ਬੰਗਾ, 4 ਫਰਵਰੀ (ਸੁਰਿੰਦਰ ਸਿੰਘ ਕਰਮ ਲਧਾਣਾ)-ਉੱਘੇ ਸਮਾਜ ਸੇਵੀ ਸਤਨਾਮ ਸਿੰਘ ਝਿੱਕਾ ਪ੍ਰਧਾਨ ਝਿੱਕਾ ਵੈਲਫੇਅਰ ਸੁਸਾਇਟੀ ਲਧਾਣਾ ਝਿੱਕਾ ਨੇ ਇੱਥੇ ਕਿਹਾ ਕਿ ਬੰਗਾ ਸ਼ਹਿਰ ਨਿਵਾਸੀਆਂ ਵਲੋਂ ਬੰਗਾ ਤੋਂ ਸੈਲਾ ਖੁਰਦ ਨੂੰ ਜਾਣ ਵਾਲੀ ਸੜਕ 'ਤੇ ਪੈਂਦੀ ਬਿਸਤ ਦੁਆਬ ਨਹਿਰ ਦੀ ਬ੍ਰਾਂਚ ਨਹਿਰ ਦੇ ਪੁਲ ਦੇ ਨੇੜੇ ਜੋ ਕੂੜੇ ਦਾ ਡੰਪ ਬਣਾਇਆ ਗਿਆ ਹੈ ਵਿਚ ਕੂੜਾ ਸੁੱਟਣ ਦੀ ਬਜਾਏ ਸ਼ਹਿਰ ਅਤੇ ਆਲੇ-ਦੁਆਲੇ ਦੇ ਪਿੰਡਾਂ ਦੇ ਲੋਕ ਘਰ ਦਾ ਕੂੜਾ ਲਿਆ ਕੇ ਵੱਡੀ ਨਹਿਰ 'ਤੇ ਬਣੇ ਪੁਲ ਦੇ ਨਜਦੀਕ ਲਿਆ ਕੇ ਛੁੱਟਿਆ ਜਾਣ ਲੱਗਾ ਹੈ | ਜਿਸ ਕਾਰਨ ਇਸ ਰੋਡ 'ਤੇ ਕਾਫੀ ਵੱਡੇ ਢੇਰ ਲੱਗੇ ਹੋਏ ਹਨ | ਇਸ ਨਾਲ ਉੱਥੇ ਬਹੁਤ ਬਦਬੂ ਆਉਣ ਲੱਗ ਪਈ ਹੈ, ਜਿਸ ਨਾਲ ਉਥੋਂ ਲੰਘਣਾ ਬਹੁਤ ਮੁਸ਼ਕਿਲ ਹੋ ਗਿਆ ਹੈ | ਉਨ੍ਹਾਂ ਐਸ.ਡੀ.ਐਮ ਬੰਗਾ ਅਤੇ ਨਗਰ ਕੌਂਸਲ ਅਧਿਕਾਰੀਆਂ ਨੂੰ ਅਪੀਲ ਕੀਤੀ ਹੈ ਕਿ ਇਸ ਗੰਦ ਨੂੰ ਜਲਦੀ ਤੋਂ ਜਲਦੀ ਚੁਕਾਇਆ ਜਾਵੇ ਤਾਂ ਜੋ ਉਥੋਂ ਲੰਘਣ ਵਾਲੇ ਰਾਹਗੀਰਾਂ ਨੂੰ ਇਸ ਤੋਂ ਛੁਟਕਾਰਾ ਮਿਲ ਸਕੇ |