ਦਿੱਲੀ / ਹਰਿਆਣਾ

ਚੌਧਰੀ ਦੇਵੀ ਲਾਲ ਇੰਜੀਨੀਅਰਿੰਗ ਕਾਲਜ ਪੰਨੀਵਾਲਾ ਮੋਟਾ ਦੇ ਵਿਦਿਆਰਥੀਆਂ ਨੇ ਇਸਰੋ ਦਾ ਕੀਤਾ ਵਿਦਿਅਕ ਦੌਰਾ <br/>

ਪੰਨੀਵਾਲਾ ਮੋਟਾ ਕਾਲਜ ਦੇ ਵਿਦਿਆਰਥੀ ਇਸਰੋ ਦੇ ਵਿੱਦਿਅਕ ਦੌਰੇ ਦੌਰਾਨ ਡਾਇਰੈਕਟਰ ਜਨਰਲ ਪ੍ਰਭਜੋਤ ਸਿੰਘ ਨਾਲ | ਤਸਵੀਰ : ਪੰਨੀਵਾਲੀਆ <br/> 26-09-2025

ਕਾਲਾਂਵਾਲੀ, 25 ਸਤੰਬਰ (ਭੁਪਿੰਦਰ ਪੰਨੀਵਾਲੀਆ)- ਚੌਧਰੀ ਦੇਵੀ ਲਾਲ ਸਟੇਟ ਇੰਸਟੀਚਿਊਟ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ ਪੰਨੀਵਾਲਾ ਮੋਟਾ ਦੇ ਵਿਦਿਆਰਥੀਆਂ ਨੇ ਭਾਰਤੀ ਪੁਲਾੜ ਖੋਜ ਸੰਗਠਨ (ਇਸਰੋ) ਅਹਿਮਦਾਬਾਦ ਦਾ ਦੋ ਦਿਨਾਂ ਵਿਦਿਅਕ ਦੌਰਾ ਕੀਤਾ | ਇਹ ਦੌਰਾ ਹਰਿਆਣਾ ਦੇ ਉ~ਚ ਸਿੱਖਿਆ ਮੰਤਰੀ ਮਹੀਪਾਲ ਢਾਂਡਾ, ਏ.ਸੀ.ਐਸ. (ਤਕਨੀਕੀ ਸਿੱਖਿਆ ਵਿਭਾਗ) ਵਿਨੀਤ ਗਰਗ ਅਤੇ ਤਕਨੀਕੀ ਸਿੱਖਿਆ ਦੇ ਡਾਇਰੈਕਟਰ ਜਨਰਲ ਪ੍ਰਭਜੋਤ ਸਿੰਘ, ਆਈ.ਏ.ਐਸ. ਦੀ ਦੂਰਦਰਸ਼ੀ ਅਗਵਾਈ ਦੁਆਰਾ ਸੰਭਵ ਹੋਇਆ | ਰਾਜ ਭਰ ਦੇ ਅਠਾਈ ਹੋਣਹਾਰ ਵਿਦਿਆਰਥੀਆਂ ਨੇ ਇਸ ਦੌਰੇ ਵਿੱਚ ਹਿੱਸਾ ਲਿਆ ਜਿਨ੍ਹਾਂ ਵਿੱਚੋਂ ਛੇ ਪੰਨੀਵਾਲਾ ਮੋਟਾ ਇੰਜੀਨੀਅਰਿੰਗ ਕਾਲਜ ਦੀ ਨੁਮਾਇੰਦਗੀ ਕਰ ਰਹੇ ਸਨ | ਇਨ੍ਹਾਂ ਵਿੱਚ ਵਿਸ਼ਾਲ ਯਾਦਵ, ਸਚਿਨ, ਅਮਨ ਸ਼੍ਰੀਵਾਸਤਵ, ਨੀਲਮ ਦੇਵੀ, ਮਨੋਜ ਕੁਮਾਰ ਤੇ ਗੀਤਿਕਾ ਬੱਤਰਾ ਸ਼ਾਮਲ ਸਨ | ਦੌਰੇ ਦੌਰਾਨ ਵਿਗਿਆਨੀ ਡਾ. ਡੀ. ਰਾਮਰਾਜਨ ਨਾਲ ਮੁਲਾਕਾਤ ਖਾਸ ਤੌਰ 'ਤੇ ਪ੍ਰੇਰਨਾਦਾਇਕ ਸੀ | ਕਾਲਜ ਪ੍ਰਸ਼ਾਸਨ ਨੇ ਕਿਹਾ ਕਿ ਅਜਿਹੇ ਦੌਰੇ ਵਿਦਿਆਰਥੀਆਂ ਦੇ ਗਿਆਨ ਅਤੇ ਤਕਨੀਕੀ ਸਮਝ ਨੂੰ ਵਧਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ | ਸੰਸਥਾ ਦੇ ਡਾਇਰੈਕਟਰ ਪਿ੍ੰਸੀਪਲ ਜਗਦੀਸ਼ ਕੁਮਾਰ ਨੇ ਕਿਹਾ ਕਿ ਇਹ ਯਾਤਰਾ ਵਿਦਿਆਰਥੀਆਂ ਲਈ ਮਾਣ ਦਾ ਪਲ ਸੀ | ਉਨ੍ਹਾਂ ਨੇ ਵਿਦਿਆਰਥੀਆਂ ਦੀ ਪਹਿਲੀ ਇਤਿਹਾਸਕ ਵਿਦਿਅਕ ਯਾਤਰਾ ਲਈ ਡਾਇਰੈਕਟਰ ਜਨਰਲ ਪ੍ਰਭਜੋਤ ਸਿੰਘ ਦਾ ਦਿਲੋਂ ਧੰਨਵਾਦ ਕੀਤਾ |

ਪਿਛਲੀ ਖ਼ਬਰ ਹਰਿੰਦਰ ਸਿੰਘ ਸੂਦ ਨੇ ਸੀਨੀਅਰ ਮੈਡੀਕਲ ਅਫ਼ਸਰ ਮੋਗਾ ਵਜੋਂ ਅਹੁਦਾ ਸੰਭਾਲਿਆ <br/> ਅਗਲੀ ਖ਼ਬਰ ਡੀ. ਏ. ਵੀ. ਗਰਲਜ਼ ਕਾਲਜ ਵਿਖੇ ਔਰਤਾਂ ਦੀ ਸੁਰੱਖਿਆ ਬਾਰੇ ਕਰਵਾਇਆ ਜਾਗਰੂਕਤਾ ਪ੍ਰੋਗਰਾਮ <br/>

ਚੌਧਰੀ ਦੇਵੀ ਲਾਲ ਇੰਜੀਨੀਅਰਿੰਗ ਕਾਲਜ ਪੰਨੀਵਾਲਾ ਮੋਟਾ ਦੇ ਵਿਦਿਆਰਥੀਆਂ ਨੇ ਇਸਰੋ ਦਾ ਕੀਤਾ ਵਿਦਿਅਕ ਦੌਰਾ <br/>

ਸੰਬੰਧਿਤ ਖ਼ਬਰਾਂ