ਲੋਹੀਆਂ ਖਾਸ, 29 ਦਸੰਬਰ (ਗੁਰਪਾਲ ਸਿੰਘ ਸ਼ਤਾਬਗੜ੍ਹ, ਕੁਲਦੀਪ ਸਿੰਘ ਖਾਲਸਾ)-ਲੁਧਿਆਣਾ ਤੋਂ ਲੋਹੀਆਂ ਤੱਕ ਰੋਜ਼ਾਨਾ ਚੱਲਣ ਵਾਲੇ ਡੀ. ਐੱਮ. ਯੂ. ਮੂਹਰੇ ਇਕ ਨੌਜਵਾਨ ਦੇ ਆ ਜਾਣ ਨਾਲ ਉਸ ਦੀ ਦਰਦਨਾਕ ਮੌਤ ਹੋ ਜਾਣ ਦੀ ਖਬਰ ਹੈ | ਇਸ ਸੰਬੰਧੀ ਰੇਲਵੇ ਪੁਲਿਸ ਚੌਕੀ ਲੋਹੀਆਂ ਖਾਸ ਦੇ ਇੰਚਾਰਜ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਇਕ ਨੌਜਵਾਨ ਵਿਅਕਤੀ ਜੋ ਕਿ ਰੇਲਵੇ ਕਿਲੋਮੀਟਰ ਨੰਬਰ 63/ 6-7 ਪਰ ਨਕੋਦਰ ਤੋਂ ਲੋਹੀਆਂ ਦੇ ਦਰਿਮਿਆਨ ਲੋਹੀਆਂ ਸ਼ਹਿਰ ਦੇ ਅੰਦਰ ਦਾਖਲ ਹੋਣ ਸਮੇਂ ਡੀ. ਐਮ. ਯੂ. ਗੱਡੀ ਦੇ ਸਾਹਮਣੇ ਆ ਗਿਆ, ਜਿਸ ਦੀ ਫੇਟ ਵੱਜਣ ਕਾਰਨ ਮÏਤ ਹੋ ਗਈ ਹੈ | ਉਨ੍ਹਾਂ ਕਿਹਾ ਕਿ ਮਿ੍ਤਕ ਦੀ ਪਹਿਚਾਣ ਜਸਕਰਨ ਸਿੰਘ (20) ਪੁੱਤਰ ਬਲਰਾਜ ਸਿੰਘ ਵਾਸੀ ਪਿੰਡ ਚੱਕ ਵਡਾਲਾ, ਥਾਣਾ ਲੋਹੀਆਂ ਖਾਸ ਵਜੋਂ ਹੋਈ ਹੈ | ਉਨ੍ਹਾਂ ਕਿਹਾ ਕਿ ਰੇਲਵੇ ਪੁਲਿਸ ਚੌਕੀ ਲੋਹੀਆਂ ਵਲੋਂ ਇਸ ਸੰਬੰਧੀ ਕਾਰਵਾਈ ਕਰਦੇ ਹੋਏ ਧਾਰਾ 194 ਬੀ. ਐਨ. ਐਸ. ਤਹਿਤ ਮਾਮਲਾ ਦਰਜ ਕਰਕੇ ਲਾਸ਼ ਸਿਵਲ ਹਸਪਤਾਲ ਨਕੋਦਰ ਮੋਰਚਰੀ ਵਿਚ ਜਮਾਂ ਕਰਾਈ ਗਈ ਹੈ, ਜਿਸ ਦਾ ਸਵੇਰੇ ਪੋਸਟਮਾਰਟਮ ਕਰਾਇਆ ਜਾਵੇਗਾ ਤੇ ਲਾਸ਼ ਵਾਰਿਸਾਂ ਹਵਾਲੇ ਕੀਤੀ ਜਾਵੇਗੀ |
