ਕਟਾਰੀਆਂ, 3 ਮਈ (ਪ੍ਰੇਮੀ ਸੰਧਵਾਂ)-ਹੀਰ ਗੋਤ ਵਾਲਿਆਂ ਦੇ ਜੱਦੀ ਜਠੇਰੇ ਪਿੰਡ ਸੰਧਵਾਂ ਵਿਖੇ ਪਿੱਤਰਾਂ ਦੀ ਯਾਦ 'ਚ ਕਰਵਾਏ ਜਾਣ ਵਾਲੇ ਸਾਲਾਨਾ ਧਾਰਮਿਕ ਸਮਾਗਮ ਸੰਬੰਧੀ ਸੇਵਾਦਾਰਾਂ ਦੀ ਹੋਈ ਮੀਟਿੰਗ ਦੌਰਾਨ ਪ੍ਰਧਾਨ ਜਸਵੀਰ ਸ਼ੀਰਾ, ਸੈਕਟਰੀ ਫਰਿੰਦਰ ਹੀਰਾ ਤੇ ਕੈਸ਼ੀਅਰ ਅਫਸਰ ਸਤਪਾਲ ਹੀਰ, ਦੇਸ ਰਾਜ ਹੀਰਾ ਆਦਿ ਸੇਵਾਦਾਰਾਂ ਨੇ ਦੱਸਿਆ ਕਿ ਇਸ ਵਾਰ 17 ਮਈ ਨੂੰ ਹੀਰ ਜਠੇਰਿਆਂ ਦਾ ਮੇਲਾ ਸਮੂਹ ਹੀਰ ਭਾਈਚਾਰੇ ਦੇ ਸਹਿਯੋਗ ਨਾਲ ਮਨਾਇਆ ਜਾ ਰਿਹਾ ਹੈ | ਸੈਕਟਰੀ ਫਰਿੰਦਰ ਹੀਰਾ ਤੇ ਜਸਵੀਰ ਸ਼ੀਰਾ ਅਤੇ ਅਫ਼ਸਰ ਸਤਪਾਲ ਹੀਰਾ ਨੇ ਦੱਸਿਆ ਕਿ ਅਸਥਾਨ ਦੀਆਂ ਸਭ ਰਸਮਾਂ ਉਪਰੰਤ ਗਾਇਕ ਆਰ ਜੋਗੀ, ਜਸਵੰਤ ਹੀਰਾ, ਜੈਲਾ ਰਾਮ ਆਦਿ ਕਲਾਕਾਰਾਂ ਵਲੋਂ ਬਾਬਿਆਂ ਦੀ ਮਹਿਮਾ ਦਾ ਗੁਣਗਾਨ ਕੀਤਾ ਜਾਵੇਗਾ | ਸਮਾਗਮ ਦੌਰਾਨ ਵੱਖ-ਵੱਖ ਸ਼ਖ਼ਸੀਅਤਾਂ ਦਾ ਪ੍ਰਬੰਧਕਾਂ ਵਲੋਂ ਸਨਮਾਨ ਕੀਤਾ ਜਾਵੇਗਾ ਤੇ ਮੇਲੇ ਦੌਰਾਨ ਬਾਬਿਆਂ ਦਾ ਲੰਗਰ ਤੇ ਠੰਢੇ ਮਿੱਠੇ ਜਲ ਦੀ ਛਬੀਲ ਲਗਾਈ ਜਾਵੇਗੀ | ਇਸ ਮੌਕੇ ਕੁਲਵਿੰਦਰ ਕਿੰਦੀ, ਰਾਧੇ ਸਿਆਮ, ਮੱਖਣ ਰਾਮ, ਭਜਨ ਰਾਮ ਅਹੀਰ, ਅਫਸਰ ਸਤਪਾਲ ਅਹੀਰ, ਦੇਸ ਰਾਜ ਹੀਰਾ, ਜਸਵੀਰ ਸ਼ੀਰਾ ਆਦਿ ਹਾਜ਼ਰ ਸਨ |
