ਬੁੱਲ੍ਹੋਵਾਲ, 10 ਮਾਰਚ (ਲੁਗਾਣਾ)-ਸਥਾਨਿਕ ਓਕਡੇਲ ਸੀਨੀਅਰ ਸੈਕੰਡਰੀ ਸਕੂਲ ਮਾਨਤਾ ਪ੍ਰਾਪਤ ਸੀ. ਬੀ. ਐੱਸ. ਈ. ਜਿਸਨੇ ਅੰਤਰਰਾਸ਼ਟਰੀ ਪੱਧਰ 'ਤੇ ਆਪਣੀ ਪਹਿਚਾਣ ਬਣਾ ਕੇ ਸਫਲਤਾ ਦੇ ਝੰਡੇ ਗੱਡੇ ਹਨ ਆਪਣਾ 19ਵਾਂ ਸਫਲ ਤੇ ਸ਼ਾਨਦਾਰ ਟਰਮ ਸਮਾਪਤ ਕਰਕੇ 2026-27 ਵਿਚ ਆਪਣਾ 20ਵਾਂ ਟਰਮ ਸ਼ੁਰੂ ਕਰਨ ਲਈ ਤਿਆਰ ਹੈ | ਇਸ ਸੰਬਧੀ ਸਕੂਲ ਦੀ ਸਾਲਾਨਾ ਰਿਪੋਰਟ ਪੇਸ਼ ਕਰਦੇ ਹੋਏ ਸਕੂਲ ਦੀ ਪਿ੍ੰਸੀ. ਸ਼੍ਰੀਮਤੀ ਯਾਸਮੀਨ ਸੈਣੀ ਨੇ ਕਿਹਾ ਕਿ ਸਕੂਲ ਵਿਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ ਲਈ ਇੱਕ ਆਧੁਨਿਕ ਅਤੇ ਸੁਰੱਖਿਅਤ ਵਾਤਾਵਰਣ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ | ਸ਼੍ਰੀਮਤੀ ਸੈਣੀ ਨੇ ਦੱਸਿਆ ਕਿ ਪਿਛਲੇ ਸੈਸ਼ਨਾਂ ਵਾਂਗ 2024-25 ਦੇ ਬੋਰਡ ਪ੍ਰੀਖਿਆ 10ਵੀ ਅਤੇ 12ਵੀਂ ਦੇ ਨਤੀਜੇ 100% ਰਹੇ ਹਨ | ਸਕੂਲ ਨੇ ਅੰਤਰਰਾਸ਼ਟਰੀ ਪੱਧਰ ਤੇ ਵੀ ਖੇਡਾਂ ਵਿੱਚ ਉਪਲੱਬਧੀਆਂ ਪ੍ਰਾਪਤ ਕਰਕੇ ਦੇਸ਼ ਦਾ ਵੀ ਨਾਮ ਰੌਸ਼ਨ ਕੀਤਾ ਹੈ | ਉਨ੍ਹਾ ਕਿਹਾ ਕਿ 2026-27 ਸਕੂਲ ਸੈਸ਼ਨ ਲਈ ਦਾਖ਼ਲੇ ਸ਼ੁਰੂ ਹੋ ਚੁੱਕੇ ਹਨ, ਜਿਸ ਵਿਚ 50% ਫੀਸ ਦੀ ਛੋਟ ਹੈ | ਸਕੂਲ ਵਿੱਚ 11ਵੀਂ ਅਤੇ 12ਵੀਂ ਜਮਾਤਾਂ ਲਈ ਮੈਡੀਕਲ, ਕਾਮਰਸ ਅਤੇ ਨੋਨ-ਮੈਡੀਕਲ ਸਟਰੀਮ ਵੀ ਉਪਲਭਦ ਹਨ | ਨਵਾਂ ਸਕੂਲ ਸੈਸ਼ਨ 1 ਅਪ੍ਰੈਲ ਤੋਂ ਸ਼ੁਰੂ ਹੋਵੇਗਾ, ਜਿਸ ਵਿਚ ਸਕੂਲ ਦਾ ਟੀਚਾ ਵਿਦਿਆਰਥੀਆਂ ਵਿਚ ਟੀਮ ਵਰਕ, ਲੀਡਰਸ਼ਿਪ ਅਤੇ ਸਕਾਰਾਤਮਕ ਸੋਚ ਵਿਕਸਤ ਕਰਨਾ ਹੈ |
