ਵਿਧਾਨ ਸਭਾ ਸੈਸ਼ਨ ਸਮੇਂ ਸੰਧਵਾਂ ਵੱਲੋਂ ਸੰਗਤ ਦੀ ਤੁਲਨਾ ਸਿਆਸੀ ਹਿੱਤਾਂ ਲਈ ਕੀਤੇ ਜਾਣਾ ਮੰਦਭਾਗਾ-ਜਥੇ: ਪੁੜੈਣ

ਹੰਬੜਾਂ, 7 ਅਗਸਤ (ਮੇਜਰ ਹੰਬੜਾਂ)-ਪੰਜਾਬ ਵਿਧਾਨ ਸਭਾ ਦੇ ਚੱਲ ਰਹੇ ਸ਼ੈਸ਼ਨ ਸਮੇਂ ਪ੍ਰਤਾਪ ਸਿੰਘ ਬਾਜਵਾ ਵੱਲੋਂ ਕੀਤੇ ਸਵਾਲ ਜਥੇਦਾਰ ਸਾਹਿਬ ਦੇ ਹੁਕਮ ਕਿ ਗੁਰੂ ਦੋਖੀ ਤੇ ਪੰਥ ਵਿਰੋਧੀ ਮੁੱਖ ਮੰਤਰੀ ਦੇ ਮੱਥੇ ਨਾ ਲੱਗਣ ’ਤੇ ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ ਨੂੰ ਉਨ੍ਹਾਂ ਦੇ ਸਟੈਂਡ ਬਾਰੇ ਪੁੱਛੇ ਜਾਣ ’ਤੇ ਸੰਧਵਾਂ ਵੱਲੋਂ ਮੋੜਵੇ ਜੁਆਬ ’ਚ ਕਹੇ ਜਾਣਾ ਕਿ ਅਕਾਲ ਤਖ਼ਤ ਸਾਹਿਬ ਮਹਾਨ ਹੈ ,ਪਰ ਗੁਰੂ ਤੋਂ ਵੱਡਾ ਸਥਾਨ ਸੰਗਤ ਦਾ ਹੈ ਤੇ ਸੰਗਤ ਦੇ ਫ਼ੈਸਲੇ ਅਨੁਸਾਰ ਅਸੀਂ ਚੱਲ ਰਹੇ ਦੀ ਦਿੱਤੀ ਉਦਾਹਰਨ ਗੈਰ ਜ਼ਿੰਮੇਵਾਰਨਾ ਤੇ ਸਿਆਸੀ ਹਿੱਤਾਂ ਤੋਂ ਪ੍ਰੇਰਿਤ ਮੰਦਭਾਗੀ ਹੈ। ਇਹ ਪ੍ਰਗਟਾਵਾ ਜਥੇਦਾਰ ਜਸਵੰਤ ਸਿੰਘ ਪੁੜੈਣ ਮੈਂਬਰ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਸਿਆਸੀ ਇਕੱਠਾਂ ਵਿੱਚ ਜੁੜਨ ਵਾਲੇ ਲੋਕਾਂ ਨੂੰ ਸੰਗਤ ਕਹੇ ਜਾਣ ਨੂੰ ਮੰਦਭਾਗਾ ਦੱਸਦਿਆ ਕੀਤਾ।