ਜਲੰਧਰ, 3 ਜੂਨ (ਸ਼ਿਵ)-ਰਮਨ ਅਰੋੜਾ ਦੇ ਮਾਮਲੇ 'ਚ ਵਿਜੀਲੈਂਸ ਵਲੋਂ ਜਾਂਚ ਕਰਨ ਤੋਂ ਬਾਅਦ ਨਗਰ ਨਿਗਮ ਵਿਚ ਵੀ ਕਈ ਫੇਰ ਬਦਲ ਦੇਖੇ ਜਾ ਰਹੇ ਹਨ | ਜਿੱਥੇ ਹੁਣ ਆਉਣ ਵਾਲੇ ਸਮੇਂ 'ਚ ਨਾਜਾਇਜ਼ ਉਸਾਰੀਆਂ ਦੇ ਮਾਮਲੇ ਵਿਚ ਨਗਰ ਨਿਗਮ ਵਲੋਂ ਹੁਣ ਕਾਰਵਾਈ ਰੋਕਣੀ ਵੀ ਆਸਾਨ ਨਹੀਂ ਹੋਵੇਗੀ ਉੱਥੇ ਬਿਲਡਿੰਗ ਅਫਸਰਾਂ ਵਲੋਂ ਵੀ ਹੁਣ ਸਿਆਸੀ ਦਬਾਅ ਮਾਮਲੇ 'ਚ ਵੀ ਕਾਫੀ ਚੌਕਸ ਰਹਿਣਾ ਹੋਵੇਗਾ | ਉਂਜ ਜਲੰਧਰ ਵਿਚ ਰਮਨ ਅਰੋੜਾ ਮਾਮਲੇ ਤੋਂ ਬਾਅਦ ਸਥਾਨਕ ਸਰਕਾਰ ਵਿਭਾਗ ਨੇ ਵੀ ਹੁਣ ਬਿਲਡਿੰਗ ਬਾਗ 'ਤੇ ਸ਼ਿਕੰਜਾ ਕੱਸਣਾ ਸ਼ੁਰੂ ਕਰ ਦਿੱਤਾ ਲੱਗਦਾ ਹੈ | ਸਥਾਨਕ ਸਰਕਾਰਾਂ ਵਿਭਾਗ ਨੇ ਨਗਰ ਨਿਗਮ ਦੇ ਇਕ ਐਮਟੀਪੀ ਨਰੇਸ਼ ਕੁਮਾਰ ਨੂੰ ਹੁਣ ਹੈੱਡ ਕੁਆਰਟਰ ਸੱਦ ਲਿਆ ਹੈ | ਏਟੀਪੀ ਨਰੇਸ਼ ਕੁਮਾਰ ਨੂੰ ਪਠਾਨਕੋਟ ਵਿਚ ਐਮਟੀਪੀ ਦਾ ਕੰਮ ਦੇਖਣ ਤੋਂ ਇਲਾਵਾ ਉਸ ਨੂੰ ਜਲੰਧਰ ਦੇ ਵੈਸਟ ਹਲਕੇ 'ਚ ਇਮਾਰਤਾਂ ਦੇਖਣ ਬਾਰੇ ਕੰਮ ਦਾ ਵਾਧੂ ਕੰਮ ਦਿੱਤਾ ਸੀ | ਆਉਂਦੇ ਸਮੇਂ 'ਚ ਬਿਲਡਿੰਗ ਵਿਭਾਗ 'ਚ ਹੋਰ ਵੀ ਕਈ ਫੇਰ ਬਦਲ ਦੇਖਣ ਨੂੰ ਮਿਲ ਸਕਦੇ ਹਨ |