ਨਵਾਂਸ਼ਹਿਰ, 17 ਅਪ੍ਰੈਲ (ਹਰਮਿੰਦਰ ਸਿੰਘ ਪਿੰਟੂ)-ਪਾਵਰਕਾਮ ਟਰਾਂਸਕੋ ਪੈਨਸ਼ਨਰ ਯੂਨੀਅਨ ਏਟਕ ਦੇ ਮੰਡਲ ਵਫ਼ਦ ਨਵਾਂਸ਼ਹਿਰ ਵਲੋਂ ਐਕਸੀਅਨ ਨਵਾਂਸ਼ਹਿਰ ਨਾਲ ਮੀਟਿੰਗ ਕੀਤੀ ਗਈ | ਮੰਡਲ ਦਫ਼ਤਰ ਵਲੋਂ ਮੰਡਲ ਸੁਪਰਡੈਂਟ ਅਤੇ ਮੰਡਲ ਲੇਖਾਕਾਰ ਹਾਜ਼ਰ ਹੋਏ | ਪੈਨਸ਼ਨਰ ਯੂਨੀਅਨ ਏਟਕ ਵੱਲੋਂ ਮੰਡਲ ਪ੍ਰਧਾਨ ਗੁਰਦੀਪ ਸਿੰਘ, ਸਰਕਲ ਪ੍ਰਧਾਨ ਹਸ਼ਮਤ ਅਲੀ, ਮੰਡਲ ਆਗੂ ਵਿਜੇ ਸਿੰਘ, ਰਾਮ ਆਸਰਾ, ਰਾਮ ਲਖਣ, ਜਗਦੀਸ ਸਿੰਘ, ਕੁੰਦਨ ਸਿੰਘ, ਲਛਮਣ ਦਾਸ ਅਤੇ ਪ੍ਰਭਾਕਰ ਤਿਵਾੜੀ ਹਾਜ਼ਰ ਹੋਏ | ਮੀਟਿੰਗ ਸਬੰਧੀ ਏਜੰਡਾ ਪੈਨਸ਼ਨਰਾਂ/ਫੈਮਿਲੀ ਪੈਨਸ਼ਨਰਾਂ ਦੀਆਂ ਮੰਗਾਂ ਜਿਵੇਂ ਬੁਢਾਪਾ ਭੱਤਾ ਨਾ ਮਿਲਣਾ, ਐੱਲ. ਟੀ. ਸੀ. ਦੇ ਪੈਸੇ ਨਾ ਮਿਲਣਾ, ਐਚ. ਆਰ ਡੈਟਾ ਵਿੱਚ ਤਰੁੱਟੀਆਂ ਨੂੰ ਦੂਰ ਕਰਨ, ਪੈਨਸ਼ਨਾਂ ਦੇ ਬਕਾਏ ਦੇ ਏਰੀਅਰ ਸਬੰਧੀ, 7/21 ਤੋਂ ਵਧੇ ਹੋਏ ਲੋਡੇ ਦੇ ਬਕਾਏ, ਮੈਡੀਕਲ ਬਿੱਲਾਂ ਸਬੰਧੀ ਪੇਸ਼ ਆ ਰਹੀਆਂ ਮੁਸ਼ਕਿਲਾਂ ਨੂੰ ਦੂਰ ਕਰਨ ਸਬੰਧੀ ਏਜੰਡਾ ਪਹਿਲਾਂ ਹੀ ਦਿੱਤਾ ਗਿਆ ਸੀ | ਇਸ ਏਜੰਡੇ ਸਬੰਧੀ ਐਕਸੀਅਨ ਵਲੋਂ ਜੰਥੇਬੰਦੀ ਨੂੰ ਲਿਖਤੀ ਮੀਟਿੰਗ 15-ਅਪ੍ਰੈਲ 26 ਨੂੰ ਦਿੱਤੀ ਗਈ ਮੀਟਿੰਗ ਵਿਚ ਇਕ-ਇਕ ਕਰਕੇ ਸਾਰੀਆਂ ਮੰਗਾਂ ਤੇ ਵਿਚਾਰ ਵਟਾਂਦਰਾ ਕਰਨ ਉਪਰੰਤ ਐਕਸੀਅਨ ਨਵਾਂਸ਼ਹਿਰ ਵਲੋਂ ਮੰਗਾ ਨੂੰ ਲਾਗੂ ਕਰਨ ਅਤੇ ਮੈਡੀਕਲ ਬਿੱਲਾਂ ਸਬੰਧੀ ਮੁਸ਼ਕਲਾਂ ਨੂੰ ਪਹਿਲ ਦੇ ਆਧਾਰ 'ਤੇ ਹੱਲ ਕਰਨ ਦਾ ਭਰੋਸਾ ਦਿੱਤਾ ਗਿਆ ਅਤੇ ਉਹਨਾਂ ਵਲੋਂ ਇਹ ਵੀ ਦੱਸਿਆ ਕਿ 1 ਜੁਲਾਈ 21 ਤੋਂ 4 ਮਾਰਚ 24 ਤੱਕ ਰਿਟਾਇਰੀ ਕਰਮਚਾਰੀਆਂ ਦੇ ਵਧੇ ਹੋਏ ਲੋਡੇ ਦੀ ਅਦਾਇਗੀ ਦੀ ਏਰੀਅਰ ਸੀਟ ਤਿਆਰ ਹੋ ਚੁੱਕੀ ਹੈ ਏਰੀਅਰ ਲੈਜਰ ਖੁੱਲ੍ਹਣ 'ਤੇ ਏਰੀਅਰ ਅਪਲੋਡ ਕਰ ਦਿੱਤਾ ਜਾਵੇਗਾ ਹਰ ਇੱਕ ਪੈਨਸ਼ਨਰ ਨੂੰ ਦਫ਼ਤਰ ਪਹੁੰਚ 'ਤੇ ਬਣਦਾ ਪੂਰਾ ਮਾਣ ਸਨਮਾਨ ਦਿੱਤਾ ਜਾਵੇਗਾ |
