ਕੋਲਕਾਤਾ, 23 ਅਪ੍ਰੈਲ (ਏਜੰਸੀ)-ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਵੀਰਵਾਰ ਨੂੰ ਜ਼ੋਰ ਦੇ ਕੇ ਕਿਹਾ ਕਿ ਵਿਧਾਨ ਸਭਾ ਚੋਣਾਂ ਦੇ ਪਹਿਲੇ ਪੜਾਅ 'ਚ ਹੁਣ ਤੱਕ ਪਈਆਂ ਵੋਟਾਂ ਤੋਂ ਪਤਾ ਚਲਦਾ ਹੈ ਕਿ ਟੀ.ਐਮ.ਸੀ. ਪਹਿਲਾਂ ਹੀ ਜਿੱਤਣ ਦੀ ਸਥਿਤੀ 'ਚ ਹੈ | ਮਮਤਾ ਬੈਨਰਜੀ ਜੋ ਤਿ੍ਣਮੂਲ ਕਾਂਗਰਸ ਦੀ ਮੁਖੀ ਵੀ ਹੈ, ਨੇ ਕੋਲਕਾਤਾ ਦੇ ਬੋ ਬਾਜ਼ਾਰ ਖੇਤਰ 'ਚ ਇਕ ਰੈਲੀ 'ਚ ਕਿਹਾ ਕਿ ਚੋਣ ਜਿੱਤਣ ਤੋਂ ਬਾਅਦ ਸਾਰੀਆਂ ਵਿਰੋਧੀ ਪਾਰਟੀਆਂ ਨੂੰ ਨਾਲ ਲੈ ਕੇ ਦਿੱਲੀ ਨੂੰ ਜਿੱਤਾਂਗੇ | ਸੂਬੇ 'ਚ ਵੋਟਿੰਗ ਦਾ ਅਗਲਾ ਦÏਰ 29 ਅਪ੍ਰੈਲ ਨੂੰ ਹੋਵੇਗਾ, ਜਦੋਂ ਕਿ ਗਿਣਤੀ 4 ਮਈ ਨੂੰ ਹੋਵੇਗੀ | ਮਮਤਾ ਨੇ ਅੱਗੇ ਕਿਹਾ ਕਿ ਲੋਕਾਂ ਦੇ ਮਨ ਨੂੰ ਸਮਝਣ ਦੇ ਆਧਾਰ 'ਤੇ ਅੱਜ ਹੁਣ ਤੱਕ ਹੋਈਆਂ ਵੋਟਾਂ ਨੂੰ ਦੇਖਦੇ ਹੋਏ ਅਸੀਂ ਪਹਿਲਾਂ ਹੀ ਜਿੱਤਣ ਦੀ ਸਥਿਤੀ 'ਚ ਹਾਂ | ਉਨ੍ਹਾਂ ਕਿਹਾ ਕਿ ਮੈਨੂੰ ਕਿਸੇ ਵੀ ਅਹੁਦੇ 'ਚ ਦਿਲਚਸਪੀ ਨਹੀਂ ਹੈ, ਮੈਨੂੰ ਕੁਰਸੀ ਨਹੀਂ ਚਾਹੀਦੀ | ਮੈਂ ਸਿਰਫ ਦਿੱਲੀ 'ਚ ਭਾਜਪਾ ਸਰਕਾਰ ਦਾ ਅੰਤ ਚਾਹੁੰਦੀ ਹਾਂ |
