ਧਾਰਮਿਕ ਗੀਤ 'ਸਾਕਾ ਨਨਕਾਣਾ ਸਾਹਿਬ' ਲੋਕ ਅਰਪਣ

ਸ਼ਾਮਚੁਰਾਸੀ, 21 ਫਰਵਰੀ (ਗੁਰਮੀਤ ਸਿੰਘ ਖ਼ਾਨਪੁਰੀ)-ਪਿੰਡ ਧੁਦਿਆਲ ਵਿਖੇ ਸਮਾਗਮ ਦੌਰਾਨ ਪ੍ਰਸਿੱਧ ਗਾਇਕ ਜੋੜੀ ਹਰਪਾਲ ਠੱਠੇਵਾਲ ਅਤੇ ਬੀਬਾ ਕਵਲਜੀਤ ਕੰਵਲ ਦੀ ਆਵਾਜ਼ 'ਚ ਸ਼ਿੰਗਾਰਿਆ ਨਵਾਂ ਧਾਰਮਿਕ ਗੀਤ 'ਸਾਕਾ ਨਨਕਾਣਾ ਸਾਹਿਬ' ਜਾਰੀ ਕੀਤਾ ਗਿਆ | ਇਸ ਮੌਕੇ ਗੀਤ ਦੇ ਲੇਖਕ ਪੱਪੀ ਧੁਦਿਆਲ ਨੇ ਗੱਲਬਾਤ ਕਰਦਿਆਂ ਦੱਸਿਆ ਕਿ ਇਹ ਗੀਤ ਸਿੱਖ ਪੰਥ ਦੇ ਉਸ ਇਤਿਹਾਸ ਨੂੰ ਸਮਰਪਿਤ ਹੈ, ਜਦੋਂ 1921 ਵਿਚ ਨਨਕਾਣਾ ਸਾਹਿਬ ਨੂੰ ਮਹੰਤਾਂ ਦੇ ਕਬਜ਼ੇ 'ਚੋਂ ਆਜ਼ਾਦ ਕਰਵਾਉਣ ਲਈ ਸਿੱਖਾਂ ਨੇ ਆਪਣੀਆਂ ਜਾਨਾਂ ਨਿਛਾਵਰ ਕੀਤੀਆਂ ਸਨ | ਇਸ ਪ੍ਰਾਜੈਕਟ ਦੇ ਨਿਰਮਾਤਾ ਜੇ. ਐਸ. ਵਾਲੀਆ ਹਨ, ਜਿਨ੍ਹਾਂ ਨੇ ਉੱਚ ਪੱਧਰੀ ਤਕਨੀਕ ਨਾਲ ਇਸ ਨੂੰ ਤਿਆਰ ਕਰਵਾਇਆ ਹੈ |