ਸ਼ਾਹਕੋਟ, 26 ਸਤੰਬਰ (ਦਲਜੀਤ ਸਿੰਘ ਸਚਦੇਵਾ)-ਸ਼੍ਰੀ ਖਾਟੂ ਸ਼ਿਆਮ ਸੇਵਾ ਮੰਡਲ ਸ਼ਾਹਕੋਟ ਵਲੋਂ ਚੌਥਾ ਸ਼੍ਰੀ ਸ਼ਿਆਮ ਮਹਾਂਉਤਸਵ ਮਿਤੀ 27 ਸਤੰਬਰ ਦਿਨ ਸਨਿੱਚਰਵਾਰ ਨੂੰ ਸ਼੍ਰੀ ਲਕਸ਼ਮੀ ਨਰਾਇਣ ਮੰਦਰ ਸ਼ਾਹਕੋਟ ਵਿਖੇ ਰਾਤ 8 ਵਜੇ ਬੜੀ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਜਾ ਰਿਹਾ ਹੈ | ਜਾਣਕਾਰੀ ਦਿੰਦਿਆਂ ਸ਼੍ਰੀ ਖਾਟੂ ਸ਼ਿਆਮ ਸੇਵਾ ਮੰਡਲ ਸ਼ਾਹਕੋਟ ਦੇ ਕਮੇਟੀ ਮੈਂਬਰ ਨਿਤਿਨ ਸ਼ਰਮਾ, ਸੰਦੀਪ ਪੁਰੀ, ਮੋਹਿਤ ਪੁਰੀ, ਰਵੀਸ਼ ਗੋਇਲ, ਗਗਨ ਵਰਮਾ, ਸੁਧੀਰ ਕੁਮਾਰ, ਕਮਲ ਸ਼ਰਮਾ, ਲੋਕੇਸ਼ ਮਿੱਤਲ, ਲਛਮਣ ਸੋਬਤੀ, ਗਗਨ ਵਰਮਾ, ਰਾਘਵ ਮਹਿਰਾ, ਆਸ਼ੂ, ਅਮਿਤ ਵਡੈਹਰਾ, ਨਵਦੀਪ ਅਗਰਵਾਲ, ਰੋਬਿਨ ਸ਼ਰਮਾ, ਸ਼ੁਭਮ ਕੱਕੜ ਤੇ ਅਕਸ਼ੇ ਭੰਡਾਰੀ ਨੇ ਦੱਸਿਆ ਕਿ ਚੌਥੇ ਸ਼੍ਰੀ ਸ਼ਿਆਮ ਮਹਾਂਉਤਸਵ 'ਚ ਸ਼੍ਰੀ ਅਮਰਨਾਥ ਗੁਫ਼ਾ ਦੇ ਮੁੱਖ ਪੁਜਾਰੀ ਰਾਜਿੰਦਰ ਸ਼ਾਸਤਰੀ ਵਿਸ਼ੇਸ਼ ਤੌਰ 'ਤੇ ਪਹੁੰਚਣਗੇ | ਉਨ੍ਹਾਂ ਦੱਸਿਆ ਕਿ ਪ੍ਰਸਿੱਧ ਭਜਨ ਗਾਇਕ ਆਤਿਸ਼ ਅਰੋੜਾ (ਜਲੰਧਰ) ਤੇ ਆਰਤੀ ਖੰਨਾ (ਬਠਿੰਡਾ) ਵਲੋਂ ਸ਼੍ਰੀ ਖਾਟੂ ਸ਼ਿਆਮ ਦੀ ਮਹਿਮਾ ਦਾ ਗੁਣਗਾਨ ਕੀਤਾ ਜਾਵੇਗਾ | ਉਨ੍ਹਾਂ ਦੱਸਿਆ ਕਿ ਅਲੌਕਿਕ ਸ਼ਿੰਗਾਰ, ਅਖੰਡ ਜੋਤੀ ਤੇ ਛਪਣ ਭੋਗ ਇਸ ਮਹਾਂਉਤਸਵ ਦੇ ਮੁੱਖ ਆਕਸ਼ਰਣ ਹੋਣਗੇ |