ਆਦਮਪੁਰ, 5 ਸਤੰਬਰ (ਰਮਨ ਦਵੇਸਰ)-ਝੱਲੀ ਗੋਤਰ ਜਠੇਰਿਆਂ ਦਾ ਸਲਾਨਾ 34ਵਾਂ ਜੋੜ ਮੇਲਾ 7 ਸਤੰਬਰ ਨੂੰ ਪਿੰਡ ਲਹਿਲੀ ਕਲਾ ਨੇੜੇ ਚੱਬੇਵਾਲ ਜ਼ਿਲ੍ਹਾ ਹੁਸ਼ਿਆਰਪੁਰ ਵਿਖੇ ਕਰਾਇਆ ਜਾ ਰਿਹਾ ਹੈ | ਇਸ ਮੌਕੇ ਮੁੱਖ ਸੇਵਾਦਾਰ ਸੁੱਚਾ ਸਿੰਘ ਆਦਮਪੁਰ ਨੇ ਦੱਸਿਆ ਕਿ ਜਠੇਰਿਆਂ ਦੇ ਸਥਾਨ 'ਤੇ ਵਿਧੀ ਅਨੁਸਾਰ ਪੂਜਾ ਕੀਤੀ ਜਾਵੇਗੀ ਤੇ ਬਾਬਾ ਜੀ ਦਾ ਨਿਸ਼ਾਨ ਸਾਹਿਬ ਚੜ੍ਹਾਇਆ ਜਾਵੇਗਾ | ਸੰਗਤਾਂ ਲਈ ਚਾਹ ਪਕੌੜਿਆਂ ਦੇ ਲੰਗਰ ਲਗਾਇਆ ਜਾਵੇਗਾ | ਉਸ ਉਪਰੰਤ ਕੀਰਤਨੀ ਜੱਥੇ ਵਲੋਂ ਸੰਗਤਾ ਨੂੰ ਬਾਣੀ ਨਾਲ ਜੋੜਿਆ ਜਾਵੇਗਾ | ਇਸ ਮੌਕੇ ਪ੍ਰਧਾਨ ਸੁੱਚਾ ਸਿੰਘ ਆਦਮਪੁਰ, ਕੈਸੀਆਰ ਸੁਖਵਿੰਦਰ ਸਿੰਘ ਮਾਰੂਲੇ, ਸੂਬੇਦਾਰ ਗੁਰਮੇਲ ਸਿੰਘ, ਸਰਪੰਚ ਚਰਨ ਦਾਸ ਤੇ ਮੈਂਬਰ ਹਾਜ਼ਰ ਸਨ |