ਰਾਈਸ ਮਿੱਲਰ ਐਸੋਸੀਏਸ਼ਨ ਹੁਸ਼ਿਆਰਪੁਰ ਦੇ ਪ੍ਰਧਾਨ ਬਣੇ ਸੰਜੀਵ ਨਈਅਰ

ਅ

ਅਜੀਤ ਡੈਸਕ 11-09-2026

ਟਾਂਡਾ ਉੜਮੁੜ, 10 ਸਤੰਬਰ (ਭਗਵਾਨ ਸਿੰਘ ਸੈਣੀ)-ਰਾਈਸ ਮਿੱਲਰ ਐਸੋਸੀਏਸ਼ਨ ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਰਾਈਸ ਮਿੱਲਰਾਂ ਦੀ ਵਿਸ਼ੇਸ਼ ਮੀਟਿੰਗ ਵਿਨਟੇਜ ਵਿਲਾ ਟਾਂਡਾ ਵਿਖੇ ਪਰਮਜੀਤ ਸਿੰਘ ਮੋਤੀਆਂ ਦੀ ਅਗਵਾਈ ਵਿਚ ਹੋਈ, ਜਿਸ ਵਿਚ ਆਲ ਇੰਡੀਆ ਪ੍ਰਧਾਨ ਤਰਸੇਮ ਸੈਣੀ, ਪੰਜਾਬ ਪ੍ਰਧਾਨ ਗੁਰਦੀਪ ਸਿੰਘ ਚੀਮਾ ਤੇ ਜ਼ਿਲ੍ਹਾ ਪ੍ਰਧਾਨ ਅਜੀਤ ਨਾਰੰਗ ਵਿਸ਼ੇਸ਼ ਤੌਰ ’ਤੇ ਸ਼ਾਮਿਲ ਹੋਏ। ਇਸ ਦੌਰਾਨ ਸ਼ੈਲਰ ਉਦਯੋਗ ਨੂੰ ਦਰਪੇਸ਼ ਮੁਸ਼ਕਿਲਾਂ, ਆਉਣ ਵਾਲੇ ਸੀਜ਼ਨ ਦੀਆਂ ਤਿਆਰੀਆਂ ਤੇ ਰਾਈਸ ਮਿੱਲਰਜ਼ ਦੀਆਂ ਅਹਿਮ ਮੰਗਾਂ ਸੰਬੰਧੀ ਵਿਸਥਾਰ ਨਾਲ ਵਿਚਾਰ-ਵਟਾਂਦਰਾ ਕੀਤਾ ਅਤੇ ਨਾਲ ਨਾਲ ਬਹੁ ਸੰਮਤੀ ਦੇ ਨਾਲ ਸੰਜੀਵ ਨਈਅਰ ਨੂੰ ਨਵਾਂ ਜ਼ਿਲ੍ਹਾ ਪ੍ਰਧਾਨ ਚੁਣਿਆ ਗਿਆ ਜਦਕਿ ਬਰਜਿੰਦਰ ਅਗਰਵਾਲ ਨੂੰ ਵਾਈਸ ਪ੍ਰਧਾਨ ਤੇ ਮਨਿੰਦਰਜੀਤ ਸਿੰਘ ਮਣੀ ਨੂੰ ਜਨਰਲ ਸਕੱਤਰ ਚੁਣਿਆ ਗਿਆ। ਇਸ ਮੌਕੇ ਮੌਜੂਦਾ ਪ੍ਰਧਾਨ ਅਜੀਤ ਨਾਰੰਗ ਵਲੋਂ ਖ਼ੁਦ ਅਹੁਦਾ ਛੱਡਣ ਦੀ ਇੱਛਾ ਦੇ ਚੱਲਦਿਆਂ ਇਹ ਚੋਣ ਕੀਤੀ ਗਈ। ਚੁਣੀ ਗਈ ਜ਼ਿਲ੍ਹਾ ਟੀਮ ਨੇ ਕੌਮੀ ਤੇ ਪੰਜਾਬ ਪ੍ਰਧਾਨ ਨੂੰ ਭਰੋਸਾ ਦਿਵਾਇਆ ਕਿ ਉਹ ਸਮੂਹ ਮਿੱਲਰਾਂ ਨੂੰ ਨਾਲ ਲੈ ਕੇ ਜਥੇਬੰਦੀ ਦੀ ਮਜ਼ਬੂਤੀ ਅਤੇ ਮਿੱਲਰਾਂ ਦੀ ਬਿਹਤਰੀ ਅਤੇ ਮੁਸ਼ਕਲਾਂ ਦੇ ਹੱਲ ਲਈ ਸੰਜੀਦਾ ਉੱਦਮ ਕਰਨਗੇ। ਇਸ ਮੌਕੇ ਪ੍ਰਧਾਨ ਮਾਨਸਾ ਸ਼ਾਮ ਲਾਲ, ਪਰਮਜੀਤ ਸਿੰਘ ਮੋਤੀਆ, ਸੁਭਾਸ਼ ਸੋਧੀ, ਰਜੀਵ ਮਰਵਾਹਾ, ਪ੍ਰਦੁਮਣ ਮਰਵਾਹਾ, ਹਨੀ ਬਾਂਸਲ, ਗੁਰਵਿੰਦਰ ਸਿੰਘ, ਕੁਲਵੰਤ ਸਿੰਘ,ਰਣਦੀਪ ਨਈਅਰ, ਇਸ਼ਾਤ ਨਈਅਰ, ਜਗਦੀਪ ਸਿੰਘ, ਲੱਕੀ ਜੈਨ, ਸਤਪਾਲ ਗੁਪਤਾ, ਵਿਸ਼ਾਲ ਗੁਪਤਾ, ਅਸ਼ੀਸ਼ ਗੁਪਤਾ, ਵਿਵੇਕ ਗੁਪਤਾ, ਸੁਬੋਧ ਗਰਗ, ਕਮਲ ਗਰਗ, ਠਾਕੁਰ ਕੁਲਵੰਤ ਸਿੰਘ, ਵਿਨੇ ਠਾਕੁਰ, ਕੁਲਵੰਤ ਸਿੰਘ, ਵੈਭਵ ਜੈਨ, ਮਨਦੀਪ ਠਾਕੁਰ, ਰਿੰਕੂ ਅਗਰਵਾਲ, ਸੰਜੇ ਰੰਜਨ, ਅਸ਼ੋਕ ਨੰਦਾ, ਵਿਜੇ ਕੁਮਾਰ, ਸੁਰਿੰਦਰ ਕੁਮਾਰ, ਜਸਵਿੰਦਰ ਸਿੰਘ ਘੁੰਮਣ, ਸੁਸ਼ੀਲ ਗੁਪਤਾ, ਕਰਨ ਅਰੋੜਾ, ਰਾਗਵ ਵਧਵਾ, ਬਿੱਟੂ ਵਧਵਾ, ਸਤੀਸ਼ ਸ਼ਰਮਾ, ਸੁਖਦੇਵ ਗੋਇਲ ਮੁਕੇਰੀਆਂ, ਬਾਜਵਾ ਗੜ੍ਹਸ਼ੰਕਰ, ਅਰਪਣ, ਰਾਜਨ ਆਦਿ ਹਾਜ਼ਰ ਸਨ।

ਪਿਛਲੀ ਖ਼ਬਰ ਗੁੰਡਾਗਰਦੀ ਤੇ ਪੁਲਿਸ ਦੀ ਬੇਇਨਸਾਫ਼ੀ ਖ਼ਿਲਾਫ਼ ਨਿਮਿਸ਼ਾ ਮਹਿਤਾ ਨੇ ਦਿੱਤਾ ਧਰਨਾ ਅਗਲੀ ਖ਼ਬਰ ਤਾਨੀਆ ਚੌਧਰੀ ਨੇ ਹੈਮਰ ਥ੍ਰੋਅ ਦਾ ਰਾਸ਼ਟਰੀ ਰਿਕਾਰਡ ਤੋੜਿਆ

ਰਾਈਸ ਮਿੱਲਰ ਐਸੋਸੀਏਸ਼ਨ ਹੁਸ਼ਿਆਰਪੁਰ ਦੇ ਪ੍ਰਧਾਨ ਬਣੇ ਸੰਜੀਵ ਨਈਅਰ

ਸੰਬੰਧਿਤ ਖ਼ਬਰਾਂ