ਹੰਬੜਾਂ, 10 ਜੁਲਾਈ (ਹਰਵਿੰਦਰ ਸਿੰਘ ਮੱਕੜ)- ਸਮਾਜ ਭਲਾਈ ਸੰਸਥਾ ਹੰਬੜਾਂ ਵਲੋਂ ਲੋੜਵੰਦ ਗਰੀਬ ਪਰਿਵਾਰ ਦੀ ਗੰਭੀਰ ਬਿਮਾਰੀ ਤੋਂ ਪੀੜਤ ਲੜਕੀ ਖੁਸ਼ਪ੍ਰੀਤ ਕੌਰ ਪੁੱਤਰੀ ਸਵਰਨ ਸਿੰਘ ਹੰਬੜਾਂ ਨੂੰ ਇਲਾਜ ਕਰਵਾਉਣ ਲਈ ਮਾਲੀ ਸਹਾਇਤਾ ਦਿੱਤੀ ਗਈ। ਇਸ ਮੌਕੇ ਸੰਸਥਾ ਦੇ ਪ੍ਰਧਾਨ ਸ਼ਰਨਜੀਤ ਸਿੰਘ ਸਾਹਨੀ ਤੇ ਸਰਪੰਚ ਚਰਨ ਸਿੰਘ ਗੁਰੂ ਨੇ ਕਿਹਾ ਕਿ ਸੰਸਥਾ ਵਲੋਂ ਰਲ-ਮਿਲਕੇ ਆਪਣਾ ਦਸਵੰਧ ਕੱਢਦਿਆ ਹੋਇਆਂ ਹਮੇਸ਼ਾਂ ਲੋੜਵੰਦ ਤੇ ਮਜ਼ਬੂਰ ਪਰਿਵਾਰਾਂ ਦੀ ਮੱਦਦ ਕੀਤੀ ਜਾਂਦੀ ਰਹੀ ਹੈ ਤੇ ਹੋਰ ਵੀ ਸਮਾਜ ਸੇਵੀ ਲੋਕ ਇਸ ਸੰਸਥਾ ਨਾਲ ਜੁੜ ਕੇ ਲੋੋਕ ਭਲਾਈ ਦੇ ਕੰਮਾਂ ਵਿਚ ਆਪਣਾ-ਆਪਣਾ ਬਣਦਾ ਯੋਗਦਾਨ ਪਾ ਸਕਦੇ ਹਨ। ਇਸ ਮੌਕੇ ਮਹਿੰਦਰ ਸਿੰਘ ਚੀਮਾ, ਦਵਿੰਦਰ ਸ਼ਰਮਾ, ਪ੍ਰਮੋਦ ਚੰਦਰ ਰਾਜੂ, ਜਸਵੀਰ ਸਿੰਘ ਰਾਣਾ, ਬੱਗਾ ਰਤਨ ਬੀਜ ਸਟੋਰ, ਭੂਪਿੰਦਰ ਸਿੰਘ ਲੱਕੀ ਤੇ ਸੰਸਥਾ ਦੇ ਹੋਰ ਮੈਂਬਰ ਹਾਜ਼ਰ ਸਨ।
