ਜਲੰਧਰ, 25 ਸਤੰਬਰ (ਐੱਮ. ਐੱਸ. ਲੋਹੀਆ)-ਨੈਸ਼ਨਲ ਐਸੋਸੀਏਸ਼ਨ ਫਾਰ ਰੀਪ੍ਰੋਡਕਟਿਵ ਐਂਡ ਚਾਈਲਡ ਹੈੱਲਥ ਆਫ਼ ਇੰਡੀਆ (ਨਾਰਚੀ) ਵਲੋਂ ਜੈਪੁਰ ਵਿਖੇ 'ਨਾਰਚੀਕੋਨ' ਵਰਲਡ ਐਂਡ ਆਲ ਇੰਡੀਆ ਕਾਨਫਰੰਸ ਕਰਵਾਈ ਗਈ, ਜਿਸ ਦੌਰਾਨ ਜਲੰਧਰ ਦੀ ਸੀਨੀਅਰ ਅਤੇ ਪਿ੍ਸੱਧ ਗਾਇਨਾਕੋਲੋਜਿਸਟ ਡਾ. ਸੁਸ਼ਮਾ ਚਾਵਲਾ ਨੂੰ ਬਤੌਰ ਫੈਕਲਟੀ ਸੱਦਾ ਦਿੱਤਾ ਗਿਆ | ਕਾਨਫਰੰਸ ਦੌਰਾਨ ਵਿਸ਼ਵ ਭਰ ਤੋਂ ਆਏ ਔਰਤਾਂ ਅਤੇ ਬੱਚਿਆਂ ਦੇ ਮਾਹਿਰ ਤੌਰ ਫੈਕਲਟੀ ਸ਼ਿਰਕਤ ਕਰਦੇ ਹੋਏ ਡਾ. ਸੁਸ਼ਮਾ ਚਾਵਲਾ ਨੇ ਗਰਭ ਅਵਸਥਾ ਦੌਰਾਨ ਟੀਕਾਕਰਨ ਦੀ ਜ਼ਰੂਰਤ ਅਤੇ ਮਹੱਤਤਾ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ | ਡਾ. ਸੀ.ਐੱਸ. ਡਾਨ ਦੀ ਪ੍ਰਧਾਨਗੀ ਹੇਠ ਹੋਈ ਇਸ ਕਾਨਫਰੰਸ ਦੌਰਾਨ ਨਾਰਚੀ ਦੀ ਪ੍ਰਧਾਨ ਡਾ. ਮੰਜੂ, ਡਾਇਰੈਕਟਰ ਜਨਰਲ ਡਾ. ਐਸ. ਡਾਨ ਅਤੇ ਡਾ. ਅਚਲਾ ਬੱਤਰਾ ਸ਼ਾਮਿਲ ਹੋਏ |
