ਮੀਂਹ ਪੈਣ ਤੋਂ ਬਾਅਦ ਉੱਤਰੀ ਭਾਰਤ 'ਚ ਠੰਢ ਨੇ ਛੇੜੀ ਕੰਬਣੀ

• ਪਹਾੜਾਂ 'ਤੇ ਬਰਫ਼ਬਾਰੀ • ਤਾਪਮਾਨ ਹੋਰ ਹੇਠਾਂ ਡਿਗਿਆ
ਚੰਡੀਗੜ੍ਹ/ਪਟਿਆਲਾ, 1 ਜਨਵਰੀ (ਸੁਖਵਿੰਦਰ ਸਿੰਘ ਸ਼ਾਨ, ਗੁਰਵਿੰਦਰ ਸਿੰਘ ਔਲਖ)-ਪੰਜਾਬ ਭਰ ਵਿਚ ਸਰਦ ਰੁੱਤ ਦਾ ਪਹਿਲਾ ਮੀਂਹ ਪੈਣ ਨਾਲ ਹੀ ਨਵੇਂ ਸਾਲ ਦੀ ਸ਼ੁਰੂਆਤ ਹੋਈ, ਜਿਸ ਕਾਰਨ ਲੰਮੇ ਸਮੇਂ ਤੋਂ ਪੈ ਰਹੀ ਖ਼ੁਸ਼ਕ ਠੰਢ ਤੋਂ ਰਾਹਤ ਮਿਲੀ ਅਤੇ ਵਾਤਾਵਰਣ ਸਾਫ਼ ਹੋਇਆ ਹੈ | ਪੰਜਾਬ ਸਮੇਤ ਨਾਲ ਲੱਗਦੇ ਇਲਾਕਿਆਂ 'ਚ ਵੀਰਵਾਰ ਸਵੇਰ ਸਮੇਂ ਠੰਢੀਆਂ ਹਵਾਵਾਂ ਨਾਲ ਹਲਕੇ ਤੋਂ ਦਰਮਿਆਨਾ ਮੀਂਹ ਪਿਆ ਅਤੇ ਉੱਤਰੀ ਭਾਰਤ 'ਚ ਠੰਢ ਦਾ ਜ਼ੋਰ ਹੋਰ ਵਧ ਗਿਆ ਹੈ | ਮੀਂਹ ਤੋਂ ਬਾਅਦ ਦਿਨ ਦੇ ਤਾਪਮਾਨ ਵਿਚ ਗਿਰਾਵਟ ਦਰਜ ਕੀਤੀ ਗਈ | ਮੌਸਮ ਵਿਭਾਗ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਉੱਤਰੀ ਪਾਕਿਸਤਾਨ ਅਤੇ ਅਫ਼ਗਾਨਸਿਤਾਨ ਦੇ ਉੱਪਰਲੇ ਵਾਯੂਮੰਡਲ ਵਿਚ ਇਸ ਸਮੇਂ ਇੱਕ ਪੱਛਮੀ ਗੜਬੜੀ ਚੱਲ ਰਹੀ ਹੈ, ਜਿਸ ਕਾਰਨ ਮੌਸਮ ਵਿਚ ਤਬਦੀਲੀ ਹੋ ਰਹੀ ਹੈ | ਦੱਖਣੀ ਪੰਜਾਬ ਅਤੇ ਆਲੇ-ਦੁਆਲੇ ਦੇ ਉੱਚੇ ਖੇਤਰ ਵਿਚ ਤੇਜ਼ ਹਵਾਵਾਂ ਚੱਲ ਰਹੀਆਂ ਹਨ, ਇਸ ਲਈ ਅਗਲੇ ਦਿਨਾਂ ਦੌਰਾਨ ਪੰਜਾਬ ਦੇ ਬਹੁਤ ਸਾਰੇ ਜ਼ਿਲਿ੍ਹਆਂ ਵਿਚ ਸੰਘਣੀ ਧੁੰਦ ਛਾਈ ਰਹੇਗੀ, ਸੀਤ ਲਹਿਰ ਚੱਲੇਗੀ, ਤਾਪਮਾਨ ਵਿਚ ਗਿਰਾਵਟ ਹੋਵੇਗੀ ਅਤੇ ਮੌਸਮ ਸਾਫ਼ ਤੇ ਖ਼ੁਸ਼ਕ ਰਹੇਗਾ | ਇਸ ਦੇ ਨਾਲ ਹੀ ਮੌਸਮ ਵਿਭਾਗ ਨੇ ਸੂਬੇ 'ਚ ਸਵੇਰੇ ਸ਼ਾਮ ਕੋਰਾ ਪੈਣ ਦੀ ਚਿਤਾਵਨੀ ਵੀ ਜਾਰੀ ਕੀਤੀ ਹੈ | ਮੀਂਹ ਪੈਣ ਨਾਲ ਵਾਤਾਵਰਨ ਕਾਫ਼ੀ ਸਾਫ਼ ਹੋ ਗਿਆ ਹੈ ਅਤੇ ਖ਼ੁਸ਼ਕ ਸਰਦੀ ਨਾਲ ਹੋ ਰਹੀਆਂ ਬਿਮਾਰੀਆਂ ਤੋਂ ਲੋਕਾਂ ਨੂੰ ਵੱਡੀ ਰਾਹਤ ਮਿਲੇਗੀ ਤੇ ਇਹ ਖੇਤੀਬਾੜੀ ਲਈ ਲਾਹੇਵੰਦ ਹੋਵੇਗੀ | ਕਣਕ, ਜੌਂ, ਗੰਨਾ, ਬਰਸੀਮ ਆਦਿ ਫ਼ਸਲਾਂ ਲਈ ਇਸ ਮੀਂਹ ਦਾ ਫ਼ਾਇਦਾ ਹੋਵੇਗਾ | ਖੇਤੀਬਾੜੀ ਨਾਲ ਜੁੜੇ ਵਰਗ ਲਈ ਇਹ ਮੀਂਹ ਲਾਹੇਵੰਦ ਮੰਨਿਆ ਜਾ ਰਿਹਾ ਹੈ, ਕਿਉਂਕਿ ਹਾੜ੍ਹੀ ਦੀਆਂ ਫ਼ਸਲਾਂ ਲਈ ਮਿੱਟੀ 'ਚ ਲੋੜੀਂਦੀ ਨਮੀ ਮਿਲੀ ਹੈ | ਕਣਕ ਅਤੇ ਸਰ੍ਹੋਂ ਵਰਗੀਆਂ ਫ਼ਸਲਾਂ ਲਈ ਇਹ ਮੀਂਹ ਮੌਸਮੀ ਤੌਰ 'ਤੇ ਫ਼ਾਇਦੇਮੰਦ ਸਾਬਤ ਹੋ ਸਕਦਾ ਹੈ | ਮੌਸਮ ਵਿਭਾਗ ਦੇ ਅੰਦਾਜ਼ਿਆਂ ਮੁਤਾਬਿਕ ਆਉਣ ਵਾਲੇ ਦਿਨਾਂ 'ਚ ਵੀ ਸਰਦੀ ਦਾ ਦਬਾਅ ਬਣਿਆ ਰਹੇਗਾ ਅਤੇ ਸਵੇਰੇ-ਸ਼ਾਮ ਠੰਢ 'ਚ ਹੋਰ ਵਾਧਾ ਹੋ ਸਕਦਾ ਹੈ | ਨਵੇਂ ਸਾਲ ਦੀ ਸ਼ੁਰੂਆਤ ਹੀ ਠੰਢੇ ਮੌਸਮ ਨਾਲ ਹੋਣ ਕਾਰਨ ਲੋਕਾਂ ਵਲੋਂ ਸਰਦੀ ਤੋਂ ਬਚਾਅ ਲਈ ਗਰਮ ਕੱਪੜਿਆਂ ਦੀ ਵਰਤੋਂ ਵਧ ਗਈ ਹੈ | ਕੁੱਲ ਮਿਲਾ ਕੇ, ਵੀਰਵਾਰ ਨੂੰ ਪਏ ਮੀਂਹ ਨੇ ਨਵੇਂ ਸਾਲ ਦੇ ਪਹਿਲੇ ਦਿਨ ਹੀ ਸਰਦੀ ਦੇ ਰੰਗ ਹੋਰ ਗਹਿਰੇ ਕਰ ਦਿੱਤੇ¢
ਕਸ਼ਮੀਰ 'ਚ ਬਰਫ਼ਬਾਰੀ
ਸ੍ਰੀਨਗਰ, (ਪੀ.ਟੀ.ਆਈ.)-ਅਧਿਕਾਰੀਆਂ ਨੇ ਵੀਰਵਾਰ ਨੂੰ ਕਿਹਾ ਕਿ ਨਵੇਂ ਸਾਲ ਦਾ ਸਵਾਗਤ ਪ੍ਰਸਿੱਧ ਸੈਰ-ਸਪਾਟਾ ਰਿਜ਼ੋਰਟਾਂ ਅਤੇ ਘਾਟੀ ਦੇ ਉੱਚੇ ਇਲਾਕਿਆਂ ਵਿਚ ਤਾਜ਼ਾ ਬਰਫ਼ਬਾਰੀ ਵਿਚਕਾਰ ਕੀਤਾ ਗਿਆ, ਮÏਸਮ ਵਿਭਾਗ ਨੇ ਦਿਨ ਦੇ ਅੰਤ ਵਿਚ ਮÏਸਮ ਵਿਚ ਸੁਧਾਰ ਦੀ ਭਵਿੱਖਬਾਣੀ ਕੀਤੀ ਹੈ | ਗੁਲਮਰਗ, ਪਹਿਲਗਾਮ ਅਤੇ ਸੋਨਮਰਗ ਸਮੇਤ ਸੈਲਾਨੀ ਰਿਜ਼ੋਰਟਾਂ ਵਿਚ ਰਾਤ ਭਰ ਤਾਜ਼ਾ ਬਰਫ਼ਬਾਰੀ ਹੋਈ ਅਤੇ ਵੀਰਵਾਰ ਸਵੇਰ ਤੱਕ ਜਾਰੀ ਰਹੀ, ਜਿਸ ਨਾਲ ਵੱਡੀ ਗਿਣਤੀ ਵਿੱਚ ਲੋਕ ਜਸ਼ਨ ਮਨਾਉਣ ਲਈ ਆਕਰਸ਼ਿਤ ਹੋਏ¢ ਅਧਿਕਾਰੀਆਂ ਨੇ ਦੱਸਿਆ ਕਿ ਕਈ ਉੱਚੇ ਇਲਾਕਿਆਂ ਗੁਰੇਜ਼ ਵਿੱਚ ਤੁਲੈਲ ਘਾਟੀ, ਬਾਂਦੀਪੋਰਾ ਵਿੱਚ ਰਾਜ਼ਦਾਨ ਟÏਪ, ਕੁਪਵਾੜਾ ਵਿੱਚ ਮਾਛਿਲ ਅਤੇ ਸਾਧਨਾ ਟÏਪ ਅਤੇ ਜ਼ੋਜਿਲਾ ਪਾਸ ਵਿੱਚ ਵੀ ਤਾਜ਼ਾ ਬਰਫ਼ਬਾਰੀ ਹੋਈ¢ ਸ਼ੁੱਕਰਵਾਰ ਨੂੰ ਕੁਝ ਥਾਵਾਂ 'ਤੇ ਹਲਕਾ ਮੀਂਹ ਜਾਂ ਬਰਫ਼ਬਾਰੀ ਹੋਣ ਦੀ ਸੰਭਾਵਨਾ ਹੈ¢ਅਧਿਕਾਰੀਆਂ ਨੇ ਦੱਸਿਆ ਕਿ ਬੱਦਲਵਾਈ ਕਾਰਨ, ਰਾਤ ਦਾ ਤਾਪਮਾਨ ਮÏਸਮੀ ਅÏਸਤ ਤੋਂ ਉੱਪਰ ਸੀ ਅਤੇ ਜ਼ਿਆਦਾਤਰ ਥਾਵਾਂ 'ਤੇ ਜਮਾਅ ਬਿੰਦੂ ਤੋਂ ਉੱਪਰ ਰਿਹਾ¢
ਹਿਮਾਚਲ 'ਚ ਬਰਫ਼ਬਾਰੀ
ਸ਼ਿਮਲਾ, (ਯੂ.ਐਨ.ਆਈ.)-ਨਵੇਂ ਸਾਲ 2026 ਦੀ ਸ਼ੁਰੂਆਤ ਹਿਮਾਚਲ ਪ੍ਰਦੇਸ਼ ਵਿਚ ਠੰਢ ਨਾਲ ਹੋਈ, ਲਾਹÏਲ-ਸਪਿਤੀ ਦੇ ਕਬਾਇਲੀ ਜ਼ਿਲ੍ਹੇ ਦੇ ਕੋਕਸਰ ਵਿਚ ਹਲਕੀ ਬਰਫ਼ਬਾਰੀ ਹੋਈ, ਜਦੋਂਕਿ ਰਾਜ ਦੇ ਬਾਕੀ ਹਿੱਸੇ ਵਿਚ ਜ਼ਿਆਦਾਤਰ ਬੱਦਲਵਾਈ ਅਤੇ ਮੌਸਮ ਖੁਸ਼ਕ ਰਿਹਾ | ਮÏਸਮ ਵਿਭਾਗ ਸ਼ਿਮਲਾ ਅਨੁਸਾਰ, ਕੋਕਸਰ ਵਿਚ ਪਿਛਲੇ 24 ਘੰਟਿਆਂ ਦÏਰਾਨ ਲਗਭਗ 1.7 ਸੈਂਟੀਮੀਟਰ ਬਰਫ਼ਬਾਰੀ ਹੋਈ, ਜਦੋਂਕਿ ਗੋਂਡਲਾ ਵਿਚ ਲਗਭਗ 0.3 ਸੈਂਟੀਮੀਟਰ ਬਰਫ਼ਬਾਰੀ ਦਰਜ ਕੀਤੀ ਗਈ | ਹੋਰ ਥਾਵਾਂ 'ਤੇ, ਮੀਂਹ ਜਾਂ ਬਰਫ਼ਬਾਰੀ ਦੀ ਕੋਈ ਰਿਪੋਰਟ ਨਹੀਂ ਹੈ, ਪਰ ਤਾਪਮਾਨ ਵਿਚ ਤੇਜ਼ੀ ਨਾਲ ਗਿਰਾਵਟ ਆਈ ਹੈ, ਜਿਸ ਨਾਲ ਸਰਦੀ 'ਚ ਵਾਧਾ ਹੋਇਆ ਹੈ | ਇਕ ਤਾਜ਼ਾ ਰਿਪੋਰਟ ਦੇ ਅਨੁਸਾਰ, ਸੂਬੇ ਦੇ ਊਨਾ ਜ਼ਿਲ੍ਹੇ ਵਿਚ ਹਲਕੀ ਬੂੰਦਾਬਾਂਦੀ ਹੋਈ ਹੈ¢ ਰਾਜਧਾਨੀ ਸ਼ਿਮਲਾ ਵਿੱਚ ਘੱਟੋ-ਘੱਟ ਤਾਪਮਾਨ 4.0 ਡਿਗਰੀ ਸੈਲਸੀਅਸ ਸੀ, ਜੋ ਪਿਛਲੇ ਦਿਨ ਨਾਲੋਂ ਕਾਫ਼ੀ ਘੱਟ ਹੈ¢