ਨਵੀਂ ਦਿੱਲੀ, 25 ਫਰਵਰੀ (ਉਪਮਾ ਡਾਗਾ ਪਾਰਥ)-ਸਾਬਕਾ ਕਾਨੂੰਨ ਮੰਤਰੀ ਅਸ਼ਵਨੀ ਕੁਮਾਰ ਨੇ ਐਨ. ਸੀ. ਈ. ਆਰ. ਟੀ. ਦੀ 8ਵੀਂ ਦੀ ਕਿਤਾਬ 'ਚ 'ਨਿਆਂਪਾਲਿਕਾ 'ਚ ਭਿ੍ਸ਼ਟਾਚਾਰ' ਦੀ ਤਿੱਖੀ ਨਿਖੇਧੀ ਕਰਦਿਆਂ ਕਿਹਾ ਕਿ ਇਹ ਚੈਪਟਰ ਕੋਮਲ ਭਾਵਾਂ ਵਾਲੇ ਬੱਚਿਆਂ ਦੇ ਮਨਾਂ 'ਚ ਲੋਕਤੰਤਰ ਦੇ ਅਹਿਮ ਥੰਮ੍ਹ ਨਿਆਂਪਾਲਿਕਾ ਲਈ ਅਨਾਦਰ ਦੀ ਭਾਵਨਾ ਲਿਆਏਗਾ | ਉਨ੍ਹਾਂ ਕਿਹਾ ਕਿ ਚੈਪਟਰ 'ਚ ਬਿਨਾਂ ਕਿਸੇ ਵਾਜਬ ਸਬੂਤ ਦੇ ਅਜਿਹੀਆਂ ਟਿੱਪਣੀਆਂ ਨਹੀਂ ਕਰਨੀਆਂ ਚਾਹੀਦੀਆਂ | ਅਸ਼ਵਨੀ ਕੁਮਾਰ ਨੇ ਇਸ ਮਾਮਲੇ 'ਚ ਚੀਫ ਜਸਟਿਸ ਸੂਰਿਆਕਾਂਤ ਵਲੋਂ ਸਵੈ ਨੋਟਿਸ ਲੈਣ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਇਸ ਨਾਲ ਨਿਆਂਪਾਲਿਕਾ ਨੂੰ ਬਦਨਾਮ ਕਰਨ ਦੀ ਕਵਾਇਦ ਨੂੰ ਠੱਲ੍ਹ ਪਵੇਗੀ |