ਮੁਕੰਦਪੁਰ, 24 ਫਰਵਰੀ (ਅਮਰੀਕ ਸਿੰਘ ਢੀਂਡਸਾ)-ਸਹਿਕਾਰੀ ਬਹੁ ਮੰਤਵੀ ਸੇਵਾ ਸਭਾ ਦਾ ਆਮ ਇਜਲਾਸ 27 ਫਰਵਰੀ ਦਿਨ ਵੀਰਵਾਰ ਨੂੰ ਸਭਾ ਦੇ ਦਫ਼ਤਰ ਵਿਖੇ ਸਵੇਰੇ 11 ਵਜੇ ਹੋਵੇਗਾ | ਸਭਾ ਦੇ ਪ੍ਰਧਾਨ ਕੁਲਵਿੰਦਰ ਸਿੰਘ ਰਾਏ ਨੇ ਦੱਸਿਆ ਕਿ ਸਹਿਕਾਰੀ ਸਭਾ ਦੀ ਆਉਣ ਵਾਲੀ ਪ੍ਰਬੰਧਕ ਕਮੇਟੀ ਦੀ ਚੋਣ ਦੌਰਾਨ ਉਹ ਮੈਂਬਰ ਹੀ ਹਿੱਸਾ ਲੈ ਸਕੇਗਾ ਜਿਸ ਨੇ ਪੰਜ ਇਜਲਾਸਾਂ ਵਿਚੋਂ ਘੱਟੋ-ਘੱਟ ਦੋ ਇਜਲਾਸਾਂ ਵਿਚ ਸ਼ਮੂਲੀਅਤ ਕੀਤੀ ਹੋਵੇਗੀ | ਉਨ੍ਹਾਂ ਦੱਸਿਆ ਕਿ ਸਭਾ ਦੇ ਪਲੇਠੇ ਇਜਲਾਸ ਵਿੱਚ ਸਭਾ ਦੇ ਕੰਮਕਾਰ ਨੂੰ ਹੋਰ ਸੁਚਾਰੂ ਢੰਗ ਨਾਲ ਚਲਾਉਣ ਸਬੰਧੀ ਮੈਂਬਰਾਂ ਦੀ ਰਾਏ 'ਤੇ ਵਿਚਾਰਾਂ ਕੀਤੀਆਂ ਜਾਣਗੀਆਂ |
