ਮਾਣੂੰਕੇ ’ਚ ਹੋਈ ਗੋਲੀਬਾਰੀ ਨਾਲ ਸੰਬੰਧਿਤ ਹਠੂਰ ਪੁਲਿਸ ਨੇ 2 ਮੁਲਜ਼ਮ ਹੋਰ ਕੀਤੇ ਗ੍ਰਿਫਤਾਰ

ਹਠੂਰ, 24 ਜੂਨ (ਜਸਵਿੰਦਰ ਸਿੰਘ ਛਿੰਦਾ)-ਪੁਲਿਸ ਥਾਣਾ ਹਠੂਰ ਵਲੋਂ ਬੀਤੇ ਦਿਨੀਂ ਪਿੰਡ ਮਾਣੂੰਕੇ ਵਿਖੇ ਹੋਈ ਗੋਲਾਬਾਰੀ ਨਾਲ ਸਬੰਧਤ ਭਾਵੇਂ ਦੋ ਮੁਲਜ਼ਮ ਪਹਿਲਾਂ ਹੀ ਵਾਰਦਾਤ ਵਾਲੇ ਦਿਨ ਗ੍ਰਿਫਤਾਰ ਕਰ ਲਏ ਸਨ। ਪਰ ਹੁਣ ਪੁਲਿਸ ਨੇ ਦੋ ਹੋਰ ਮੁਲਜ਼ਮ ਗ੍ਰਿਫਤਾਰ ਕੀਤੇ ਹਨ। ਇਸ ਸਬੰਧੀ ਪ੍ਰੈੱਸ ਨੂੰ ਜਾਣਕਾਰੀ ਦਿੰਦਿਆਂ ਥਾਣਾ ਮੁਖੀ ਗੁਰਸੇਵਕ ਸਿੰਘ ਐੱਸ.ਆਈ. ਨੇ ਦੱਸਿਆ ਕਿ ਉਕਤ ਵਾਰਦਾਤ ’ਚ ਸ਼ਾਮਿਲ ਗੁਰਮਨਜੋਤ ਸਿੰਘ ਵਾਸੀ ਪਿੰਡ ਚਕਰ ਅਤੇ ਕੁਲਦੀਪ ਸਿੰਘ ਵਾਸੀ ਲਹਿਰਾ ਨੂੰ 22 ਜੂਨ ਨੂੰ ਗ੍ਰਿਫਤਾਰ ਕਰ ਲਿਆ ਹੈ ਅਤੇ ਪਹਿਲਾਂ ਤੋਂ ਹੀ ਦਰਜ਼ ਮੁਕੱਦਮਾ ਨੰਬਰ 97 ਮਿਤੀ 11-06-26 ਅ/ਧ 125, 3(5) ਬੀ.ਐੱਨ.ਐਸ. 25 ਆਰਮਸ ਐਕਟ ਥਾਣਾ ਹਠੂਰ ਤਹਿਤ ਉਨ੍ਹਾਂ ਤੋਂ 2 ਪਿਸਟਲ, 4 ਮੈਗਜ਼ੀਨ, 10 ਕਾਰਤੂਸ ਵੀ ਬਰਾਮਦ ਕੀਤੇ ਗਏ ਹਨ। ਇਸ ਮੌਕੇ ਉਨ੍ਹਾਂ ਨਾਲ ਏ.ਐੱਸ.ਆਈ. ਮਨੋਹਰ ਲਾਲ ਵੀ ਮੌਜੂਦ ਸਨ।