ਤਲਵਾੜਾ, 3 ਜਨਵਰੀ (ਮਹਿਤਾ)-ਮੈਸਜ ਆਈ.ਟੀ.ਸੀ. ਕਪੂਰਥਲਾ ਦੇ ਨੁਮਾਇੰਦਿਆਂ ਵਲੋਂ ਸਵ. ਰਮੇਸ਼ ਚੰਦਰ ਡੋਗਰਾ ਸਰਕਾਰੀ ਆਈ.ਟੀ.ਆਈ. ਤਲਵਾੜਾ ਦਾ ਦੌਰਾ ਕੀਤਾ ਗਿਆ | ਪਿ੍ੰਸੀਪਲ ਇੰਜ. ਪਰਮਿੰਦਰਪਾਲ ਸਿੰਘ ਐਮਾਂ ਮਾਂਗਟ ਦੀ ਅਗਵਾਈ ਹੇਠ ਕਰਵਾਏ ਗਏ ਇਕ ਸਮਾਗਮ ਦੌਰਾਨ ਕੰਪਨੀ ਦੇ ਐੱਚ.ਆਰ. ਧਰਮਪਾਲ ਸਿੰਘ ਉਚੇਚੇ ਤੌਰ 'ਤੇ ਪਹੁੰਚੇ ਜਿਸ ਵਿਚ ਸੰਸਥਾ ਦੇ 50 ਪਾਸ ਆਊਟ ਸਿੱਖਿਆਰਥੀਆਂ ਨੇ ਹਿੱਸਾ ਲਿਆ | ਕੰਪਨੀ ਦੇ ਐੱਚ.ਆਰ. ਧਰਮਪਾਲ ਸਿੰਘ ਨੇ ਸਿੱਖਿਆਰਥੀਆਂ ਤੋਂ ਲਿਖਤੀ ਟੈਸਟ ਲਿਆ ਅਤੇ ਉਨ੍ਹਾਂ ਦੱਸਿਆ ਕਿ ਫਾਈਨਲ ਇੰਟਰਵਿਊ ਕੰਪਨੀ ਵਿਖੇ ਲਈ ਜਾਵੇਗੀ | ਇਸ ਮੌਕੇ ਪਿ੍ੰਸੀਪਲ ਇੰਜ. ਪਰਮਿੰਦਰਪਾਲ ਸਿੰਘ, ਟ੍ਰੇਨਿੰਗ ਅਫ਼ਸਰ ਚੌਧਰੀ ਸੁਸ਼ੀਲ ਕੁਮਾਰ, ਟਰੇਨਿੰਗ ਅਫ਼ਸਰ ਨਿਰਮਲ ਸਿੰਘ ਬੱਧਣ, ਟਰੇਨਿੰਗ ਅਫ਼ਸਰ ਹਰਵਿੰਦਰ ਸਿੰਘ ਹੈਪੀ, ਪਲੇਸਮੈਂਟ ਅਫ਼ਸਰ ਸੰਦੀਪ ਪੁਰੀਕਾ, ਮਨੋਜ ਕਸ਼ਯਪ, ਪ੍ਰਧਾਨ ਲੋਕਲ ਯੂਨਿਟ ਮਨਜੀਤ ਸਿੰਘ ਸੈਣੀ, ਸਾਬਕਾ ਪ੍ਰਧਾਨ ਵਿਕਰਮਜੀਤ ਸਿੰਘ ਵਿਕੀ, ਰਾਮਪਾਲ ਸੰਧੂ, ਸਕੱਤਰ ਕਮਲਜੀਤ ਹੀਰ, ਨਿਰਮਲ ਗੇਰਾ, ਸਿਕੰਦਰ ਗਿੱਲ, ਨਿਖਿਲ ਮਹਿਤਾ ਆਦਿ ਤੋਂ ਇਲਾਵਾ ਸਮੂਹ ਸਟਾਫ਼ ਮੈਂਬਰਜ਼ ਅਤੇ ਸਿੱਖਿਆਰਥੀ ਹਾਜ਼ਰ ਸਨ |
