ਬਰੇਟਾ, 18 ਦਸੰਬਰ (ਜੀਵਨ ਸ਼ਰਮਾ)-ਪਿੰਡ ਖੁਡਾਲ ਕਲਾਂ ਦੇ ਵਿਅਕਤੀ ਵਲੋਂ ਜ਼ਹਿਰੀਲੀ ਚੀਜ਼ ਨਿਗਲ ਕੇ ਖ਼ੁਦਕੁਸ਼ੀ ਕਰ ਲਈ ਗਈ ਹੈ | ਪੁਲਿਸ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਅਵਤਾਰ ਸਿੰਘ (45) ਦੀ ਘਰਵਾਲੀ ਕਾਫ਼ੀ ਸਮੇਂ ਤੋਂ ਪੇਕੇ ਘਰ ਰਹਿੰਦੀ ਸੀ ਅਤੇ ਲੰਬੇ ਸਮੇਂ ਤੋਂ ਅਵਤਾਰ ਸਿੰਘ ਸੁਖਜਿੰਦਰ ਕੌਰ ਵਾਸੀ ਬਰੇਟਾ ਦੇ ਘਰ ਰਹਿੰਦਾ ਸੀ | ਪਿਛਲੇ ਦਿਨੀਂ ਉਹ ਆਪਣੇ ਘਰ ਖੁਡਾਲ ਚਲਾ ਗਿਆ ਜਿਸ ਕਰ ਕੇ ਸੁਖਜਿੰਦਰ ਕੌਰ ਨੇ ਉਸ ਨਾਲ ਲੜਾਈ ਝਗੜਾ ਕਰ ਲਿਆ | ਇਸ ਤੋਂ ਪ੍ਰੇਸ਼ਾਨ ਹੋ ਕੇ ਉਸ ਨੇ ਜ਼ਹਿਰੀਲੀ ਚੀਜ਼ ਖਾ ਕੇ ਖ਼ੁਦਕੁਸ਼ੀ ਕਰ ਲਈ | ਥਾਣਾ ਮੁਖੀ ਮੇਲਾ ਸਿੰਘ ਨੇ ਦੱਸਿਆ ਕਿ ਬਰੇਟਾ ਵਾਸੀ ਸੁਖਜਿੰਦਰ ਕੌਰ ਖ਼ਿਲਾਫ਼ ਕਾਰਵਾਈ ਕੀਤੀ ਜਾ ਰਹੀ ਹੈ |