ਸ੍ਰੀ ਮੁਕਤਸਰ ਸਾਹਿਬ, 23 ਸਤੰਬਰ (ਰਣਜੀਤ ਸਿੰਘ ਢਿੱਲੋਂ)-ਸਥਾਨਕ ਘਾਹ ਮੰਡੀ ਚੌਕ ਦੇ ਦੁਕਾਨਦਾਰ ਗੋਪੀ ਰਾਮ ਤਨੇਜਾ ਲਗਪਗ 50 ਸਾਲਾਂ ਤੋਂ ਸਥਾਨਕ ਘਾਹ ਮੰਡੀ ਚੌਕ ਵਿਚ ਕਿਰਾਏ 'ਤੇ ਦੁਕਾਨ ਲੈ ਕੇ ਆਪਣਾ ਕਾਰੋਬਾਰ ਕਰ ਰਹੇ ਸਨ | ਅੱਜ ਲਗਪਗ 50 ਸਾਲਾਂ ਬਾਅਦ ਗੋਪੀ ਰਾਮ ਤਨੇਜਾ ਨੇ ਪੰਚਾਇਤ ਦੀ ਹਾਜ਼ਰੀ ਵਿਚ ਦੁਕਾਨ ਦੇ ਅਸਲੀ ਮਾਲਕ ਮਨਜੋਤ ਸਿੰਘ ਨੂੰ ਬਿਨਾਂ ਕਿਸੇ ਲਾਲਚ ਦੇ ਚਾਬੀਆਂ ਸੌਂਪ ਕੇ ਇਮਾਨਦਾਰੀ ਦਾ ਸਬੂਤ ਦਿੱਤਾ ਹੈ | ਇਸ ਮੌਕੇ ਵਪਾਰ ਮੰਡਲ ਦੇ ਜਨਰਲ ਸਕੱਤਰ ਦੇਸ ਰਾਜ ਤਨੇਜਾ, ਕੱਪੜਾ ਐਸੋਸੀਏਸ਼ਨ ਗਿੱਦੜਬਾਹਾ ਦੇ ਪ੍ਰਧਾਨ ਭਗਵਾਨ ਦਾਸ ਅਹੂਜਾ, ਟੇਕ ਚੰਦ ਬੱਤਰਾ, ਭਗਵਾਨ ਦਾਸ ਸੇਤੀਆ, ਪਰਮਜੀਤ ਸਿੰਘ ਗਿੱਲ, ਸੁਨੀਲ ਕੁਮਾਰ ਬਾਂਸਲ, ਸਿਕੰਦਰ ਸਿੰਘ ਦੋਦਾ, ਰਣਜੀਤ ਸਿੰਘ ਦੋਦਾ, ਰਸਾਲੂ ਸਿੰਘ, ਜੱਗਾ ਸਿੰਘ ਮੱਲਣ, ਮਲਕੀਤ ਸਿੰਘ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਪਤਵੰਤੇ ਹਾਜ਼ਰ ਸਨ |
