ਪਵਨ ਖੇੜਾ ਨੂੰ ਸੁਪਰੀਮ ਕੋਰਟ ਤੋਂ ਝਟਕਾ

ਤੇਲੰਗਾਨਾ ਹਾਈ ਕੋਰਟ ਦੇ ਅਗਾਊਾ ਜ਼ਮਾਨਤ ਦੇ ਫ਼ੈਸਲੇ 'ਤੇ ਲਗਾਈ ਰੋਕ
ਨਵੀਂ ਦਿੱਲੀ, 15 ਅਪ੍ਰੈਲ (ਉਪਮਾ ਡਾਗਾ ਪਾਰਥ)-ਸੁਪਰੀਮ ਕੋਰਟ ਨੇ ਕਾਂਗਰਸ ਨੇਤਾ ਪਵਨ ਖੇੜਾ ਨੂੰ ਵੱਡਾ ਝਟਕਾ ਦਿੰਦਿਆਂ ਤੇਲੰਗਾਨਾ ਹਾਈ ਕੋਰਟ ਦੇ ਅੰਤਰਿਮ ਜ਼ਮਾਨਤ ਦੇਣ ਵਾਲੇ ਫੈਸਲੇ 'ਤੇ ਰੋਕ ਲਾ ਦਿੱਤੀ | ਅਦਾਲਤ ਨੇ ਅਸਾਮ ਸਰਕਾਰ ਦੀ ਪਟੀਸ਼ਨ 'ਤੇ ਉਨ੍ਹਾਂ ਨੂੰ ਨੋਟਿਸ ਜਾਰੀ ਕੀਤਾ | ਅਸਾਮ ਸਰਕਾਰ ਨੇ ਸੁਪਰੀਮ ਕੋਰਟ 'ਚ ਦਲੀਲ ਦਿੰਦਿਆਂ ਕਿਹਾ ਕਿ ਪਵਨ ਖੇੜਾ ਦੇ ਖ਼ਿਲਾਫ਼ ਲਾਏ ਗਏ ਦੋਸ਼ ਗੰਭੀਰ ਹਨ ਅਤੇ ਉਨ੍ਹਾਂ ਨੂੰ ਇਸ ਤਰ੍ਹਾਂ ਦੀ ਰਾਹਤ ਨਹੀਂ ਮਿਲਣੀ ਚਾਹੀਦੀ | ਜਸਟਿਸ ਜੇ. ਕੇ. ਮਹੇਸ਼ਵਰੀ ਅਤੇ ਅਤੁਲ ਐਸ ਚੰਦੁਰਕਰ ਦੇ ਬੈਂਚ ਵਲੋਂ ਮਾਮਲੇ ਦੀ ਸੁਣਵਾਈ ਕੀਤੀ ਗਈ ਜਿਸ 'ਚ ਅਸਾਮ ਸਰਕਾਰ ਵਲੋਂ ਪੇਸ਼ ਹੋਏੇ ਸਾਲਿਸਟਰ ਜਨਰਲ ਤੁਸ਼ਾਰ ਮਹਿਤਾ ਨੇ ਕਿਹਾ ਕਿ ਘਟਨਾ ਅਸਾਮ 'ਚ ਹੋਈ, ਐਫ. ਆਈ. ਆਰ. ਅਸਾਮ 'ਚ ਹੋਈ ਤਾਂ ਤੇਲੰਗਾਨਾ ਹਾਈ ਕੋਰਟ ਨੇ ਟ੍ਰਾਂਜ਼ਿਟ ਅਗਾਊਾ ਜ਼ਮਾਨਤ ਕਿਉਂ ਦਿੱਤੀ | ਤੁਸ਼ਾਰ ਮਹਿਤਾ ਲੇ ਕਿਹਾ ਕਿ ਆਧਾਰ ਕਾਰਡ ਮੁਤਾਬਿਕ ਪਵਨ ਖੇੜਾ ਦੀ ਪਤਨੀ ਵੀ ਦਿੱਲੀ 'ਚ ਰਹਿੰਦੀ ਹੈ | ਕਿਸੇ ਦੀ ਵੀ 10 ਰਾਜਾਂ 'ਚ ਸੰਪਤੀ ਹੋ ਸਕਦੀ |