ਜਲੰਧਰ, 1 ਜੂਨ (ਸ਼ਿਵ)-ਜਲੰਧਰ ਸੈਂਟਰਲ ਹਲਕੇ ਦੇ ਸਾਬਕਾ ਵਿਧਾਇਕ ਤੇ ਜ਼ਿਲ੍ਹਾ ਕਾਂਗਰਸ ਕਮੇਟੀ ਸ਼ਹਿਰੀ ਦੇ ਪ੍ਰਧਾਨ ਰਜਿੰਦਰ ਬੇਰੀ ਨੇ ਕਿਹਾ ਕਿ ਜਲੰਧਰ ਸੈਂਟਰਲ ਹਲਕੇ 'ਚ ਜੋ ਆਮ ਆਦਮੀ ਪਾਰਟੀ ਜੋ ਆਸ਼ੀਰਵਾਦ ਯਾਤਰਾ ਕੱਢ ਰਹੀ ਹੈ ਉਸ ਦੀ ਜਗਾ ਪਛਤਾਵਾ ਯਾਤਰਾ ਕੱਢਣੀ ਚਾਹੀਦਾ ਹੈ ਕਿਉਂਕਿ ਜਲੰਧਰ ਸੈਂਟਰਲ ਹਲਕੇ ਦੇ ਲੋਕਾਂ ਨੇ ਤਾਂ 2022 ਵਿਚ ਵੀ ਆਮ ਆਦਮੀ ਪਾਰਟੀ ਨੂੰ ਆਸ਼ੀਰਵਾਦ ਦਿੱਤਾ ਸੀ ਤੇ ਆਮ ਆਦਮੀ ਪਾਰਟੀ ਦਾ ਵਿਧਾਇਕ ਚੁਣਿਆ ਸੀ ਪਰ ਉਸ ਵਿਧਾਇਕ ਨੇ 3 ਸਾਲਾਂ ਵਿਚ ਜੋ ਕੁੱਝ ਕੀਤਾ ਉਹ ਸਾਰੀ ਜਨਤਾ ਦੇ ਸਾਹਮਣੇ ਆ ਹੀ ਗਿਆ ਕਿ ਕਿਸ ਤਰ੍ਹਾਂ ਨਾਲ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਨੇ ਭਿ੍ਸ਼ਟਾਚਾਰ ਦੀਆਂ ਸਾਰੀਆਂ ਹੱਦਾਂ ਹੀ ਪਾਰ ਕਰ ਦਿੱਤੀਆਂ ਹਨ | ਜੋ ਕੁੱਝ ਸੁਣਨ ਲਈ ਤੇ ਖ਼ਬਰਾਂ ਰਾਹੀ ਪੜ੍ਹਨ ਨੂੰ ਮਿਲ ਰਿਹਾ ਹੈ, ਇਸ ਵਿਧਾਇਕ ਵਲੋਂ ਕੀਤੇ ਗਏ ਘਪਲੇ ਬਹੁਤ ਹੀ ਹੈਰਾਨੀਜਨਕ ਹਨ ਕਿ ਕਿਸ ਤਰ੍ਹਾਂ ਕੁੱਝ ਕੁ ਸਾਲਾਂ ਵਿਚ ਹੀ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਨੇ ਹੇਰਾ ਫੇਰੀ ਕੀਤੀ | ਇਸ ਲਈ ਆਮ ਆਦਮੀ ਪਾਰਟੀ ਨੂੰ ਚਾਹੀਦਾ ਸੀ ਕਿ ਆਸ਼ੀਰਵਾਦ ਯਾਤਰਾ ਕੱਢਣ ਦੀ ਬਜਾਏ ਪਛਤਾਵਾ ਯਾਤਰਾ ਕੱਢੇ |
