ਮੋਗਾ, 21 ਦਸੰਬਰ (ਜਸਪਾਲ ਸਿੰਘ ਬੱਬੀ)-ਮੋਗਾ ਪੀੜਤ ਸਹਾਇਤਾ ਕਮੇਟੀ ਵਲੋਂ ਮੋਗਾ ਵਿਖੇ ਨਿਊਰੋ ਥੈਰੇਪੀ ਮੁਫ਼ਤ ਜਾਂਚ ਕੈਂਪ ਡਾ. ਰਾਜੇਸ਼ ਪੁਰੀ ਦੇ ਪਿਤਾ ਸਵ: ਵੇਦ ਪ੍ਰਕਾਸ਼ ਪੁਰੀ ਦੀ ਯਾਦ ਲਗਾਇਆ | ਜਿਸ 'ਚ ਕਰੀਬ 80 ਮਰੀਜ਼ਾਂ ਦੀ ਮੁਫ਼ਤ ਸਿਹਤ ਜਾਂਚ ਕੀਤੀ | ਨਿਊਰੋਥੈਰੇਪਿਸਟ ਮੁਕੇਸ਼ ਕੋਚਰ ਨੇ ਦੱਸਿਆ ਕਿ ਨਿਊਰੋ ਥੈਰੇਪੀ ਇਲਾਜ ਸਰਵਾਈਕਲ ਦਰਦ, ਕਮਰ ਦਰਦ ਤੇ ਜੋੜਾਂ ਦੇ ਦਰਦ ਠੀਕ ਹੁੰਦਾ ਹੈ | ਉਨ੍ਹਾਂ ਦੱਸਿਆ ਕਿ ਦਿਨੋਂ ਦਿਨ ਮੋਬਾਈਲ ਫ਼ੋਨ ਦੀ ਵੱਧ ਵਰਤੋਂ ਕਾਰਨ ਸਰਵਾਈਕਲ ਦਰਦ ਵਿਚ ਵਾਧਾ ਹੋ ਰਿਹਾ ਹੈ | ਉਨ੍ਹਾਂ ਲੋਕਾਂ ਨੂੰ ਸਲਾਹ ਦਿੱਤੀ ਕਿ ਮੋਬਾਈਲ ਫ਼ੋਨ ਨੂੰ ਅੱਖਾਂ ਦੇ ਸਮਾਨ ਉਚਾਈ 'ਤੇ ਰੱਖ ਕੇ ਵਰਤਣਾ ਚਾਹੀਦਾ ਹੈ, ਤਾਂ ਜੋ ਗਰਦਨ 'ਤੇ ਪੈਣ ਵਾਲੇ ਦਬਾਅ ਤੋਂ ਬਚਿਆ ਜਾ ਸਕੇ ਅਤੇ ਸਰਵਾਈਕਲ ਬਿਮਾਰੀਆਂ ਤੋਂ ਸੁਰੱਖਿਆ ਮਿਲ ਸਕੇ | ਇਸ ਮੌਕੇ ਡਾ. ਰਾਮ ਸਿੰਘ, ਡਾ. ਰਵਿੰਦਰ ਸਿੰਘ, ਡਾ. ਮੁਨੀਸ਼ ਕੁਮਾਰ, ਡਾ. ਪਵਨ ਭੱਟੀ ਆਦਿ ਹਾਜ਼ਰ ਸਨ |
