ਚੌਂਕੀਮਾਨ, 1 ਜੂਨ (ਤੇਜਿੰਦਰ ਸਿੰਘ ਚੱਢਾ)-ਲੁਧਿਆਣਾ-ਜਗਰਾਉਂ ਮੁੱਖ ਮਾਰਗ 'ਤੇ ਅਲੀਗੜ੍ਹ ਵਿਖੇ ਬਣੇ ਪੁਲ ਤੋਂ ਇਕ ਕਾਰ ਹੇਠਾਂ ਡਿੱਗ ਪਈ ਜਿਸ ਨਾਲ ਤਿੰਨ ਕਾਰ ਸਵਾਰ ਫੱਟੜ ਹੋ ਗਏ | ਮੌਕੇ 'ਤੇ ਇਕੱਤਰ ਕੀਤੀ ਜਾਣਕਾਰੀ ਅਨੁਸਰ ਇਕ ਸਫ਼ਿਵਟ ਕਾਰ ਮੋਗਾ ਸਾਈਡ ਤੋਂ ਲੁਧਿਆਣਾ ਨੂੰ ਜਾ ਰਹੀ ਸੀ ਜਿਵੇਂ ਹੀ ਉਹ ਅਲੀਗੜ੍ਹ ਪੁਲ 'ਤੇ ਚੜ੍ਹੀ ਤਾਂ ਕਾਰ ਦਾ ਸੰਤੁਲਨ ਵਿਗੜ ਗਿਆ ਤੇ ਕਾਰ ਪੁਲ ਤੋਂ ਹੇਠਾਂ ਡਿੱਗ ਪਈ ਤੇ ਤਿੰਨੇਂ ਕਾਰ ਸਵਾਰ ਫੱਟੜ ਹੋ ਗਏ | ਜਿਸ ਵਿਚ ਕਾਰ ਡਰਾਈਵਰ, ਇਕ ਔਰਤ ਤੇ ਇਕ ਬੱਚਾ ਸੀ, ਜਿਨ੍ਹਾਂ ਨੂੰ ਨੇੜਲੇ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ |
