ਸਿਹਤ ਮੰਤਰੀ ਨੇ ਨਿਊ ਗੌਤਮ ਨਗਰ ਦੇ ਮਾਮਲੇ ਬਾਰੇ ਕੌਂਸਲਰ ਘੁੰਮਣ ਤੋਂ ਜਾਣਕਾਰੀ ਮੰਗੀ
ਅਜੀਤ ਡੈਸਕ
01-09-2025
ਕੌਂਸਲਰ ਨੇ ਨਵੀਆਂ ਪਾਈਪਾਂ ਲਈ ਮੇਅਰ ਨੂੰ ਦਿੱਤਾ ਮੰਗ ਪੱਤਰ
ਵਾਰਡ ਨੰਬਰ 60 ਦੇ ਆਮ ਆਦਮੀ ਪਾਰਟੀ ਦੇ ਕੌਂਸਲਰ ਗੁਰਜੀਤ ਸਿੰਘ ਘੁੰਮਣ ਨੇ ਅੱਜ ਵਾਰਡ ਦਾ ਜਾਇਜ਼ਾ ਲੈਣ ਲਈ ਆਏ ਮੇਅਰ ਵਨੀਤ ਧੀਰ ਨੂੰ ਮੰਗ ਪੱਤਰ ਦਿੱਤਾ ਹੈ ਜਿਸ ਵਿਚ ਕਿਹਾ ਗਿਆ ਹੈ ਕਿ ਉਨ੍ਹਾਂ ਦੇ ਵਾਰਡ ਨੰਬਰ 60 ਵਿਚ ਪੈਂਦੇ ਨਿਊ ਗੌਤਮ ਨਗਰ ਏਰੀਏ ਵਿਚ ਕਈ ਬਾਰ ਪਾਣੀ ਮਿਕਸਿੰਗ ਦੀ ਸਮੱਸਿਆ ਆ ਚੁੱਕੀ ਹੈ ਜਿਸ ਕਾਰਨ ਲੋਕਾਂ ਵਿਚ ਕਈ ਸਾਰੀਆਂ ਬਿਮਾਰੀਆਂ ਲੱਗਣ ਦਾ ਡਰ ਬਣਿਆ ਰਹਿੰਦਾ ਹੈ | ਇਹ ਪਾਣੀ ਦੀਆਂ ਲਾਈਨਾਂ ਕਾਫ਼ੀ ਸਮੇਂ ਤੋਂ ਪਈਆਂ ਹੋਈਆਂ ਹਨ, ਜਿਸ ਕਾਰਨ ਪਾਣੀ ਲੀਕੇਜ ਦੀ ਸਮੱਸਿਆ ਵੀ ਆਉਂਦੀ ਰਹਿੰਦੀ ਹੈ | ਇਸ ਤੋਂ ਇਲਾਵਾ ਕਈ ਪਾਣੀ ਦੀ ਸਪਲਾਈ ਲਾਈਨ ਬਿਲਕੁਲ ਸੀਵਰੇਜ ਦੇ ਪਾਈਪਾਂ ਦੇ ਨਾਲ ਹਨ | ਇਸ ਲਈ ਲੋਕਾਂ ਦੀ ਸਿਹਤ ਨੂੰ ਮੁੱਖ ਰੱਖਦਿਆਂ ਤੇ ਇਲਾਕਾ ਨਿਵਾਸੀਆਂ ਦੇ ਮੰਗ ਉਪਰੰਤ ਉਕਤ ਏਰੀਏ 'ਚ ਜਲਦ ਤੋਂ ਜਲਦ ਨਵਾਂ ਤਖ਼ਮੀਨਾ ਤਿਆਰ ਕਰਕੇ ਨਵੀਆਂ ਪਾਣੀ ਸਪਲਾਈ ਦੀਆਂ ਪਾਈਪਾਂ ਪਾਈਆਂ ਜਾਣ |
8 ਨਿਗਮ ਟੀਮ ਨੇ ਦਰਜਨ ਤੋਂ ਜ਼ਿਆਦਾ ਪਾਣੀ ਦੇ ਪੁਰਾਣੇ ਕੁਨੈਕਸ਼ਨ ਕੱਟੇ
8 ਮੇਅਰ ਵਨੀਤ ਧੀਰ ਵਲੋਂ ਲੋਕਾਂ ਲਈ ਕੀਤੇ ਪ੍ਰਬੰਧਾਂ ਦਾ ਜਾਇਜ਼ਾ
