ਨਵੀਂ ਦਿੱਲੀ, 20 ਮਈ (ਏਜੰਸੀ)-ਨੈਸ਼ਨਲ ਟੈਸਟਿੰਗ ਏਜੰਸੀ (ਐਨ. ਟੀ. ਏ.) ਨੇ ਬੁੱਧਵਾਰ ਨੂੰ ਯੂ. ਜੀ. ਸੀ.-ਨੈੱਟ ਜੂਨ 2026 ਪ੍ਰੀਖਿਆ ਲਈ ਆਨਲਾਈਨ ਅਰਜ਼ੀ ਫਾਰਮ ਜਮ੍ਹਾ ਕਰਨ ਦੀ ਆਖਰੀ ਤਰੀਕ 23 ਮਈ ਤੱਕ ਵਧਾ ਦਿੱਤੀ ਹੈ | ਐਕਸ 'ਤੇ ਇਕ ਪੋਸਟ 'ਚ ਏਜੰਸੀ ਨੇ ਕਿਹਾ ਕਿ ਅਰਜ਼ੀ ਫਾਰਮ ਜਮ੍ਹਾ ਕਰਨ ਦੀ ਆਖਰੀ ਤਰੀਕ 20 ਮਈ ਤੋਂ ਵਧਾ ਕੇ 23 ਮਈ ਸਵੇਰੇ 10 ਵਜੇ ਤੱਕ ਕਰ ਦਿੱਤੀ ਗਈ ਹੈ | ਪ੍ਰੀਖਿਆ ਫ਼ੀਸ ਦੀ ਅਦਾਇਗੀ ਲਈ ਆਖਰੀ ਤਰੀਕ 23 ਮਈ ਰਾਤ 11:50 ਵਜੇ ਤੱਕ ਵਧਾ ਦਿੱਤੀ ਗਈ ਹੈ | ਅਰਜ਼ੀ ਫਾਰਮ 'ਚ ਜਾਣਕਾਰੀ 'ਚ ਸੋਧ (ਐਡਿਟ) ਕਰਨ ਲਈ ਸੋਧ (ਕਰੈਕਸ਼ਨ) ਵਿੰਡੋ ਹੁਣ 25 ਮਈ ਰਾਤ 11:50 ਵਜੇ ਤੱਕ ਖੁੱਲ੍ਹੀ ਰਹੇਗੀ, ਜਦਕਿ ਪਹਿਲਾਂ ਇਹ 22 ਮਈ ਤੋਂ 24 ਮਈ ਤੱਕ ਸੀ |
