ਇਕ ਅਜਿਹਾ ਵਿਆਹ: ਲਾੜੀ ਦੇ ਮਾਪੇ ਸਣੇ ਸਾਰੇ ਰਿਸ਼ਤੇਦਾਰ ਨਕਲੀ <br/>
ਅਜੀਤ ਡੈਸਕ
03-06-2025
ਜ਼ਿਕਰਯੋਗ ਹੈ ਕਿ ਨਵਾਂ ਚੰਦ ਪਿੰਡ ਦੇ ਦਿਵਿਆਗ ਲਾੜੇ ਦਾ ਵਿਆਹ ਸਰੀਰਕ ਦਿੱਕਤ ਕਰਕੇ ਵਿਆਹ ਨਹੀਂ ਹੋ ਰਿਹਾ ਸੀ | ਕੁਝ ਦਿਨ ਪਹਿਲਾਂ ਸਿੰਘੇਵਾਲਾ ਦੀ ਇਕ ਔਰਤ ਵੀਰਪਾਲ ਕੌਰ ਨੇ ਉਸ ਨਾਲ ਸੰਪਰਕ ਕੀਤਾ ਅਤੇ ਮਾਮਲਾ ਦੋ ਲੱਖ ਰੁਪਏ ਵਿਚ ਤੈਅ ਹੋ ਗਿਆ | ਡੇਰਾ ਕੰਟੀਨ ਵਿਚ ਵਿਆਹ ਸਮਾਗਮ ਚੱਲ ਰਿਹਾ ਸੀ | ਮੌਕੇ ਰਾਜਸਥਾਨ ਦੇ ਕੋਲਾਇਤ ਥਾਣਾ (ਬੀਕਾਨੇਰ) ਦੀ ਪੁਲਿਸ ਪੁੱਜੀ ਤੇ ਗਿਰੋਹ ਦੇ ਮੁਖੀ ਅਤੇ ਵਿਚੋਲੇ ਰੇਸ਼ਮ ਸਿੰਘ ਨੂੰ ਗਿ੍ਫ਼ਤਾਰ ਕਰ ਲਿਆ | ਰਾਜਸਥਾਨ ਪੁਲਿਸ ਮੁਤਾਬਕ ਰੇਸ਼ਮ ਦੇ ਖਿਲਾਫ਼ 27 ਮਾਰਚ 2024 ਨੂੰ ਕੋਲਾਇਤ ਥਾਣੇ ਵਿਚ ਨਕਲੀ ਵਿਆਹ ਕਰਵਾ ਕੇ 6 ਲੱਖ ਰੁਪਏ ਠੱਗੀ ਦਾ ਮਾਮਲਾ ਦਰਜ ਹੈ, ਅਦਾਲਤ ਨੇ ਉਸਨੂੰ ਭਗੌੜਾ ਐਲਾਨਿਆ ਹੋਇਆ ਹੈ | ਰੇਸ਼ਮ ਸਿੰਘ ਡੱਬਵਾਲੀ ਦੇ ਸੁੰਦਰ ਨਗਰ 'ਚ ਕਿਰਾਏ ਦੇ ਮਕਾਨ 'ਚ ਰਹਿੰਦਾ ਹੈ, ਉਹ ਮੂਲ ਰੂਪ ਵਿਚ ਮਹਿਰਾਜ (ਬਠਿੰਡਾ) ਦਾ ਵਸਨੀਕ ਹੈ | ਰੇਸ਼ਮ ਸਿੰਘ ਕਦੇ ਖੁਦ ਲਛਮਣ ਸਿੰਘ ਅਤੇ ਕਦੇ ਦਰਸਸ਼ ਸਿੰਘ ਦੱਸ ਕੇ ਧੋਖਾਦੇਹੀ ਕਰਦਾ ਸੀ, ਉਸ ਕੋਲ ਕਈ ਨਾਵਾਂ ਦੇ ਨਕਲੀ ਆਧਾਰ ਕਾਰਡ ਵੀ ਹਨ | ਥਾਣਾ ਕੋਲਾਇਤ ਦੇ ਮੁਖੀ ਲਖਬੀਰ ਸਿੰਘ ਨੇ ਦੱਸਿਆ ਕਿ ਦਰਜ ਮਾਮਲੇ ਵਿਚ ਰੇਸ਼ਮ ਸਿੰਘ ਉਰਫ ਦਰਸਨ ਸਿੰਘ ਨੇ ਅਰਜੁਨ ਸਿੰਘ ਨਾਂਅ ਦੇ ਵਿਅਕਤੀ ਰਾਹੀਂ ਗਡਿਆਲਾ (ਕੋਲਾਯਤ) ਦੇ ਦੋ ਮਜ਼ਦੂਰ ਭਰਾਵਾਂ ਸੁੰਦਰ ਗਿਰੀ ਅਤੇ ਪਾਬੂਗਿਰੀ ਦੇ ਨਾਲ ਵਿਆਹ ਲਈ ਸੰਪਰਕ ਕੀਤਾ ਅਤੇ ਵਿਆਹ ਲਈ ਤਿੰਨ ਲੱਖ ਰੁਪਏ ਲੈ ਲਏ | ਦੋ ਭਰਾਵਾਂ ਨਾਲ 18 ਮਾਰਚ 2024 ਨੂੰ ਸੀਤਾ-ਗੀਤਾ ਦੇ ਫਰਜੀ ਨਾਮ ਵਾਲੀਆਂ ਕੁੜੀਆਂ ਦਾ ਵਿਆਹ ਹਨੂੰਮਾਨਗੜ੍ਹ ਵਿੱਚ ਸਕੀਆਂ ਭੈਣਾਂ ਦੱਸ ਕਰਵਾ ਦਿੱਤਾ, 25 ਮਾਰਚ 2024 ਨੂੰ ਸੀਤਾ-ਗੀਤਾ ਦੇ ਨਕਲੀ ਪਿਤਾ ਅਤੇ ਭਰਾ ਉਨ੍ਹਾਂ ਨੂੰ ਲੈਣ ਲਈ ਗਡਿਆਲਾ ਪੁੱਜੇ | ਜਦੋਂ ਲਾੜੇ ਭਰਾਵਾਂ ਨੇ ਕੁੱਝ ਦਿਨਾਂ ਬਾਅਦ ਲਾੜੀ ਨਾਲ ਸਹੁਰੇ ਗੇੜਾ ਆਉਣ ਲਈ ਕਿਹਾ ਤਾਂ ਉਨ੍ਹਾਂ ਨੂੰ ਬਲਾਤਕਾਰ ਦੇ ਮਾਮਲੇ 'ਚ ਫਸਾਉਣ ਦੀ ਧਮਕੀ ਦਿੱਤੀ ਗਈ ਅਤੇ ਤਿੰਨ ਲੱਖ ਰੁਪਏ ਲੈ ਲਏ | ਸਿਟੀ ਡੱਬਵਾਲੀ ਦੇ ਤਫਤੀਸ਼ੀ ਸੁਨੀਲ ਕੁਮਾਰ ਨੇ ਦੱਸਿਆ ਕਿ ਵਿਆਹ ਸਮਾਰੋਹ ਦੌਰਾਨ ਰਾਜਸਥਾਨ ਪੁਲਿਸ ਨੇ ਵਿਚੋਲੇ ਰੇਸਮ ਸਿੰਘ ਨੂੰ ਹਿਰਾਸਤ ਵਿਚ ਲੈ ਲਿਆ | ਜਦ ਕਿ ਲਾੜਾ ਆਪਣੀ ਬਾਰਾਤ ਵਾਪਸ ਲੈ ਕੇ ਪਿੰਡ ਪਰਤ ਗਿਆ | ਇਸ ਦੌਰਾਨ ਦੋਵਾਂ ਧਿਰਾਂ ਵਿਚਕਾਰ ਬਹੁਤ ਕਾਫ਼ੀ ਤਲਖੀ ਵੀ ਹੋਈ |
