ਵਕੀਲਾਂ ਨੇ ਨਵੇਂ ਸਾਲ ਸੰਬੰਧੀ ਪ੍ਰੋਗਰਾਮ ਕਰਵਾਇਆ

ਜਲੰਧਰ, 21 ਦਸੰਬਰ (ਚੰਦੀਪ ਭੱਲਾ)-ਜ਼ਿਲ੍ਹਾ ਬਾਰ ਐਸੋਸੀਏਸ਼ਨ ਦੇ ਵਕੀਲ ਮੈਂਬਰਾਂ ਵਲੋਂ ਸਥਾਨਕ ਹੋਟਲ 'ਚ ਆਉਣ ਵਾਲੇ ਨਵੇਂ ਸਾਲ 2026 ਨੂੰ ਲੈ ਕੇ ਇਕ ਪ੍ਰੋਗਰਾਮ ਕਰਵਾਇਆ | ਇਸ ਦੌਰਾਨ ਕਾਰਜਕਾਰੀ ਪ੍ਰਧਾਨ ਰਾਮ ਛਾਬੜਾ, ਸਾਬਕਾ ਪ੍ਰਧਾਨ ਅਦਿੱਤਿਆ ਜੈਨ, ਸਕੱਤਰ ਰੋਹਿਤ ਗੰਭੀਰ, ਸਾਬਕਾ ਪ੍ਰਧਾਨ ਰਾਜ ਕੁਮਾਰ ਭੱਲਾ, ਕਰਮਪਾਲ ਸਿੰਘ ਗਿੱਲ ਆਦਿ ਨੇ ਡੀ. ਜੇ. 'ਤੇ ਭੰਗੜੇ ਪਾਏ ਤੇ ਨਾਲ ਹੀ ਆਉਣ ਵਾਲੇ ਸਾਲ 2026 ਦੀਆਂ ਸਾਰੇ ਵਕੀਲਾਂ ਨੂੰ ਸ਼ੁੱਭਕਾਮਨਾਵਾਂ ਦਿੱਤੀਆਂ ਤੇ ਨਾਲ ਹੀ ਕਿਹਾ ਕਿ ਪੁਰਾਣੇ ਸਾਲ 2025 'ਚ ਜੇਕਰ ਕਿਸੇ ਦਾ ਵੀ ਕੋਈ ਆਪਸੀ ਮਨਮੁਟਾਵ ਹੈ ਤੇ ਉਹ ਉਸ ਨੂੰ ਪੁਰਾਣੇ ਬੀਤ ਜਾਣ ਵਾਲੇ ਸਾਲ ਨਾਲ ਹੀ ਭੁਲਾ ਕੇ ਪਿੱਛੇ ਛੱਡ ਦੇਵੇ ਤੇ ਆਉਣ ਵਾਲੇ ਨਵੇਂ ਸਾਲ 'ਚ ਆਪਸੀ ਪਿਆਰ ਵਧਾਉਣ ਵੱਲ ਧਿਆਨ ਦਿੱਤਾ ਜਾਵੇ | ਇਸ ਮੌਕੇ ਵਕੀਲਾਂ 'ਚ ਸੂਰਜ ਪ੍ਰਤਾਪ ਸਿੰਘ, ਓਮ ਪ੍ਰਕਾਸ਼ ਸ਼ਰਮਾ ਸਾਬਕਾ ਪ੍ਰਧਾਨ, ਹਰਨੇਕ ਸਿੰਘ, ਰਮਿਤ ਅਰੋੜਾ, ਰਵੀਸ਼ ਮਲਹੋਤਰਾ, ਰਤਨ ਦੁਆ, ਅਮਰਿੰਦਰ ਪਾਲ ਸਿੰਘ ਥਿੰਦ, ਰਾਕੇਸ਼ ਧੀਰ, ਪਿ੍ਤਪਾਲ ਸਿੰਘ, ਜੇ. ਪੀ. ਸਿੰਘ ਸਮੇਤ ਵੱਡੀ ਗਿਣਤੀ 'ਚ ਹੋਰ ਵਕੀਲ ਮੈਂਬਰ ਮੌਜੂਦ ਸਨ |