ਸਾਨੂੰ ਹੁਣ ਕਰਜ਼ਾ ਮੰਗਣ 'ਚ ਆਉਂਦੀ ਹੈ ਸ਼ਰਮ-ਸ਼ਾਹਬਾਜ਼ ਸ਼ਰੀਫ਼ <br/>

ਅ

ਅਜੀਤ ਡੈਸਕ 01-02-2026

ਅੰਮਿ੍ਤਸਰ, 31 ਜਨਵਰੀ (ਸੁਰਿੰਦਰ ਕੋਛੜ)-ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਸ਼ਾਹਬਾਜ਼ ਸ਼ਰੀਫ ਨੇ ਦੇਸ਼ ਦੀ ਵਿਦੇਸ਼ੀ ਕਰਜ਼ੇ 'ਤੇ ਵੱਧਦੀ ਨਿਰਭਰਤਾ 'ਤੇ ਖੁੱਲ੍ਹ ਕੇ ਆਪਣੀ ਨਾਰਾਜ਼ਗੀ ਪ੍ਰਗਟ ਕੀਤੀ ਹੈ | ਉਨ੍ਹਾਂ ਪਾਕਿਸਤਾਨੀ ਵਪਾਰਕ ਆਗੂਆਂ ਨੂੰ ਸੰਬੋਧਨ ਕਰਦੇ ਹੋਏ ਮੰਨਿਆ ਕਿ ਦੇਸ਼ ਦੀ ਗੰਭੀਰ ਆਰਥਿਕ ਸਥਿਤੀ ਨੇ ਉਨ੍ਹਾਂ ਨੂੰ ਕਰਜ਼ਾ ਲੈਣ ਲਈ ਵਾਰ-ਵਾਰ ਵਿਦੇਸ਼ ਯਾਤਰਾ ਕਰਨ ਲਈ ਮਜਬੂਰ ਕੀਤਾ ਹੈ | ਉਨ੍ਹਾਂ ਕਿਹਾ ਕਿ ਮੈਂ ਤੁਹਾਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਜਦੋਂ ਮੈਂ ਤੇ ਫੀਲਡ ਮਾਰਸ਼ਲ ਜਨਰਲ ਆਸਿਮ ਮੁਨੀਰ ਦੁਨੀਆ ਭਰ 'ਚ ਪੈਸੇ ਮੰਗਣ ਜਾਂਦੇ ਹਾਂ ਤਾਂ ਸਾਨੂੰ ਸ਼ਰਮ ਆਉਂਦੀ ਹੈ | ਕਰਜ਼ਾ ਲੈਣਾ ਸਾਡੇ ਸਵੈ-ਮਾਣ 'ਤੇ ਬਹੁਤ ਵੱਡਾ ਬੋਝ ਹੈ | ਕਈ ਵਾਰ ਸਾਨੂੰ ਸਮਝੌਤਾ ਕਰਨਾ ਪੈਂਦਾ ਹੈ | ਕਈ ਵਾਰ ਅਸੀਂ ਉਨ੍ਹਾਂ ਦੀਆਂ ਸ਼ਰਤਾਂ ਨੂੰ 'ਨਾਂਹ' ਵੀ ਨਹੀਂ ਕਹਿ ਸਕਦੇ |