ਰਮਨ ਅਰੋੜਾ ਤੇ ਮਹੇਸ਼ ਮਖੀਜਾ ਦਾ ਸਿਵਲ ਹਸਪਤਾਲ ਵਿਖੇ ਕਰਵਾਇਆ ਮੈਡੀਕਲ
ਅਜੀਤ ਡੈਸਕ
02-06-2025
ਪੰਜਾਬ ਮਾਸਟਰਜ਼ (ਮਰਦਾਂ ਤੇ ਔਰਤਾਂ) ਦੀ ਹਾਕੀ ਟੀਮਾਂ ਦੇ ਚੋਣ ਟਰਾਇਲ ਕੱਲ੍ਹ
ਜਲੰਧਰ, 1 ਜੂਨ (ਡਾ.ਜਤਿੰਦਰ ਸਾਬੀ)- ਹਾਕੀ ਇੰਡੀਆ ਵਲੋਂ ਤਾਮਿਲਨਾਡੂ ਦੇ ਸ਼ਹਿਰ ਚੇਨਈ ਵਿਖੇ 18 ਤੋਂ 27 ਜੂਨ ਤੱਕ ਕਰਵਾਈ ਜਾ ਰਹੀ ਪਹਿਲੀ ਹਾਕੀ ਇੰਡੀਆ ਮਾਸਟਰਜ ਕੱਪ (ਮਰਦਾਂ ਤੇ ਔਰਤਾਂ) 2025 'ਚ ਭਾਗ ਲੈਣ ਵਾਲੀਆਂ ਪੰਜਾਬ ਦੀਆਂ ਟੀਮਾਂ ਦੇ ਚੋਣ ਟਰਾਇਲ 3 ਜੂਨ ਨੂੰ ਸਵੇਰੇ 8 ਵਜੇ ਉਲੰਪੀਅਨ ਸੁਰਜੀਤ ਹਾਕੀ ਸਟੇਡੀਅਮ ਜਲੰਧਰ ਵਿਖੇ ਕਰਵਾਏ ਜਾ ਰਹੇ ਹਨ | ਇਹ ਜਾਣਕਾਰੀ ਦਿੰਦੇ ਹੋਏ ਹਾਕੀ ਪੰਜਾਬ ਦੇ ਪ੍ਰਧਾਨ ਨਿਤਿਨ ਕੋਹਲੀ ਤੇ ਜਨਰਲ ਸਕੱਤਰ ਅਮਰੀਕ ਸਿੰਘ ਪੁਆਰ ਨੇ ਦੱਸਿਆ ਕਿ ਮਰਦਾਂ ਦੇ ਵਰਗ 'ਚ 40 ਸਾਲ ਦਾ ਵਡੇਰੀ ਉਮਰ ਵਾਲੇ ( 1-1-1985 ਤੋੋਂ ਪਹਿਲਾਂ ਜਨਮੇ ਵੈਟਰਨ ਹਾਕੀ ਖਿਡਾਰੀ ਭਾਗ ਲੈ ਸਕਦੇ ਹਨ ਤੇ ਔਰਤਾਂ ਦੇ ਵਰਗ 'ਚ 35 ਸਾਲ ਤੋਂ ਵਡੇਰੀ ਉਮਰ ਦੀਆਂ ਹਾਕੀ ਖਿਡਾਰਨਾਂ (1-1-1991 ) ਤੋਂ ਪਹਿਲਾਂ ਪੈਦਾ ਹੋਈਆਂ ਖਿਡਾਰਨਾਂ ਹਿੱਸਾ ਲੈ ਸਕਦੀਆਂ ਹਨ | ਇਨ੍ਹਾਂ ਚੋਣ ਟਰਾਇਲਾਂ 'ਚ ਹਿੱਸਾ ਲੈਣ ਵਾਲੇ ਖਿਡਾਰੀ ਆਪਣੇ ਅਧਾਰ ਕਾਰਡ ਨਾਲ ਲੈ ਕੇ ਆਉਣ ਤੇ ਨਾਲ ਹੀ ਪੂਰੀ ਖੇਡ ਕਿੱਟ ਵੀ ਨਾਲ ਲੈ ਕੇ ਆਉਣ, ਨਹੀ ਤਾਂ ਚੋਣ ਟਰਾਇਲਾਂ 'ਚ ਹਿੱਸਾ ਨਹੀਂ ਲੈ ਸਕਦੇ | ਚੁਣੀਆਂ ਹੋਈਆਂ ਟੀਮਾਂ ਦਾ ਕੋਚਿੰਗ ਕੈਂਪ ਵੀ ਲਗਾਇਆ ਜਾਵੇਗਾ | ਇਸ ਟੂਰਨਾਮੈਂਟ 'ਚ ਉਹੀ ਖਿਡਾਰੀ ਭਾਗ ਲੈ ਸਕਦੇ ਹਨ ਜੋਂ ਹਾਕੀ ਇੰਡੀਆ ਨਾਲ ਰਜਿਸਟਰਡ ਹੋਣਗੇ ਤੇ ਇਸ ਲਈ ਹਰ ਇਕ ਖਿਡਾਰੀ ਨੂੰ ਹਾਕੀ ਇੰਡੀਆ ਨਾਲ ਰਜਿਸਟਰ ਹੋਣਾ ਲਾਜ਼ਮੀ ਹੈ ਤਾਂ ਹੀ ਹਿੱਸਾ ਲੈ ਸਕਦੇ ਹਨ |
