੀਆ ਦਾ ਸਾਊਥਾਲ ਕਬੱਡੀ ਕਲੱਬ ਵੱਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ | ਇਸ ਮੌਕੇ ਬੋਲਦਿਆਂ ਇੰਗਲੈਂਡ ਕਬੱਡੀ ਫੈਡਰੇਸ਼ਨ ਦੇ ਪ੍ਰਧਾਨ ਕਰਮਜੀਤ ਸਿੰਘ ਕੰਮਾ ਔਜਲਾ ਨੇ ਕਿਹਾ ਕਿ ਮੰਗੀ ਸੁਰਖਪੁਰੀਆ ਦੀ ਖੇਡ ਨੂੰ ਹਰ ਕੋਈ ਅੱਜ ਵੀ ਯਾਦ ਕਰਦਾ ਹੈ | ਉਹਨਾਂ ਕਿਹਾ ਕਿ ਮੰਗੀ ਨੇ ਦੇਸ਼ ਵਿਦੇਸ਼ 'ਚ ਕਬੱਡੀ ਖੇਡੀ ਤੇ ਆਪਣੀ ਛਾਪ ਛੱਡੀ | ਇਸ ਮੌਕੇ ਸਾਊਥਾਲ ਕਬੱਡੀ ਕਲੱਬ ਦੇ ਪ੍ਰਧਾਨ ਪਾਲਾ ਬਾਜਵਾ, ਚੇਅਰਮੈਨ ਗੁਰਮੀਤ ਸਿੰਘ ਰੰਧਾਵਾ, ਰਣਜੀਤ ਵੜੈਚ, ਪਾਲੀ ਸੰਘਾ, ਪੰਮਾ ਔਜਲਾ, ਬਲਦੇਵ ਬੁਲਟ, ਹਰਮਨ, ਸਤਨਾਮ ਸਿੰਘ ਛੀਨਾ, ਲਵਲੀ ਰੰਧਾਵਾ, ਕਮਲ ਠੇਕੇਦਾਰ ਆਦਿ ਹਾਜ਼ਰ ਸਨ |