ਕਪੂਰਥਲਾ, 21 ਨਵੰਬਰ (ਅਮਨਜੋਤ ਸਿੰਘ ਵਾਲੀਆ)-ਪਿੰਡ ਲੱਖਣ ਕੇ ਪੱਡੇ ਵਿਖੇ ਇਕ ਲੜਕੀ ਘਰੇਲੂ ਸਮਾਨ ਲੈਣ ਲਈ ਦੁਕਾਨ 'ਤੇ ਗਈ ਤਾਂ ਉੱਥੇ ਇਕ ਸੱਪ ਨੇ ਅਚਾਨਕ ਉਸਦੇ ਪੈਰ 'ਤੇ ਡੱਸ ਲਿਆ | ਜਿਸਦੀ ਹਾਲਤ ਖ਼ਰਾਬ ਹੁੰਦੀ ਦੇਖ ਉਸਨੂੰ ਪਰਿਵਾਰਕ ਮੈਂਬਰਾਂ ਨੇ ਸਿਵਲ ਹਸਪਤਾਲ ਕਪੂਰਥਲਾ ਦਾਖਲ ਕਰਵਾਇਆ | ਜੇਰੇ ਇਲਾਜ ਸੁਨੈਆ ਰਾਣੀ ਪੁੱਤਰੀ ਅੰਗਰੇਜ਼ ਨੇ ਦੱਸਿਆ ਕਿ ਉਹ ਦੁਕਾਨ 'ਤੇ ਸਮਾਨ ਲੈਣ ਗਈ ਸੀ ਤਾਂ ਦੁਕਾਨ ਦੇ ਨੇੜੇ ਹੀ ਬਿਜਲੀ ਦੇ ਮੀਟਰਾਂ ਦਾ ਬਕਸਾ ਲੱਗਾ ਸੀ ਜਿਸ ਵਿਚੋਂ ਇਕ ਸੱਪ ਨੇ ਨਿਕਲ ਕੇ ਉਸਦੇ ਪੈਰ 'ਤੇ ਡੱਸ ਲਿਆ | ਉਸਦਾ ਇਲਾਜ ਸਿਵਲ ਹਸਪਤਾਲ ਵਿਚ ਡਾ. ਕਮਲਜੀਤ ਵਲੋਂ ਕੀਤਾ ਜਾ ਰਿਹਾ ਹੈ |
