ਕਪੂਰਥਲਾ, 5 ਸਤੰਬਰ (ਸਡਾਨਾ)-ਆਰਮੀ ਨਿਊ ਕੈਂਟ ਵਿਚ ਦਾਖਲ ਹੋਏ ਅਣਪਛਾਤੇ ਵਿਅਕਤੀ ਵਿਰੁੱਧ ਥਾਣਾ ਕੋਤਵਾਲੀ ਪੁਲਿਸ ਨੇ ਕੇਸ ਦਰਜ ਕੀਤਾ ਹੈ | ਆਪਣੀ ਸ਼ਿਕਾਇਤ ਵਿਚ ਸੂਬੇਦਾਰ ਰਾਮਜੀਤ ਮਿਸ਼ਰਾ ਵਾਸੀ ਨਿਊ ਆਰਮੀ ਕੈਂਟ ਨੇ ਦੱਸਿਆ ਕਿ ਬੀਤੀ 1 ਸਤੰਬਰ ਨੂੰ ਰਾਤ ਦੇ ਸਮੇਂ ਆਰਮੀ ਕੈਂਟ ਦੇ ਏ.ਓ.ਆਰ.ਬੀ. ਕੰਧ ਟੱਪ ਕੇ ਅੰਦਰ ਇਕ ਸ਼ੱਕੀ ਵਿਅਕਤੀ ਦਾਖਲ ਹੋਇਆ | ਜਿਸਨੂੰ ਫੜਣ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਉਹ ਖ਼ਰਾਬ ਮੌਸਮ ਦਾ ਫਾਇਦਾ ਚੁੱਕਦੇ ਹੋਏ ਕਾਬੂ ਨਹੀਂ ਆਇਆ | ਜਦਕਿ ਉੱਥੋਂ ਇਕ ਚੱਪਲ ਤੇ ਇਕ ਚੁੰਨੀ ਵਿਚੋਂ ਦੋ ਮੋਬਾਈਲ ਸਿੰਮ ਕਾਰਡ ਬਰਾਮਦ ਹੋਏ | ਕੋਤਵਾਲੀ ਪੁਲਿਸ ਨੇ ਅਣਪਛਾਤੇ ਵਿਅਕਤੀ ਵਿਰੁੱਧ ਕੇਸ ਦਰਜ ਕਰ ਲਿਆ ਹੈ ਤੇ ਮਾਮਲੇ ਦੀ ਜਾਂਚ ਏ.ਐਸ.ਆਈ. ਜਸਬੀਰ ਸਿੰਘ ਵਲੋਂ ਕੀਤੀ ਜਾ ਰਹੀ ਹੈ |