ਮਾਹਿਲਪੁਰ, 3 ਜਨਵਰੀ (ਰਜਿੰਦਰ ਸਿੰਘ)-ਚੋਰਾਂ ਵਲੋਂ ਦੁਕਾਨ ਦੇ ਸਾਹਮਣੇ ਤੋਂ ਮੋਟਰਸਾਈਕਲ ਚੋਰੀ ਕਰਨ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ | ਜਾਣਕਾਰੀ ਅਨੁਸਾਰ ਜਤਿੰਦਰ ਉਰਫ਼ ਜਸ਼ਨ ਪੁੱਤਰ ਸੁਰਿੰਦਰ ਪਾਲ ਵਾਸੀ ਮਾਹਿਲਪੁਰ ਨੇ ਦੱਸਿਆ ਕਿ ਉਸ ਦੀ ਥਾਣੇ ਨਜ਼ਦੀਕ ਬਰਗਰ ਦੀ ਦੁਕਾਨ ਹੈ ਤੇ ਉਹ ਕੁਝ ਸਾਮਾਨ ਲੈ ਕੇ ਆਪਣੇ ਮੋਟਰਸਾਈਕਲ ਪੀ. ਬੀ. 07. ਸੀ. ਐਚ. 2078 ਖੜ੍ਹਾ ਕਰਕੇ ਦੁਕਾਨ ਅੰਦਰ ਹੀ ਗਿਆ ਸੀ | ਚੋਰ ਕੁਝ ਹੀ ਮਿੰਟਾਂ 'ਚ ਮੋਟਰਸਾਈਕਲ ਲੈ ਕੇ ਫ਼ਰਾਰ ਹੋ ਗਿਆ | ਉਸ ਨੇ ਚੋਰ ਦਾ ਪਿੱਛਾ ਵੀ ਕੀਤਾ ਪਰ ਹੱਥ ਨਹੀਂ ਆਇਆ | ਐਸ.ਆਈ. ਦਿਲਬਾਗ ਸਿੰਘ ਨੇ ਕਿਹਾ ਕਿ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ |
