ਸਿਰਸਾ, 6 ਸਤੰਬਰ (ਭੁਪਿੰਦਰ ਪੰਨੀਵਾਲੀਆ)- ਖੇਤਰ ਦੇ ਪਿੰਡ ਮੋਡੀਆ ਖੇੜਾ ਨੇੜੇ ਅੱਜ ਸਵੇਰੇ ਹਿਸਾਰ ਘੱਗਰ ਨਾਲੇ ਸੇਮਨਾਲਾ ਵਿੱਚ ਲਗਭਗ 100 ਫੁੱਟ ਲੰਬਾ ਪਾੜ ਪੈ ਗਿਆ | ਇਸ ਵੱਡੇ ਪਾੜ ਕਾਰਨ ਮੋਡੀਆ ਖੇੜਾ ਤੇ ਗੁੜੀਆ ਖੇੜਾ ਦੀਆਂ ਸੈਂਕੜੇ ਏਕੜ ਨਰਮਾ ਅਤੇ ਕਪਾਹ ਦੀਆਂ ਫਸਲਾਂ ਡੁੱਬ ਗਈਆਂ ਜਦੋਂ ਕਿ ਕਿਸਾਨਾਂ ਦੀਆਂ ਢਾਣੀਆਂ ਤੇ ਮੋਟਰਾਂ ਵੀ ਪਾਣੀ ਦੀ ਲਪੇਟ ਵਿੱਚ ਆਉਣ ਲੱਗੀਆਂ | ਪ੍ਰਸ਼ਾਸਨ ਦੇ ਸੱਦੇ 'ਤੇ ਬਲਾਕ ਸਿਰਸਾ, ਕਲਿਆਣ ਨਗਰ, ਏਲਨਾਬਾਦ, ਮਾਧੋਸਿੰਘਾਨਾ ਤੇ ਹੋਰ ਖੇਤਰਾਂ ਦੇ ਸ਼ਾਹ ਸਤਨਾਮ ਜੀ ਗ੍ਰੀਨ ਐਸ ਵੈਲਫੇਅਰ ਕਮੇਟੀ ਦੇ ਲਗਭਗ 500 ਸੇਵਾਦਾਰ ਤੁਰੰਤ ਮੌਕੇ 'ਤੇ ਪਹੁੰਚੇ | ਸੇਵਾਦਾਰਾਂ ਨੇ ਮਿੱਟੀ ਦੇ ਗੱਟਿਆਂ ਨੂੰ ਭਰ ਕੇ, ਮਨੁੱਖੀ ਲੜੀ ਬਣਾ ਕੇ ਤੇ ਲੱਕੜ ਦੇ ਜਾਲਾਂ ਦੀ ਮਦਦ ਲੈ ਕੇ ਪਾੜ ਨੂੰ ਪੂਰਨ ਦਾ ਕੰਮ ਸ਼ੁਰੂ ਕੀਤਾ | ਐਲਨਾਬਾਦ ਦੇ ਵਿਧਾਇਕ ਭਰਤ ਸਿੰਘ ਬੈਣੀਵਾਲ ਦੇ ਪੁੱਤਰ ਸੁਮਿਤ ਬੈਣੀਵਾਲ ਵੀ ਵਲੰਟੀਅਰਾਂ ਵਿੱਚ ਪਹੁੰਚੇ ਤੇ ਉਨ੍ਹਾਂ ਸੇਵਾਦਾਰਾਂ ਦੀ ਸ਼ਲਾਘਾ ਕੀਤੀ | ਗੁੜੀਆ ਖੇੜਾ ਦੇ ਸਰਪੰਚ ਪ੍ਰਤੀਨਿਧੀ ਆਤਮਾਰਾਮ ਭਾਟੀਆ, ਸਾਬਕਾ ਸਰਪੰਚ ਪ੍ਰਤੀਨਿਧੀ ਭਰਤ ਸਿੰਘ ਬਿਰੜਾ ਤੇ ਮੋਡੀਆ ਖੇੜਾ ਦੇ ਸਰਪੰਚ ਭਰਤ ਸਿੰਘ ਨੇ ਵੀ ਡੇਰਾ ਵਲੰਟੀਅਰਾਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ |
ਹਿਸਾਰ ਘੱਗਰ ਨਾਲੇ ਦੇ ਪਾੜ ਨੂੰ ਪੂਰਨ 'ਚ ਜੁਟੇ ਲੋਕ <br/>
ਘੱਗਰ ਸੇਮ ਨਾਲੇ 'ਚ ਪਏ ਪਾੜ ਨੂੰ ਪੂਰਦੇ ਹੋਏ ਸੇਵਾਦਾਰ | ਤਸਵੀਰ: ਪੰਨੀਵਾਲੀਆ<br/>
07-09-2025