ਚੌਂਕੀਮਾਨ, 27 ਮਾਰਚ (ਤੇਜਿੰਦਰ ਸਿੰਘ ਚੱਢਾ)-ਜੀ.ਐੱਚ.ਜੀ. ਇੰਸਟੀਚਿਊਟ ਆਫ਼ ਲਾਅ, ਸਿੱਧਵਾਂ ਖੁਰਦ (ਲੁਧਿਆਣਾ) ਦੇ ਆਈਕਿਊਏਸੀ ਨੇ ਪ੍ਰੋਫੈਸਰ (ਡਾ.) ਸ਼ਵੇਤਾ ਢੰਡ ਪਿ੍ੰਸੀਪਲ (ਕਾਰਜ਼ਕਾਰੀ) ਦੀ ਯੋਗ ਅਗਵਾਈ ਹੇਠ ਇੱਕ ਇੰਟਰਾ-ਮੀਡੀਏਸ਼ਨ ਮੁਕਾਬਲਾ ਸਫ਼ਲਤਾਪੂਰਵਕ ਆਯੋਜਿਤ ਕੀਤਾ | ਮੁਕਾਬਲੇ ਦਾ ਮੁੱਖ ਉਦੇਸ਼ ਭਾਗੀਦਾਰਾਂ ਨੂੰ ਇੱਕ ਪ੍ਰਭਾਵਸ਼ਾਲੀ ਵਿਕਲਪਿਕ ਵਿਵਾਦ ਨਿਪਟਾਰਾ (ਏ.ਡੀ.ਆਰ.) ਵਿਧੀ ਵਜੋਂ ਮੀਡੀਏ ਦੀ ਧਾਰਨਾ, ਮਹੱਤਤਾ ਅਤੇ ਪ੍ਰਕਿਰਿਆ ਤੋਂ ਜਾਣੂ ਕਰਵਾਉਣਾ ਸੀ | ਇਸ ਨੂੰ ਸੁਚਾਰੂ ਬਣਾਉਣ ਲਈ, 16 ਮਾਰਚ, 2026 ਨੂੰ ਇੱਕ ਓਰੀਐਂਟੇਸ਼ਨ ਪ੍ਰੋਗਰਾਮ ਕਰਵਾਇਆ ਗਿਆ ਜਿਸਦਾ ਉਦੇਸ਼ ਮੀਡੀਏਸ਼ਨ ਪ੍ਰਕਿਰਿਆ ਵਿੱਚ ਸ਼ਾਮਲ ਨਿਯਮਾਂ, ਫਾਰਮੈਟ ਅਤੇ ਵੱਖ-ਵੱਖ ਪੜਾਵਾਂ ਬਾਰੇ ਜਾਣਕਾਰੀ ਦੇਣਾ ਅਤੇ ਵਿਦਿਆਰਥੀਆਂ ਦੇ ਸੰਚਾਰ, ਗੱਲਬਾਤ, ਸਮੱਸਿਆ-ਹੱਲ ਅਤੇ ਆਲੋਚਨਾਤਮਕ ਸੋਚ ਦੇ ਹੁਨਰਾਂ ਨੂੰ ਵਧਾਉਣਾ ਸੀ | ਇਸ ਮੁਕਾਬਲੇ ਦੇ ਜੇਤੂ: ਸਰਵੋਤਮ ਮੇਡੀਏਟਰ: ਗੰਧਰਵ (ਐੱਮ-2), ਸਰਵੋਤਮ ਕਲਾਇੰਟ 1- ਪ੍ਰਕਿ੍ਤੀ (ਸੀ 5), ਸਰਵੋਤਮ ਕਲਾਇੰਟ 2- ਸੁਖਸਿਮਰਨ (ਸੀ 8), ਸਰਵੋਤਮ ਟੀਮ: ਗੰਧਰਵ, ਕੀਰਤੀ ਜੋਸ਼ੀ, ਸੁਖਸਿਮਰਨ ਕੌਰ (ਟੀਮ-2) ਸਨ | ਮੁਕਾਬਲੇ ਦੇ ਪ੍ਰਬੰਧਕ ਡਾ. ਜਸਬੀਰ ਕੌਰ-ਸਹਾਇਕ ਪ੍ਰੋਫੈਸਰ ਅਤੇ ਸ਼੍ਰੀਮਤੀ ਮਹਿਕ ਗੁਪਤਾ ਸਹਾਇਕ ਪ੍ਰੋਫੈਸਰ ਸਨ ਅਤੇ ਵਿਦਿਆਰਥੀ ਕੋਆਰਡੀਨੇਟਰ ਪ੍ਰਣਿਕਾ ਬੀ.ਏ. ਐੱਲ.ਐੱਲ.ਬੀ. (ਆਨਰਜ਼), 6ਵਾਂ ਸਮੈਸਟਰ ਅਤੇ ਵਿਸ਼ਨੂੰ-ਬੀ.ਏ. ਐੱਲ.ਐੱਲ.ਬੀ. (ਆਨਰਜ਼), 6ਵਾਂ ਸਮੈਸਟਰ ਸਨ | ਮੁਕਾਬਲੇ ਵਿਚ ਡਾ. ਨੀਲਮ ਰਾਣੀ (ਐਸੋਸੀਏਟ ਪ੍ਰੋਫੈਸਰ ਇਨ ਲਾਅਜ਼), ਡਾ. ਹਰਵਿੰਦਰ ਕੌਰ (ਐਸੋਸੀਏਟ ਪ੍ਰੋਫੈਸਰ ਇਨ ਲਾਅਜ਼) ਅਤੇ ਡਾ. ਜਸਪਾਲ ਕੌਰ (ਸਹਾਇਕ ਪ੍ਰੋਫੈਸਰ ਇਨ ਲਾਅਜ਼) ਨੇ ਜੱਜ ਦੀ ਭੂਮਿਕਾ ਨਿਭਾਈ | ਪ੍ਰੋ. (ਡਾ.) ਸ਼ਵੇਤਾ ਢੰਡ, ਪਿ੍ੰਸੀਪਲ (ਕਾਰਜ਼ਕਾਰੀ) ਨੇ ਜੇਤੂਆਂ ਨੂੰ ਵਧਾਈ ਦਿੱਤੀ ਅਤੇ ਪ੍ਰੋਗਰਾਮ ਦੇ ਸਫ਼ਲ ਆਯੋਜਨ ਲਈ ਸਾਰੇ ਭਾਗੀਦਾਰਾਂ ਅਤੇ ਪ੍ਰਬੰਧਕਾਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ |
